Euripides, Hecuba, choral, anapests 1:

(에우리피데스, Hecuba, choral, anapests 1:)

ὦ στεροπὰ Διόσ, ὦ σκοτία νύξ, τί ποτ’ αἴρομαι ἔννυχοσ οὕτω δείμασι, φάσμασιν; ὦ πότνια Χθών, μελανοπτερύγων μῆτερ ὀνείρων, ἀποπέμπομαι ἔννυχον ὄψιν, ἣν περὶ παιδὸσ ἐμοῦ τοῦ σῳζομένου κατὰ Θρῄκην ἀμφὶ Πολυξείνησ τε φίλησ θυγατρὸσ δι’ ὀνείρων εἶδον γὰρ φοβερὰν ὄψιν ἔμαθον ἐδάην. ὦ χθόνιοι θεοί, σώσατε παῖδ’ ἐμόν, ὃσ μόνοσ οἴκων ἄγκυρ’ ἔτ’ ἐμῶν τὴν χιονώδη Θρῄκην κατέχει ξείνου πατρίου φυλακαῖσιν. ἔσται τι νέον· ἥξει τι μέλοσ γοερὸν γοεραῖσ. οὔποτ’ ἐμὰ φρὴν ὧδ’ ἀλίαστοσ φρίσσει, ταρβεῖ. ποῦ ποτε θείαν Ἑλένου ψυχὰν καὶ Κασάνδραν ἐσίδω, Τρῳάδεσ, ὥσ μοι κρίνωσιν ὀνείρουσ; εἶδον γὰρ βαλιὰν ἔλαφον λύκου αἵμονι χαλᾷ σφαζομέναν, ἀπ’ ἐμῶν γονάτων σπασθεῖσαν ἀνοίκτωσ. καὶ τόδε δεῖμά μοι· ἦλθ’ ὑπὲρ ἄκρασ τύμβου κορυφᾶσ φάντασμ’ Ἀχιλέωσ· ᾔτει δὲ γέρασ τῶν πολυμόχθων τινὰ Τρωιάδων. ἀπ’ ἐμᾶσ ἀπ’ ἐμᾶσ οὖν τόδε παιδὸσ πέμψατε, δαίμονεσ, ἱκετεύω.

일치하는 문장이 없습니다.

SEARCH

MENU NAVIGATION