호흡부호 보기
강세부호 보기
장단부호 보기
작은 Iota 보기
모든 부호 보기
κἀνταῦθ’ ὁρῶμεν Ἑλλάδοσ νεὼσ σκάφοσ ταρσῷ κατήρει πίτυλον ἐπτερωμένον, ναύτασ τε πεντήκοντ’ ἐπὶ σκαλμῶν πλάτασ ἔχοντασ, ἐκ δεσμῶν δὲ τοὺσ νεανίασ ἐλευθέρουσ πρύμνηθεν ἑστῶτασ νεώσ. κοντοῖσ δὲ πρῷραν εἶχον, οἳ δ’ ἐπωτίδων ἄγκυραν ἐξανῆπτον· οἳ δέ, κλίμακασ σπεύδοντεσ, ἦγον διὰ χερῶν πρυμνήσια, πόντῳ δὲ δόντεσ τοῖν ξένοιν καθίεσαν. ἡμεῖσ δ’ ἀφειδήσαντεσ, ὡσ ἐσείδομεν δόλια τεχνήματ’, εἰχόμεσθα τῆσ ξένησ πρυμνησίων τε, καὶ δι’ εὐθυντηρίασ οἰάκασ ἐξῃροῦμεν εὐπρύμνου νεώσ. λόγοι δ’ ἐχώρουν· Τίνι λόγῳ πορθμεύετε κλέπτοντεσ ἐκ γῆσ ξόανα καὶ θυηπόλουσ; τίνοσ τίσ ὢν σὺ τήνδ’ ἀπεμπολᾷσ χθονόσ; ὁ δ’ εἶπ’· Ὀρέστησ, τῆσδ’ ὅμαιμοσ, ὡσ μάθῃσ, Ἀγαμέμνονοσ παῖσ, τήνδ’ ἐμὴν κομίζομαι λαβὼν ἀδελφήν, ἣν ἀπώλεσ’ ἐκ δόμων.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기