호흡부호 보기
강세부호 보기
장단부호 보기
작은 Iota 보기
모든 부호 보기
ὦ φίλτατ’ ἀνδρῶν Πρίαμε, φιλτάτη δὲ σύ, Ἑκάβη, δακρύω σ’ εἰσορῶν πόλιν τε σὴν τήν τ’ ἀρτίωσ θανοῦσαν ἔκγονον σέθεν. φεῦ· οὐκ ἔστι πιστὸν οὐδέν, οὔτ’ εὐδοξία οὔτ’ αὖ καλῶσ πράσσοντα μὴ πράξειν κακῶσ. φύρουσι δ’ αὐτοὶ θεοὶ πάλιν τε καὶ πρόσω ταραγμὸν ἐντιθέντεσ, ὡσ ἀγνωσίᾳ σέβωμεν αὐτούσ. ἀλλὰ ταῦτα μὲν τί δεῖ θρηνεῖν, προκόπτοντ’ οὐδὲν ἐσ πρόσθεν κακῶν; σὺ δ’, εἴ τι μέμφῃ τῆσ ἐμῆσ ἀπουσίασ, σχέσ· τυγχάνω γὰρ ἐν μέσοισ Θρῄκησ ὁρ́οισ ἀπών, ὅτ’ ἦλθεσ δεῦρ’· ἐπεὶ δ’ ἀφικόμην, ἤδη πόδ’ ἔξω δωμάτων αἴροντί μοι ἐσ ταὐτὸν ἥδε συμπίτνει δμωὶσ σέθεν λέγουσα μύθουσ, ὧν κλύων ἀφικόμην. αἰσχύνομαί σε προσβλέπειν ἐναντίον, Πολυμῆστορ, ἐν τοιοῖσδε κειμένη κακοῖσ. ὅτῳ γὰρ ὤφθην εὐτυχοῦσ’, αἰδώσ μ’ ἔχει ἐν τῷδε πότμῳ τυγχάνουσ’ ἵν’ εἰμὶ νῦν κοὐκ ἂν δυναίμην προσβλέπειν ὀρθαῖσ κόραισ. ἀλλ’ αὐτὸ μὴ δύσνοιαν ἡγήσῃ σέθεν, Πολυμῆστορ· ἄλλωσ δ’ αἴτιόν τι καὶ νόμοσ, γυναῖκασ ἀνδρῶν μὴ βλέπειν ἐναντίον. καὶ θαῦμά γ’ οὐδέν. ἀλλὰ τίσ χρεία σ’ ἐμοῦ; τί χρῆμ’ ἐπέμψω τὸν ἐμὸν ἐκ δόμων πόδα· ἴδιον ἐμαυτῆσ δή τι πρὸσ σὲ βούλομαι καὶ παῖδασ εἰπεῖν σούσ· ὀπάονασ δέ μοι χωρὶσ κέλευσον τῶνδ’ ἀποστῆναι δόμων. χωρεῖτ’· ἐν ἀσφαλεῖ γὰρ ἥδ’ ἐρημία. φίλη μὲν εἶ σύ, προσφιλὲσ δέ μοι τόδε στράτευμ’ Ἀχαιῶν. ἀλλὰ σημαίνειν σὲ χρῆν· τί χρὴ τὸν εὖ πράσσοντα μὴ πράσσουσιν εὖ φίλοισ ἐπαρκεῖν; ὡσ ἕτοιμόσ εἰμ’ ἐγώ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기