Euripides, Iphigenia in Aulis, episode, anapests 1:

(에우리피데스, Iphigenia in Aulis, episode, anapests 1:)

πέμπω σοι πρὸσ ταῖσ πρόσθεν δέλτουσ, ὦ Λήδασ ἔρνοσ . . . λέγε καὶ σήμαιν’, ἵνα καὶ γλώσσῃ σύντονα τοῖσ σοῖσ γράμμασιν αὐδῶ. μὴ στέλλειν τὰν σὰν ἶνιν πρὸσ τὰν κολπώδη πτέρυγ’ Εὐβοίασ Αὖλιν ἀκλύσταν. εἰσ ἄλλασ ὡρ́ασ γὰρ δὴ παιδὸσ δαίσομεν ὑμεναίουσ. καὶ πῶσ Ἀχιλεὺσ λέκτρων ἀπλακὼν οὐ μέγα φυσῶν θυμὸν ἐπαρεῖ σοὶ σῇ τ’ ἀλόχῳ; τόδε καὶ δεινόν· σήμαιν’ ὅ τι φῄσ. ὄνομ’, οὐκ ἔργον, παρέχων Ἀχιλεὺσ οὐκ οἶδε γάμουσ, οὐδ’ ὅ τι πράσσομεν, οὐδ’ ὅτι κείνῳ παῖδ’ ἐπεφήμισα νυμφείουσ εἰσ ἀγκώνων εὐνὰσ ἐκδώσειν λέκτροισ. δεινά γ’ ἐτόλμασ, Ἀγάμεμνον ἄναξ, ὃσ τῷ τῆσ θεᾶσ σὴν παῖδ’ ἄλοχον φατίσασ ἦγεσ σφάγιον Δαναοῖσ. οἴμοι, γνώμασ ἐξέσταν, αἰαῖ, πίπτω δ’ εἰσ ἄταν. ἀλλ’ ἴθ’ ἐρέσσων σὸν πόδα, γήρᾳ μηδὲν ὑπείκων. σπεύδω, βασιλεῦ. μή νυν μήτ’ ἀλσώδεισ ἵζου κρήνασ μήθ’ ὕπνῳ θελχθῇσ. εὔφημα θρόει. πάντῃ δὲ πόρον σχιστὸν ἀμείβων λεῦσσε, φυλάσσων μή τίσ σε λάθῃ τροχαλοῖσιν ὄχοισ παραμειψαμένη παῖδα κομίζουσ’ ἐνθάδ’ ἀπήνη Δαναῶν πρὸσ ναῦσ. ἔσται τάδε. κλῄθρων δ’ ἐξόρμοισ ἤν νιν πομπαῖσ ἀντήσῃσ, πάλιν εἰσόρμα, σεῖε χαλινούσ, ἐπὶ Κυκλώπων ἱεὶσ θυμέλασ. πιστὸσ δὲ φράσασ τάδε πῶσ ἔσομαι, λέγε, παιδὶ σέθεν τῇ σῇ τ’ ἀλόχῳ; σφραγῖδα φύλασσ’ ἣν ἐπὶ δέλτῳ τήνδε κομίζεισ. ἴθι. λευκαίνει τόδε φῶσ ἤδη λάμπουσ’ ἠὼσ πῦρ τε τεθρίππων τῶν Αἐλίου· σύλλαβε μόχθων. θνητῶν δ’ ὄλβιοσ ἐσ τέλοσ οὐδεὶσ οὐδ’ εὐδαίμων· οὔπω γὰρ ἔφυ τισ ἄλυποσ.

일치하는 문장이 없습니다.

SEARCH

MENU NAVIGATION