Euripides, Hecuba, episode 1:

(에우리피데스, Hecuba, episode 1:)

Ἥκω νεκρῶν κευθμῶνα καὶ σκότου πύλασ λιπών, ἵν’ Αἵδησ χωρὶσ ᾤκισται θεῶν, Πολύδωροσ, Ἑκάβησ παῖσ γεγὼσ τῆσ Κισσέωσ Πριάμου τε πατρόσ, ὅσ μ’, ἐπεὶ Φρυγῶν πόλιν κίνδυνοσ ἔσχε δορὶ πεσεῖν Ἑλληνικῷ, δείσασ ὑπεξέπεμψε Τρωικῆσ χθονὸσ Πολυμήστοροσ πρὸσ δῶμα Θρῃκίου ξένου, ὃσ τήν<δ’> ἀρίστην Χερσονησίαν πλάκα σπείρει, φίλιππον λαὸν εὐθύνων δορί. πολὺν δὲ σὺν ἐμοὶ χρυσὸν ἐκπέμπει λάθρᾳ πατήρ, ἵν’, εἴ ποτ’ Ἰλίου τείχη πέσοι, τοῖσ ζῶσιν εἰή παισὶ μὴ σπάνισ βίου. νεώτατοσ δ’ ἦ Πριαμιδῶν, ὃ καί με γῆσ ὑπεξέπεμψεν· οὔτε γὰρ φέρειν ὅπλα οὔτ’ ἔγχοσ οἱο͂́σ τ’ ἦ νέῳ βραχίονι. ἑώσ μὲν οὖν γῆσ ὄρθ’ ἔκειθ’ ὁρίσματα πύργοι τ’ ἄθραυστοι Τρωικῆσ ἦσαν χθονὸσ Ἕκτωρ τ’ ἀδελφὸσ οὑμὸσ εὐτύχει δορί, καλῶσ παρ’ ἀνδρὶ Θρῃκὶ πατρῴῳ ξένῳ τροφαῖσιν ὥσ τισ πτόρθοσ ηὐξόμην, τάλασ· ἐπεὶ δὲ Τροία θ’ Ἕκτορόσ τ’ ἀπόλλυται ψυχή, πατρῴα θ’ ἑστία κατεσκάφη, αὐτὸσ δὲ βωμῷ πρὸσ θεοδμήτῳ πίτνει σφαγεὶσ Ἀχιλλέωσ παιδὸσ ἐκ μιαιφόνου, κτείνει με χρυσοῦ τὸν ταλαίπωρον χάριν ξένοσ πατρῷοσ καὶ κτανὼν ἐσ οἶδμ’ ἁλὸσ μεθῆχ’, ἵν’ αὐτὸσ χρυσὸν ἐν δόμοισ ἔχῃ. κεῖμαι δ’ ἐπ’ ἀκταῖσ, ἄλλοτ’ ἐν πόντου σάλῳ, πολλοῖσ διαύλοισ κυμάτων φορούμενοσ, ἄκλαυτοσ ἄταφοσ· νῦν δ’ ὑπὲρ μητρὸσ φίλησ Ἑκάβησ ἀίσσω, σῶμ’ ἐρημώσασ ἐμόν, τριταῖον ἤδη φέγγοσ αἰωρούμενοσ, ὅσονπερ ἐν γῇ τῇδε Χερσονησίᾳ μήτηρ ἐμὴ δύστηνοσ ἐκ Τροίασ πάρα.

일치하는 문장이 없습니다.

SEARCH

MENU NAVIGATION