Euripides, Phoenissae, episode, lyric

(에우리피데스, Phoenissae, episode, lyric)

ἴθ’ ἐσ φυγὰν τάλαιναν· ὄρεγε χέρα φίλαν, πάτερ γεραιέ, πομπίμαν ἔχων ἔμ’ ὥστε ναυσίπομπον αὔραν. <ἰδοὺ> ἰδού, πορεύομαι· τέκνον, σύ μοι ποδαγὸσ ἀθλία γενοῦ. γενόμεθα γενόμεθ’, ἄθλιαί γε δῆτα Θηβαιᾶν μάλιστα παρθένων. πόθι γεραιὸν ἴχνοσ τίθημι; βάκτρα πρόσφερ’, ὦ τέκνον. τᾷδε τᾷδε βᾶθί μοι, τᾷδε τᾷδε πόδα τιθείσ, ὥστ’ ὄνειρον ἰσχύν. ἰὼ ἰώ, δυστυχεστάτασ φυγὰσ ἐλαύνων τὸν γέροντά μ’ ἐκ πάτρασ. ἰὼ ἰώ, δεινὰ δείν’ ἐγὼ τλάσ. τί τλάσ; τί τλάσ; οὐχ ὁρᾷ Δίκα κακούσ, οὐδ’ ἀμείβεται βροτῶν ἀσυνεσίασ. ὅδ’ εἰμὶ μοῦσαν ὃσ ἐπὶ καλ‐ λίνικον οὐράνιον ἔβαν <μειξο>παρθένου κόρασ αἴνιγμ’ ἀσύνετον εὑρών. Σφιγγὸσ ἀναφέρεισ ὄνειδοσ. ἄπαγε τὰ πάροσ εὐτυχήματ’ αὐδῶν. τάδε σ’ ἐπέμενε μέλεα πάθεα φυγάδα πατρίδοσ ἄπο γενόμενον, ὦ πάτερ, θανεῖν που.

SEARCH

MENU NAVIGATION