Euripides, episode, anapests 1:

(에우리피데스, episode, anapests 1:)

ἔκβητ’ ἀπήνησ, Τρῳάδεσ, χειρὸσ δ’ ἐμῆσ λάβεσθ’, ἵν’ ἔξω τοῦδ’ ὄχου στήσω πόδα. σκύλοισι μὲν γὰρ θεῶν κεκόσμηνται δόμοι Φρυγίοισ, ἐγὼ δὲ τάσδε, Τρῳάδοσ χθονὸσ ἐξαίρετ’, ἀντὶ παιδὸσ ἣν ἀπώλεσα σμικρὸν γέρασ, καλὸν δὲ κέκτημαι δόμοισ. οὔκουν ἐγώ ‐ δούλη γὰρ ἐκβεβλημένη δόμων πατρῴων δυστυχεῖσ οἰκῶ δόμουσ ‐ μῆτερ, λάβωμαι μακαρίασ τῆσ σῆσ χερόσ; δοῦλαι πάρεισιν αἵδε, μὴ σύ μοι πόνει. τί δ’; αἰχμάλωτόν τοί μ’ ἀπῴκισασ δόμων, ᾑρημένων δὲ δωμάτων ᾑρήμεθα, ὡσ αἵδε, πατρὸσ ὀρφαναὶ λελειμμέναι. τοιαῦτα μέντοι σὸσ πατὴρ βουλεύματα ἐσ οὓσ ἐχρῆν ἥκιστ’ ἐβούλευσεν φίλων. λέξω δὲ . . . καίτοι δόξ’ ὅταν λάβῃ κακὴ γυναῖκα, γλώσσῃ πικρότησ ἔνεστί τισ. ὡσ μὲν παρ’ ἡμῖν, οὐ καλῶσ· τὸ πρᾶγμα δὲ μαθόντασ, ἢν μὲν ἀξίωσ μισεῖν ἔχῃ, στυγεῖν δίκαιον· εἰ δὲ μή, τί δεῖ στυγεῖν; ἡμᾶσ ἔδωκε Τυνδάρεωσ τῷ σῷ πατρί, οὐχ ὥστε θνῄσκειν, οὐδ’ ἃ γειναίμην ἐγώ. κεῖνοσ δὲ παῖδα τὴν ἐμὴν Ἀχιλλέωσ λέκτροισι πείσασ ᾤχετ’ ἐκ δόμων ἄγων πρυμνοῦχον Αὖλιν, ἔνθ’ ὑπερτείνασ πυρᾶσ λευκὴν διήμησ’ Ἰφιγόνησ παρηί̈δα. κεἰ μὲν πόλεωσ ἅλωσιν ἐξιώμενοσ, ἢ δῶμ’ ὀνήσων τἄλλα τ’ ἐκσῴζων τέκνα, ἔκτεινε πολλῶν μίαν ὕπερ, συγγνώστ’ ἂν ἦν· νῦν δ’ οὕνεχ’ Ἑλένη μάργοσ ἦν ὅ τ’ αὖ λαβὼν ἄλοχον κολάζειν προδότιν οὐκ ἠπίστατο, τούτων ἕκατι παῖδ’ ἐμὴν διώλεσεν. ἐπὶ τοῖσδε τοίνυν καίπερ ἠδικημένη οὐκ ἠγριώμην οὐδ’ ἂν ἔκτανον πόσιν· ἀλλ’ ἦλθ’ ἔχων μοι μαινάδ’ ἔνθεον κόρην λέκτροισ τ’ ἐπεισέφρηκε, καὶ νύμφα δύο ἐν τοῖσιν αὐτοῖσ δώμασιν κατείχομεν.

목록

일치하는 문장이 없습니다.

SEARCH

MENU NAVIGATION