Euripides, Hecuba, episode

(에우리피데스, Hecuba, episode)

ποῦ τὴν ἄνασσαν δή ποτ’ οὖσαν Ἰλίου Ἑκάβην ἂν ἐξεύροιμι, Τρῳάδεσ κόραι; αὕτη πέλασ σου νῶτ’ ἔχουσ’ ἐπὶ χθονί, Ταλθύβιε, κεῖται ξυγκεκλῃμένη πέπλοισ. ὦ Ζεῦ, τί λέξω; πότερά σ’ ἀνθρώπουσ ὁρᾶν; ἢ δόξαν ἄλλωσ τήνδε κεκτῆσθαι μάτην, ψευδῆ, δοκοῦντασ δαιμόνων εἶναι γένοσ τύχην δὲ πάντα τἀν βροτοῖσ ἐπισκοπεῖν; οὐχ ἥδ’ ἄνασσα τῶν πολυχρύσων Φρυγῶν, οὐχ ἥδε Πριάμου τοῦ μέγ’ ὀλβίου δάμαρ; καὶ νῦν πόλισ μὲν πᾶσ’ ἀνέστηκεν δορί, αὐτὴ δὲ δούλη γραῦσ ἄπαισ ἐπὶ χθονὶ κεῖται, κόνει φύρουσα δύστηνον κάρα. φεῦ φεῦ· γέρων μέν εἰμ’, ὅμωσ δέ μοι θανεῖν εἰή πρὶν αἰσχρᾷ περιπεσεῖν τύχῃ τινί. ἀνίστασ’, ὦ δύστηνε, καὶ μετάρσιον πλευρὰν ἔπαιρε καὶ τὸ πάλλευκον κάρα. ἐά· τίσ οὗτοσ σῶμα τοὐμὸν οὐκ ἐᾷ κεῖσθαι; τί κινεῖσ μ’, ὅστισ εἶ, λυπουμένην; Ταλθύβιοσ ἥκω Δαναϊδῶν ὑπηρέτησ, Ἀγαμέμνονοσ πέμψαντοσ, ὦ γύναι, μέτα. ὦ φίλτατ’, ἆρα κἄμ’ ἐπισφάξαι τάφῳ δοκοῦν Ἀχαιοῖσ ἦλθεσ; ὡσ φίλ’ ἂν λέγοισ. σπεύδωμεν, ἐγκονῶμεν· ἡγοῦ μοι, γέρον. σὴν παῖδα κατθανοῦσαν ὡσ θάψῃσ, γύναι, ἥκω μεταστείχων σε· πέμπουσιν δέ με δισσοί τ’ Ἀτρεῖδαι καὶ λεὼσ Ἀχαιικόσ. οἴμοι, τί λέξεισ; οὐκ ἄρ’ ὡσ θανουμένουσ μετῆλθεσ ἡμᾶσ, ἀλλὰ σημανῶν κακά; ὄλωλασ, ὦ παῖ, μητρὸσ ἁρπασθεῖσ’ ἄπο· ἡμεῖσ δ’ ἄτεκνοι τοὐπὶ σ’· ὦ τάλαιν’ ἐγώ. πῶσ καί νιν ἐξεπράξατ’; ἆρ’ αἰδούμενοι; ἢ πρὸσ τὸ δεινὸν ἤλθεθ’ ὡσ ἐχθράν, γέρον, κτείνοντεσ; εἰπέ, καίπερ οὐ λέξων φίλα.

일치하는 문장이 없습니다.

SEARCH

MENU NAVIGATION