호흡부호 보기
강세부호 보기
장단부호 보기
작은 Iota 보기
모든 부호 보기
τοῦτον μὲν οὖν μεθεῖσαν ἐκ μέσου λόγον· λαβὲ σίδηρον, ὦ ξένε, δεῖξόν τε φήμην ἔτυμον ἀμφὶ Θεσσαλῶν. λόγχασ δὲ θέντεσ δεσπότου φρουρήματα δμῶεσ πρὸσ ἔργον πάντεσ ἱέσαν χέρασ· οἳ μὲν σφαγεῖον ἔφερον, οἳ δ’ ᾖρον κανᾶ, ἄλλοι δὲ πῦρ ἀνῆπτον ἀμφί τ’ ἐσχάρασ λέβητασ ὤρθουν· πᾶσα δ’ ἐκτύπει στέγη. λαβὼν δὲ προχύτασ μητρὸσ εὐνέτησ σέθεν ἔβαλλε βωμούσ, τοιάδ’ ἐννέπων ἔπη· νύμφαι πετραῖαι, πολλάκισ με βουθυτεῖν καὶ τὴν κατ’ οἴκουσ Τυνδαρίδα δάμαρτ’ ἐμὴν πράσσοντασ ὡσ νῦν, τοὺσ δ’ ἐμοὺσ ἐχθροὺσ κακῶσ ‐ λέγων Ὀρέστην καὶ σέ. δεσπότησ δ’ ἐμὸσ τἀναντί’ ηὔχετ’, οὐ γεγωνίσκων λόγουσ, λαβεῖν πατρῷα δώματ’. ἐκ κανοῦ δ’ ἑλὼν Αἴγισθοσ ὀρθὴν σφαγίδα, μοσχείαν τρίχα τεμὼν ἐφ’ ἁγνὸν πῦρ ἔθηκε δεξιᾷ, κἄσφαξ’ ἐπ’ ὤμων μόσχον ὡσ ἦραν χεροῖν δμῶεσ, λέγει δὲ σῷ κασιγνήτῳ τάδε· Ἐκ τῶν καλῶν κομποῦσι τοῖσι Θεσσαλοῖσ εἶναι τόδ’, ὅστισ ταῦρον ἀρταμεῖ καλῶσ ἵππουσ τ’ ὀχμάζει·
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기