Euripides, Hecuba, episode, iambics 6:

(에우리피데스, Hecuba, episode, iambics 6:)

φεῦ. οὐκ ἔστι θνητῶν ὅστισ ἔστ’ ἐλεύθεροσ· ἢ χρημάτων γὰρ δοῦλόσ ἐστιν ἢ τύχησ, ἢ πλῆθοσ αὐτὸν πόλεοσ ἢ νόμων γραφαὶ εἴργουσι χρῆσθαι μὴ κατὰ γνώμην τρόποισ. ἐπεὶ δὲ ταρβεῖσ τῷ τ’ ὄχλῳ πλέον νέμεισ, ἐγώ σε θήσω τοῦδ’ ἐλεύθερον φόβου. σύνισθι μὲν γάρ, ἤν τι βουλεύσω κακὸν τῷ τόνδ’ ἀποκτείναντι, συνδράσῃσ δὲ μή. ἢν δ’ ἐξ Ἀχαιῶν θόρυβοσ ἢ ’πικουρία πάσχοντοσ ἀνδρὸσ Θρῃκὸσ οἱᾶ πείσεται φανῇ τισ, εἶργε μὴ δοκῶν ἐμὴν χάριν. τὰ δ’ ἄλλα ‐ θάρσει ‐ πάντ’ ἐγὼ θήσω καλῶσ. πῶσ οὖν; τί δράσεισ; πότερα φάσγανον χερὶ λαβοῦσα γραίᾳ φῶτα βάρβαρον κτενεῖσ, ἢ φαρμάκοισιν ἢ ’πικουρίᾳ τινί; τίσ σοι ξυνέσται χείρ; πόθεν κτήσῃ φίλουσ; στέγαι κεκεύθασ’ αἵδε Τρῳάδων ὄχλον. τὰσ αἰχμαλώτουσ εἶπασ, Ἑλλήνων ἄγραν; σὺν ταῖσδε τὸν ἐμὸν φονέα τιμωρήσομαι. καὶ πῶσ γυναιξὶν ἀρσένων ἔσται κράτοσ; δεινὸν τὸ πλῆθοσ σὺν δόλῳ τε δύσμαχον. δεινόν· τὸ μέντοι θῆλυ μέμφομαι γένοσ. τί δ’; οὐ γυναῖκεσ εἷλον Αἰγύπτου τέκνα καὶ Λῆμνον ἄρδην ἀρσένων ἐξῴκισαν; ἀλλ’ ὣσ γενέσθω· τόνδε μὲν μέθεσ λόγον, πέμψον δέ μοι τήνδ’ ἀσφαλῶσ διὰ στρατοῦ γυναῖκα. ‐ καὶ σὺ Θρῃκὶ πλαθεῖσα ξένῳ λέξον· Καλεῖ σ’ ἄνασσα δή ποτ’ Ἰλίου Ἑκάβη, σὸν οὐκ ἔλασσον ἢ κείνησ χρέοσ, καὶ παῖδασ· ὡσ δεῖ καὶ τέκν’ εἰδέναι λόγουσ τοὺσ ἐξ ἐκείνησ. ‐ τὸν δὲ τῆσ νεοσφαγοῦσ Πολυξένησ ἐπίσχεσ, Ἀγάμεμνον, τάφον, ὡσ τώδ’ ἀδελφὼ πλησίον μιᾷ φλογί, δισσὴ μέριμνα μητρί, κρυφθῆτον χθονί. ἔσται τάδ’ οὕτω· καὶ γὰρ εἰ μὲν ἦν στρατῷ πλοῦσ, οὐκ ἂν εἶχον τήνδε σοι δοῦναι χάριν· νῦν δ’, οὐ γὰρ ἱήσ’ οὐρίουσ πνοὰσ θεόσ, μένειν ἀνάγκη πλοῦν ὁρῶντ’ ἐσ ἥσυχον. γένοιτο δ’ εὖ πωσ· πᾶσι γὰρ κοινὸν τόδε, ἰδίᾳ θ’ ἑκάστῳ καὶ πόλει, τὸν μὲν κακὸν κακόν τι πάσχειν, τὸν δὲ χρηστὸν εὐτυχεῖν.

상위

Hecuba

목록

SEARCH

MENU NAVIGATION