Euripides, Ion, episode

(에우리피데스, Ion, episode)

κλειναὶ γυναῖκεσ, ποῦ κόρην Ἐρεχθέωσ, δέσποιναν εὑρ́ω; πανταχῇ γὰρ ἄστεωσ ζητῶν νιν ἐξέπλησα κοὐκ ἔχω λαβεῖν. τί δ’ ἔστιν, ὦ ξύνδουλε; τίσ προθυμία ποδῶν ἔχει σε, καὶ λόγουσ τίνασ φέρεισ; θηρώμεθ’· ἀρχαὶ δ’ ἁπιχώριοι χθονὸσ ζητοῦσιν αὐτήν, ὡσ θάνῃ πετρουμένη. οἴμοι, τί λέξεισ; οὔτι που λελήμμεθα κρυφαῖον ἐσ παῖδ’ ἐκπορίζουσαι φόνον; ἔγνωσ; ‐ μεθέξεισ οὐκ ἐν ὑστάτοισ κακοῦ. ὤφθη δὲ πῶσ τὰ κρυπτὰ μηχανήματα; τὸ μὴ δίκαιον τῆσ δίκησ ἡσσώμενον ἐξηῦρεν ὁ θεόσ, οὐ μιανθῆναι θέλων. πῶσ; ἀντιάζω σ’ ἱκέτισ ἐξειπεῖν τάδε. πεπυσμέναι γάρ, εἰ θανεῖν ὅμωσ χρεών, ἥδιον ἂν θάνοιμεν, εἴθ’ ὁρᾶν φάοσ. ἐπεὶ θεοῦ μαντεῖον ᾤχετ’ ἐκλιπὼν πόσισ Κρεούσησ, παῖδα τὸν καινὸν λαβὼν πρὸσ δεῖπνα θυσίασ θ’ ἃσ θεοῖσ ὡπλίζετο, Ξοῦθοσ μὲν ᾤχετ’ ἔνθα πῦρ πηδᾷ θεοῦ βακχεῖον, ὡσ σφαγαῖσι Διονύσου πέτρασ δεύσειε δισσὰσ παιδὸσ ἀντ’ ὀπτηρίων, λέξασ· Σὺ μὲν νῦν, τέκνον, ἀμφήρεισ μένων σκηνὰσ ἀνίστη τεκτόνων μοχθήμασι. θύσασ δὲ Γενέταισ Θεοῖσιν ἢν μακρὸν χρόνον μένω, παροῦσι δαῖτεσ ἔστωσαν φίλοισ.

일치하는 문장이 없습니다.

SEARCH

MENU NAVIGATION