헬라어 문장 검색 - ΕυριπίΠηοενισ́11́4́03́

(에우리피데스, Phoenissae, episode, lyric 3:)

οὐκ ἐπ’ ὀνείδεσιν οὐδ’ ἐπιχάρμασιν, ἀλλ’ ὀδύναισι λέγω· σὸσ ἀλάστωρ ξίφεσιν βρίθων καὶ πυρὶ καὶ σχετλίαισι μάχαισ ἐπὶ παῖδασ ἔβα σούσ, ὦ πάτερ, ὤ μοι. αἰαῖ. τί τάδε καταστένεισ, τέκνα. δι’ ὀδύνασ ἔβασ· εἰ δὲ τέθριππά γ’ ἔθ’ ἁρ́ματα λεύσσων ἀελίου τάδε σώματα νεκρῶν ὄμματοσ αὐγαῖσ σαῖσ ἐπενώμασ ‐ τῶν μὲν ἐμῶν τεκέων φανερὸν κακόν· ἁ δὲ τάλαιν’ ἄλοχοσ τίνι μοι, τέκνον, ὤλετο μοίρᾳ; δάκρυα γοερὰ φανερὰ πᾶσι τιθεμένα, τέκεσι μαστὸν ἔφερεν ἔφερεν ἱκέτισ ἱκέτιν ὀρομένα. ηὑρ͂ε δ’ ἐν Ἠλέκτραισι πύλαισ τέκνα λωτοτρόφον κατὰ λείμακα λόγχαισ, κοινὸν ἐνυάλιον, μάτηρ, ὥστε λέοντασ ἐναύλουσ, μαρναμένουσ ἐπὶ τραύμασιν, αἵματοσ ἤδη ψυχρὰν λοιβὰν φονίαν, ἃν ἔλαχ’ Αἵδασ, ὤπασε δ’ Ἄρησ· χαλκόκροτον δὲ λαβοῦσα νεκρῶν πάρα φάσγανον εἴσω σαρκὸσ ἔβαψεν, ἄχει δὲ τέκνων ἔπεσ’ ἀμφὶ τέκνοισι. πάντα δ’ ἐν ἄματι τῷδε συνάγαγεν, ὦ πάτερ, ἁμετέροισι δόμοισιν ἄχη θεὸσ ὃσ τάδε τελευτᾷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Euripides, Phoenissae, episode, lyric 3:

(에우리피데스, Phoenissae, episode, lyric 3:)

상위

목록

SEARCH

MENU NAVIGATION