Euripides, Iphigenia in Aulis, episode, trochees 1:

(에우리피데스, Iphigenia in Aulis, episode, trochees 1:)

ταῦτα μέν σε πρῶτ’ ἐπῆλθον, ἵνα σε πρῶθ’ ηὑρ͂ον κακόν. ὡσ δ’ ἐσ Αὖλιν ἦλθεσ αὖθισ χὡ Πανελλήνων στρατόσ, οὐδὲν ἦσθ’, ἀλλ’ ἐξεπλήσσου τῇ τύχῃ τῇ τῶν θεῶν, οὐρίασ πομπῆσ σπανίζων· Δαναί̈δαι δ’ ἀφιέναι ναῦσ διήγγελλον, μάτην δὲ μὴ πονεῖν ἐν Αὐλίδι. ὡσ ἄνολβον εἶχεσ ὄμμα σύγχυσίν τ’, εἰ μὴ νεῶν χιλίων ἄρχων τὸ Πριάμου πεδίον ἐμπλήσεισ δορόσ. κἀμὲ παρεκάλεισ· Τί δράσω; τίνα δὲ πόρον εὑρ́ω πόθεν; ‐ ὥστε μὴ στερέντα σ’ ἀρχῆσ ἀπολέσαι καλὸν κλέοσ. κᾆτ’, ἐπεὶ Κάλχασ ἐν ἱεροῖσ εἶπε σὴν θῦσαι κόρην Ἀρτέμιδι, καὶ πλοῦν ἔσεσθαι Δαναί̈δαισ, ἡσθεὶσ φρένασ ἄσμενοσ θύσειν ὑπέστησ παῖδα· καὶ πέμπεισ ἑκών, οὐ βίᾳ ‐ μὴ τοῦτο λέξῃσ ‐ σῇ δάμαρτι, παῖδα σὴν δεῦρ’ ἀποστέλλειν, Ἀχιλλεῖ πρόφασιν ὡσ γαμουμένην. κᾆθ’ ὑποστρέψασ λέληψαι μεταβαλὼν ἄλλασ γραφάσ, ὡσ φονεὺσ οὐκέτι θυγατρὸσ σῆσ ἔσῃ. μάλιστά γε. οὗτοσ αὑτόσ ἐστιν αἰθὴρ ὃσ τάδ’ ἤκουσεν σέθεν. μυρίοι δέ τοι πεπόνθασ’ αὐτό· πρὸσ τὰ πράγματα ἐκπονοῦσ’ ἔχοντεσ, εἶτα δ’ ἐξεχώρησαν κακῶσ, τὰ μὲν ὑπὸ γνώμησ πολιτῶν ἀσυνέτου, τὰ δ’ ἐνδίκωσ ἀδύνατοι γεγῶτεσ αὐτοὶ διαφυλάξασθαι πόλιν. Ἑλλάδοσ μάλιστ’ ἔγωγε τῆσ ταλαιπώρου στένω, ἥ, θέλουσα δρᾶν τι κεδνόν, βαρβάρουσ τοὺσ οὐδένασ καταγελῶντασ ἐξανήσει διὰ σὲ καὶ τὴν σὴν κόρην. μηδέν’ ἀνδρείασ ἕκατι προστάτην θείμην χθονόσ, μηδ’ ὅπλων ἄρχοντα· νοῦν χρὴ τὸν στρατηλάτην ἔχειν· πόλεοσ ὡσ ἄρχων ἀνὴρ πᾶσ, ξύνεσιν ἢν ἔχων τύχῃ.

일치하는 문장이 없습니다.

SEARCH

MENU NAVIGATION