Euripides, Ion, episode

(에우리피데스, Ion, episode)

ὦ πρέσβυ παιδαγώγ’ Ἐρεχθέωσ πατρὸσ τοὐμοῦ ποτ’ ὄντοσ, ἡνίκ’ ἦν ἔτ’ ἐν φάει, ἔπαιρε σαυτὸν πρὸσ θεοῦ χρηστήρια, ὥσ μοι συνησθῇσ, εἴ τι Λοξίασ ἄναξ θέσπισμα παίδων ἐσ γονὰσ ἐφθέγξατο. σὺν τοῖσ φίλοισ γὰρ ἡδὺ μὲν πράσσειν καλῶσ· ἃ μὴ γένοιτο δ’, εἴ τι τυγχάνοι κακόν, ἐσ ὄμματ’ εὔνου φωτὸσ ἐμβλέψαι γλυκύ. ἐγὼ δέ σ’, ὥσπερ καὶ σὺ πατέρ’ ἐμόν ποτε, δέσποιν’ ὅμωσ οὖσ’ ἀντικηδεύω πατρόσ. ὦ θύγατερ, ἄξι’ ἀξίων γεννητόρων ἤθη φυλάσσεισ, κοὐ καταισχύνασ’ ἔχεισ τοὺσ σοὺσ παλαιούσ, ἐκγόνουσ αὐτόχθονασ. ἕλχ’ ἕλκε πρὸσ μέλαθρα καὶ κόμιζέ με. αἰπεινά τοι μαντεῖα· τοῦ γήρωσ δέ μοι συνεκπονοῦσα κῶλον ἰατρὸσ γενοῦ. ἕπου νυν· ἴχνοσ δ’ ἐκφύλασσ’ ὅπου τίθησ. ἰδού. τὸ τοῦ ποδὸσ μὲν βραδύ, τὸ τοῦ δὲ νοῦ ταχύ. βάκτρῳ δ’ ἐρείδου περιφερῆ στίβον χθονόσ. καὶ τοῦτο τυφλόν, ὅταν ἐγὼ βλέπω βραχύ. ὀρθῶσ ἔλεξασ· ἀλλὰ μὴ παρῇσ κόπῳ. οὔκουν ἑκών γε· τοῦ δ’ ἀπόντοσ οὐ κρατῶ. γυναῖκεσ, ἱστῶν τῶν ἐμῶν καὶ κερκίδοσ δούλευμα πιστόν, τίνα τύχην λαβὼν πόσισ βέβηκε παίδων, ὧνπερ οὕνεχ’ ἥκομεν; σημήνατ’· εἰ γὰρ ἀγαθά μοι μηνύσετε, οὐκ εἰσ ἀπίστουσ δεσπότασ βαλεῖσ χάριν. ἰὼ δαῖμον. τὸ φροίμιον μὲν τῶν λόγων οὐκ εὐτυχέσ. ἰὼ τλᾶμον. ἀλλ’ ἦ τι θεσφάτοισι δεσποτῶν νοσῶ; εἰε͂̔ν· τί δρῶμεν; θάνατοσ ὧν κεῖται πέρι . . . τίσ ἥδε μοῦσα, χὡ φόβοσ τίνων πέρι; εἴπωμεν ἢ σιγῶμεν; ἢ τί δράσομεν; εἴφ’· ὡσ ἔχεισ γε συμφοράν τιν’ εἰσ ἐμέ. εἰρήσεταί τοι, κεἰ θανεῖν μέλλω διπλῇ. οὐκ ἔστι σοι, δέσποιν’, ἐπ’ ἀγκάλαισ λαβεῖν τέκν’, οὐδὲ μαστῷ σῷ προσαρμόσαι ποτέ.

상위

Ion

목록

일치하는 문장이 없습니다.

SEARCH

MENU NAVIGATION