Euripides, Iphigenia in Tauris, episode, anapests 4:

(에우리피데스, Iphigenia in Tauris, episode, anapests 4:)

ἀκούσατ’· ἐσ γὰρ δή τιν’ ἥκομεν λόγον, ὑμῖν τ’ ὄνησιν, ὦ ξένοι, σπουδῆσ ἅμα κἀμοί. τὸ δ’ εὖ μάλιστά γ’ οὕτω γίγνεται, εἰ πᾶσι ταὐτὸν πρᾶγμ’ ἀρεσκόντωσ ἔχει. θέλοισ ἄν, εἰ σῴσαιμί σ’, ἀγγεῖλαί τί μοι πρὸσ Ἄργοσ ἐλθὼν τοῖσ ἐμοῖσ ἐκεῖ φίλοισ, δέλτον τ’ ἐνεγκεῖν, ἥν τισ οἰκτίρασ ἐμὲ ἔγραψεν αἰχμάλωτοσ, οὐχὶ τὴν ἐμὴν φονέα νομίζων χεῖρα, τοῦ νόμου δ’ ὕπο θνῄσκειν τὰ τῆσ θεοῦ, τάδε δίκαι’ ἡγουμένησ; οὐδένα γὰρ εἶχον ὅστισ ἀγγείλαι μολὼν ἐσ Ἄργοσ αὖθισ, τάσ <τ’> ἐμὰσ ἐπιστολὰσ πέμψειε σωθεὶσ τῶν ἐμῶν φίλων τινί. σὺ δ’ ‐ εἶ γάρ, ὡσ ἐοίκασ, οὔτε δυσμενὴσ καὶ τὰσ Μυκήνασ οἶσθα χοὓσ κἀγὼ θέλω ‐ σώθητι, καὶ σὺ μισθὸν οὐκ αἰσχρὸν λαβών, κούφων ἕκατι γραμμάτων σωτηρίαν. οὗτοσ δ’, ἐπείπερ πόλισ ἀναγκάζει τάδε, θεᾷ γενέσθω θῦμα χωρισθεὶσ σέθεν. καλῶσ ἔλεξασ τἄλλα πλὴν ἕν, ὦ ξένη· τὸ γὰρ σφαγῆναι τόνδε μοι βάροσ μέγα. ὁ ναυστολῶν γάρ εἰμ’ ἐγὼ τὰσ συμφοράσ, οὗτοσ δὲ συμπλεῖ τῶν ἐμῶν μόχθων χάριν. οὔκουν δίκαιον ἐπ’ ὀλέθρῳ τῷ τοῦδ’ ἐμὲ χάριν τίθεσθαι καὐτὸν ἐκδῦναι κακῶν. ἀλλ’ ὣσ γενέσθω· τῷδε μὲν δέλτον δίδου· πέμψει γὰρ Ἄργοσ, ὥστε σοι καλῶσ ἔχειν· ἡμᾶσ δ’ ὁ χρῄζων κτεινέτω. τὰ τῶν φίλων αἴσχιστον ὅστισ καταβαλὼν ἐσ ξυμφορὰσ αὐτὸσ σέσῳσται. τυγχάνει δ’ ὅδ’ ὢν φίλοσ, ὃν οὐδὲν ἧσσον ἢ ’μὲ φῶσ ὁρᾶν θέλω. ὦ λῆμ’ ἄριστον, ὡσ ἀπ’ εὐγενοῦσ τινοσ ῥίζησ πέφυκασ τοῖσ φίλοισ τ’ ὀρθῶσ φίλοσ. τοιοῦτοσ εἰή τῶν ἐμῶν ὁμοσπόρων ὅσπερ λέλειπται. καὶ γὰρ οὐδ’ ἐγώ, ξένοι, ἀνάδελφόσ εἰμι, πλὴν ὅσ’ οὐχ ὁρῶσά νιν. ἐπεὶ δὲ βούλῃ ταῦτα, τόνδε πέμψομεν δέλτον φέροντα, σὺ δὲ θανῇ· πολλὴ δέ τισ προθυμία σε τοῦδ’ ἔχουσα τυγχάνει.

SEARCH

MENU NAVIGATION