Euripides, Ion, episode 3:

(에우리피데스, Ion, episode 3:)

ἀδικεῖ νιν ὁ θεόσ· ἡ τεκοῦσα δ’ ἀθλία. οὔκουν ἔτ’ ἄλλον γ’ ὕστερον τίκτει γόνον. τί δ’, εἰ λάθρα νιν Φοῖβοσ ἐκτρέφει λαβών; τὰ κοινὰ χαίρων οὐ δίκαια δρᾷ μόνοσ. οἴμοι· προσῳδὸσ ἡ τύχη τὠμῷ πάθει. καὶ σέ, ὦ ξέν’, οἶμαι μητέρ’ ἀθλίαν ποθεῖν. καὶ μή γ’ ἐπ’ οἶκτόν μ’ ἔξαγ’ οὗ ’λελήσμεθα. σιγῶ· πέραινε δ’ ὧν σ’ ἀνιστορῶ πέρι. οἶσθ’ οὖν ὃ κάμνει τοῦ λόγου μάλιστά σοι; τί δ’ οὐκ ἐκείνῃ τῇ ταλαιπώρῳ νοσεῖ; πῶσ ὁ θεὸσ ὃ λαθεῖν βούλεται μαντεύσεται; εἴπερ καθίζει τρίποδα κοινὸν Ἑλλάδοσ. αἰσχύνεται τὸ πρᾶγμα· μὴ ’ξέλεγχέ νιν. ἀλγύνεται δέ γ’ ἡ παθοῦσα τῇ τύχῃ. οὐκ ἔστιν ὅστισ σοι προφητεύσει τάδε. ἐν τοῖσ γὰρ αὑτοῦ δώμασιν κακὸσ φανεὶσ Φοῖβοσ δικαίωσ τὸν θεμιστεύοντά σοι δράσειεν ἄν τι πῆμα. ἀπαλλάσσου, γύναι. τῷ γὰρ θεῷ τἀναντί’ οὐ μαντευτέον. ἐσ γὰρ τοσοῦτον ἀμαθίασ ἔλθοιμεν ἄν, εἰ τοὺσ θεοὺσ ἄκοντασ ἐκπονήσομεν φράζειν ἃ μὴ θέλουσιν, ἢ προβωμίοισ σφαγαῖσι μήλων ἢ δι’ οἰωνῶν πτεροῖσ. ἃν γὰρ βίᾳ σπεύδωμεν ἀκόντων θεῶν, ἄκοντα κεκτήμεσθα τἀγάθ’, ὦ γύναι· ἃ δ’ ἂν διδῶσ’ ἑκόντεσ, ὠφελούμεθα. πολλαί γε πολλοῖσ εἰσι συμφοραὶ βροτῶν, μορφαὶ δὲ διαφέρουσιν· ἓν δ’ ἂν εὐτυχὲσ μόλισ ποτ’ ἐξεύροι τισ ἀνθρώπων βίῳ. ὦ Φοῖβε, κἀκεῖ κἀνθάδ’ οὐ δίκαιοσ εἶ ἐσ τὴν ἀποῦσαν, ἧσ πάρεισιν οἱ λόγοι· ὃσ οὔτ’ ἔσωσασ τὸν σὸν ὃν σῶσαί σ’ ἐχρῆν, οὔθ’ ἱστορούσῃ μητρὶ μάντισ ὢν ἐρεῖσ, ὡσ, εἰ μὲν οὐκέτ’ ἔστιν, ὀγκωθῇ τάφῳ, εἰ δ’ ἔστιν . . . ἀλλ’ ἐᾶν χρὴ τάδ’, εἰ πρὸσ τοῦ θεοῦ κωλυόμεσθα μὴ μαθεῖν ἃ βούλομαι.

일치하는 문장이 없습니다.

SEARCH

MENU NAVIGATION