Euripides, Rhesus, episode, iambic 1:

(에우리피데스, Rhesus, episode, iambic 1:)

ναί, καὶ δίκαια ταῦτα κοὐκ ἄλλωσ λέγω. τάξαι δὲ μισθόν, πλὴν ἐμῆσ τυραννίδοσ. οὐ σῆσ ἐρῶμεν πολιόχου τυραννίδοσ. σὺ δ’ ἀλλὰ γήμασ Πριαμιδῶν γαμβρὸσ γενοῦ. οὐδ’ ἐξ ἐμαυτοῦ μειζόνων γαμεῖν θέλω. χρυσὸσ πάρεστιν, εἰ τόδ’ αἰτήσεισ γέρασ. ἀλλ’ ἔστ’ ἐν οἴκοισ· οὐ βίου σπανίζομεν. τί δῆτα χρῄζεισ ὧν κέκευθεν Ἴλιοσ; ἑλὼν Ἀχαιοὺσ δῶρά μοι ξυναίνεσον. δώσω· σὺ δ’ αἴτει πλὴν στρατηλάτασ νεῶν. κτεῖν’, οὔ σ’ ἀπαιτῶ Μενέλεω σχέσθαι χέρα. οὐ μὴν τὸν Ἰλέωσ παῖδά μ’ ἐξαιτῇ λαβεῖν; κακαὶ γεωργεῖν χεῖρεσ εὖ τεθραμμέναι. τίν’ οὖν Ἀχαιῶν ζῶντ’ ἀποινᾶσθαι θέλεισ; καὶ πρόσθεν εἶπον· ἔστι χρυσὸσ ἐν δόμοισ. καὶ μὴν λαφύρων γ’ αὐτὸσ αἱρήσῃ παρών. θεοῖσιν αὐτὰ πασσάλευε πρὸσ δόμοισ. τί δῆτα μεῖζον τῶνδέ μ’ αἰτήσεισ γέρασ; ἵππουσ Ἀχιλλέωσ· χρὴ δ’ ἐπ’ ἀξίοισ πονεῖν ψυχὴν προβάλλοντ’ ἐν κύβοισι δαίμονοσ. καὶ μὴν ἐρῶντί γ’ ἀντερᾷσ ἵππων ἐμοί· ἐξ ἀφθίτων γὰρ ἄφθιτοι πεφυκότεσ τὸν Πηλέωσ φέρουσι θούριον γόνον· δίδωσι δ’ αὐτοὺσ πωλοδαμνήσασ ἄναξ Πηλεῖ Ποσειδῶν, ὡσ λέγουσι, πόντιοσ. ἀλλ’ οὔ σ’ ἐπάρασ ψεύσομαι· δώσω δέ σοι, κάλλιστον οἴκοισ κτῆμ’, Ἀχιλλέωσ ὄχον. αἰνῶ· λαβὼν δ’ ἄν φημι κάλλιστον Φρυγῶν δῶρον δέχεσθαι τῆσ ἐμῆσ εὐσπλαγχνίασ. σὲ δ’ οὐ φθονεῖν χρή· μυρί’ ἔστιν ἄλλα σοι, ἐφ’ οἷσι τέρψῃ τῆσδ’ ἀριστεύων χθονόσ.

일치하는 문장이 없습니다.

SEARCH

MENU NAVIGATION