Euripides, Rhesus, episode

(에우리피데스, Rhesus, episode)

ἐσ καιρὸν ἥκεισ, καίπερ ἀγγέλλων φόβον· ἅνδρεσ γὰρ ἐκ γῆσ τῆσδε νυκτέρῳ πλάτῃ λαθόντεσ ὄμμα τοὐμὸν ἀρεῖσθαι φυγὴν μέλλουσι· σαίνει μ’ ἔννυχοσ φρυκτωρία. ὦ δαῖμον, ὅστισ μ’ εὐτυχοῦντ’ ἐνόσφισασ θοίνησ λέοντα, πρὶν τὸν Ἀργείων στρατὸν σύρδην ἅπαντα τῷδ’ ἀναλῶσαι δορί. εἰ γὰρ φαεννοὶ μὴ ξυνέσχον ἡλίου λαμπτῆρεσ, οὔτἂν ἔσχον εὐτυχοῦν δόρυ, πρὶν ναῦσ πυρῶσαι καὶ διὰ σκηνῶν μολεῖν κτείνων Ἀχαιοὺσ τῇδε πολυφόνῳ χερί. κἀγὼ μὲν ἦ πρόθυμοσ ἱέναι δόρυ ἐν νυκτὶ χρῆσθαί τ’ εὐτυχεῖ ῥύμῃ θεοῦ· ἀλλ’ οἱ σοφοί με καὶ τὸ θεῖον εἰδότεσ μάντεισ ἔπεισαν ἡμέρασ μεῖναι φάοσ κἄπειτ’ Ἀχαιῶν μηδέν’ ἐν χέρσῳ λιπεῖν. οἳ δ’ οὐ μένουσι τῶν ἐμῶν θυοσκόων βουλάσ· ἐν ὄρφνῃ δραπέτησ μέγα σθένει. ἀλλ’ ὡσ τάχιστα χρὴ παραγγέλλειν στρατῷ τεύχη πρόχειρα λαμβάνειν λῆξαί θ’ ὕπνου, ὡσ ἄν τισ αὐτῶν καὶ νεὼσ θρῴσκων ἔπι νῶτον χαραχθεὶσ κλίμακασ ῥάνῃ φόνῳ, οἳ δ’ ἐν βρόχοισι δέσμιοι λελημμένοι Φρυγῶν ἀρούρασ ἐκμάθωσι γαπονεῖν. Ἕκτορ, ταχύνεισ πρὶν μαθεῖν τὸ δρώμενον· ἅνδρεσ γὰρ εἰ φεύγουσιν οὐκ ἴσμεν τορῶσ. τίσ γὰρ πύρ’ αἴθειν πρόφασισ Ἀργείων στρατόν; οὐκ οἶδ’· ὕποπτον δ’ ἐστὶ κάρτ’ ἐμῇ φρενί. πάντ’ ἂν φοβηθεὶσ ἴσθι, δειμαίνων τόδε. οὔπω πρὶν ἧψαν πολέμιοι τοσόνδε φῶσ. οὐδ’ ὧδέ γ’ αἰσχρῶσ ἔπεσον ἐν τροπῇ δορόσ. σὺ ταῦτ’ ἔπραξασ· καὶ τὰ λοιπὰ νῦν σκόπει. ἁπλοῦσ ἐπ’ ἐχθροῖσ μῦθοσ ὁπλίζειν χέρα.

일치하는 문장이 없습니다.

SEARCH

MENU NAVIGATION