Euripides, Iphigenia in Tauris, episode

(에우리피데스, Iphigenia in Tauris, episode)

ὦ ναοφύλακεσ βώμιοί τ’ ἐπιστάται, Θόασ ἄναξ γῆσ τῆσδε ποῦ κυρεῖ βεβώσ; καλεῖτ’ ἀναπτύξαντεσ εὐγόμφουσ πύλασ ἔξω μελάθρων τῶνδε κοίρανον χθονόσ. τί δ’ ἔστιν, εἰ χρὴ μὴ κελευσθεῖσαν λέγειν; βεβᾶσι φροῦδοι δίπτυχοι νεανίαι Ἀγαμεμνονείασ παιδὸσ ἐκ βουλευμάτων φεύγοντεσ ἐκ γῆσ τῆσδε καὶ σεμνὸν βρέτασ λαβόντεσ ἐν κόλποισιν Ἑλλάδοσ νεώσ. ἄπιστον εἶπασ μῦθον· ὃν δ’ ἰδεῖν θέλεισ ἄνακτα χώρασ, φροῦδοσ ἐκ ναοῦ συθείσ. ποῖ; δεῖ γὰρ αὐτὸν εἰδέναι τὰ δρώμενα. οὐκ ἴσμεν· ἀλλὰ στεῖχε καὶ δίωκέ νιν ὅπου κυρήσασ τούσδ’ ἀπαγγελεῖσ λόγουσ. ὁρᾶτ’, ἄπιστον ὡσ γυναικεῖον γένοσ· μέτεστι χὑμῖν τῶν πεπραγμένων μέροσ. μαίνῃ· τί δ’ ἡμῖν τῶν ξένων δρασμοῦ μέτα; οὐκ εἶ κρατούντων πρὸσ πύλασ ὅσον τάχοσ; οὔ, πρίν γ’ ἂν εἴπῃ τοὔποσ ἑρμηνεὺσ ὅδε, εἴτ’ ἔνδον εἴτ’ οὐκ ἔνδον ἀρχηγὸσ χθονόσ.

SEARCH

MENU NAVIGATION