Euripides, episode 4:

(에우리피데스, episode 4:)

ὁ δ’ εὐκρότητον Δωρίδ’ ἁρπάσασ χεροῖν, ῥίψασ ἀπ’ ὤμων εὐπρεπῆ πορπάματα, Πυλάδην μὲν εἵλετ’ ἐν πόνοισ ὑπηρέτην, δμῶασ δ’ ἀπωθεῖ· καὶ λαβὼν μόσχου πόδα, λευκὰσ ἐγύμνου σάρκασ ἐκτείνων χέρα· θᾶσσον δὲ βύρσαν ἐξέδειρεν ἢ δρομεὺσ δισσοὺσ διαύλουσ ἱππίουσ διήνυσε, κἀνεῖτο λαγόνασ. ἱερὰ δ’ ἐσ χεῖρασ λαβὼν Αἴγισθοσ ἤθρει. καὶ λοβὸσ μὲν οὐ προσῆν σπλάγχνοισ, πύλαι δὲ καὶ δοχαὶ χολῆσ πέλασ κακὰσ ἔφαινον τῷ σκοποῦντι προσβολάσ. χὣ μὲν σκυθράζει, δεσπότησ δ’ ἀνιστορεῖ· τί χρῆμ’ ἀθυμεῖσ; ‐ ὦ ξέν’, ὀρρωδῶ τινα δόλον θυραῖον. ἔστι δ’ ἔχθιστοσ βροτῶν Ἀγαμέμνονοσ παῖσ πολέμιόσ τ’ ἐμοῖσ δόμοισ· ὃ δ’ εἶπε· φυγάδοσ δῆτα δειμαίνεισ δόλον, πόλεωσ ἀνάσσων; οὐχ, ὅπωσ παστήρια θοινασόμεσθα, Φθιάδ’ ἀντὶ Δωρικῆσ οἴσει τισ ἡμῖν κοπίδ’, ἀπορρήξω χέλυν; λαβὼν δὲ κόπτει. σπλάγχνα δ’ Αἴγισθοσ λαβὼν ἤθρει διαιρῶν. τοῦ δὲ νεύοντοσ κάτω ὄνυχασ ἐπ’ ἄκρουσ στὰσ κασίγνητοσ σέθεν ἐσ σφονδύλουσ ἔπαισε, νωτιαῖα δὲ ἔρρηξεν ἄρθρα· πᾶν δὲ σῶμ’ ἄνω κάτω ἤσπαιρεν ἠλάλαζε δυσθνῄσκων φόνῳ.

일치하는 문장이 없습니다.

SEARCH

MENU NAVIGATION