Euripides, Ion, episode 6:

(에우리피데스, Ion, episode 6:)

καὶ ταῖσ μὲν ἄλλαισ ἄνοσοσ ἦν λοιβὴ θεοῦ· ἣ δ’ ἕζετ’ ἔνθ’ ὁ καινὸσ ἔσπεισεν γόνοσ, ποτοῦ τ’ ἐγεύσατ’, εὐθὺσ εὔπτερον δέμασ ἔσεισε κἀβάκχευσεν, ἐκ δ’ ἔκλαγξ’ ὄπα ἀξύνετον αἰάζουσ’· ἐθάμβησεν δὲ πᾶσ θοινατόρων ὅμιλοσ ὄρνιθοσ πόνουσ. θνῄσκει δ’ ἀπασπαίρουσα, φοινικοσκελεῖσ χηλὰσ παρεῖσα. γυμνὰ δ’ ἐκ πέπλων μέλη ὑπὲρ τραπέζησ ἧχ’ ὁ μαντευτὸσ γόνοσ, βοᾷ δέ· Τίσ μ’ ἔμελλεν ἀνθρώπων κτενεῖν; σήμαινε, πρέσβυ· σὴ γὰρ ἡ προθυμία, καὶ πῶμα χειρὸσ σῆσ ἐδεξάμην πάρα. εὐθὺσ δ’ ἐρευνᾷ γραῖαν ὠλένην λαβών, ἐπ’ αὐτοφώρῳ πρέσβυν ὡσ ἔχονθ’ ἕλοι. ὤφθη δὲ καὶ κατεῖπ’ ἀναγκασθεὶσ μόγισ τόλμασ Κρεούσησ πώματόσ τε μηχανάσ. θεῖ δ’ εὐθὺσ ἔξω συλλαβὼν θοινάτορασ ὁ πυθόχρηστοσ Λοξίου νεανίασ, κἀν κοιράνοισι Πυθικοῖσ σταθεὶσ λέγει· Ὦ Γαῖα σεμνή, τῆσ Ἐρεχθέωσ ὕπο, ξένησ γυναικόσ, φαρμάκοισι θνῄσκομεν. Δελφῶν δ’ ἄνακτεσ ὡρ́ισαν πετρορριφῆ θανεῖν ἐμὴν δέσποιναν οὐ ψήφῳ μιᾷ, τὸν ἱερὸν ὡσ κτείνουσαν ἔν τ’ ἀνακτόροισ φόνον τιθεῖσαν. πᾶσα δὲ ζητεῖ πόλισ τὴν ἀθλίωσ σπεύσασαν ἀθλίαν ὁδόν· παίδων γὰρ ἐλθοῦσ’ εἰσ ἔρον Φοίβου πάρα, τὸ σῶμα κοινῇ τοῖσ τέκνοισ ἀπώλεσεν.

일치하는 문장이 없습니다.

SEARCH

MENU NAVIGATION