Euripides, Iphigenia in Tauris, episode, lyric 5:

(에우리피데스, Iphigenia in Tauris, episode, lyric 5:)

δέλτου μὲν αἵδε πολύθυροι διαπτυχαί, ξένοι, πάρεισιν· ἃ δ’ ἐπὶ τοῖσδε βούλομαι, ἀκούσατ’. οὐδεὶσ αὑτὸσ ἐν πόνοισ <τ’> ἀνὴρ ὅταν τε πρὸσ τὸ θάρσοσ ἐκ φόβου πέσῃ. ἐγὼ δὲ ταρβῶ μὴ ἀπονοστήσασ χθονὸσ θῆται παρ’ οὐδὲν τὰσ ἐμὰσ ἐπιστολὰσ ὁ τήνδε μέλλων δέλτον εἰσ Ἄργοσ φέρειν. τί δῆτα βούλῃ; τίνοσ ἀμηχανεῖσ πέρι; ὁρ́κον δότω μοι τάσδε πορθμεύσειν γραφὰσ πρὸσ Ἄργοσ, οἷσι βούλομαι πέμψαι φίλων. ἦ κἀντιδώσεισ τῷδε τοὺσ αὐτοὺσ λόγουσ; τί χρῆμα δράσειν ἢ τί μὴ δράσειν; λέγε. ἐκ γῆσ ἀφήσειν μὴ θανόντα βαρβάρου. δίκαιον εἶπασ· πῶσ γὰρ ἀγγείλειεν ἄν; ἦ καὶ τύραννοσ ταῦτα συγχωρήσεται; ναί. πείσω σφε, καὐτὴ ναὸσ εἰσβήσω σκάφοσ. ὄμνυ· σὺ δ’ ἔξαρχ’ ὁρ́κον ὅστισ εὐσεβήσ. δώσω, λέγειν χρή, τήνδε τοῖσι σοῖσ φίλοισ. τοῖσ σοῖσ φίλοισι γράμματ’ ἀποδώσω τάδε. κἀγὼ σὲ σώσω κυανέασ ἔξω πέτρασ. τίν’ οὖν ἐπόμνυσ τοισίδ’ ὁρ́κιον θεῶν; Ἄρτεμιν, ἐν ἧσπερ δώμασιν τιμὰσ ἔχω. ἐγὼ δ’ ἄνακτά γ’ οὐρανοῦ, σεμνὸν Δία. εἰ δ’ ἐκλιπὼν τὸν ὁρ́κον ἀδικοίησ ἐμέ; ἄνοστοσ εἰήν· τί δὲ σύ, μὴ σῴσασά με; μήποτε κατ’ Ἄργοσ ζῶσ’ ἴχνοσ θείην ποδόσ. ἄκουε δή νυν ὃν παρήλθομεν λόγον. ἀλλ’ αὖθισ ἔσται καινόσ, ἢν καλῶσ ἔχῃ. ἐξαίρετόν μοι δὸσ τόδ’, ἤν τι ναῦσ πάθῃ, χἡ δέλτοσ ἐν κλύδωνι χρημάτων μέτα ἀφανὴσ γένηται, σῶμα δ’ ἐκσῴσω μόνον, τὸν ὁρ́κον εἶναι τόνδε μηκέτ’ ἔμπεδον. ἀλλ’ οἶσθ’ ὃ δράσω; πολλὰ γὰρ πολλῶν κυρεῖ· τἀνόντα κἀγγεγραμμέν’ ἐν δέλτου πτυχαῖσ λόγῳ φράσω σοι πάντ’ ἀναγγεῖλαι φίλοισ. ἐν ἀσφαλεῖ γάρ· ἢν μὲν ἐκσῴσῃσ γραφήν, αὐτὴν φράσει σιγῶσα τἀγγεγραμμένα· ἢν δ’ ἐν θαλάσσῃ γράμματ’ ἀφανισθῇ τάδε, τὸ σῶμα σῴσασ τοὺσ λόγουσ σῴσεισ ἐμοί. καλῶσ ἔλεξασ τῶν θεῶν ἐμοῦ θ’ ὕπερ. σήμαινε δ’ ᾧ χρὴ τάσδ’ ἐπιστολὰσ φέρειν πρὸσ Ἄργοσ ὅ τι τε χρὴ κλύοντα σοῦ λέγειν.

SEARCH

MENU NAVIGATION