Euripides, episode

(에우리피데스, episode)

πολλῶν κακῶν Ἕλλησιν αἰτίαν ἔχει σῆσ μητρὸσ Ἑλένη σύγγονοσ δόμοισ τε σοῖσ. οἴμοι, γυναῖκεσ, ἐξέβην θρηνημάτων. ξένοι τινὲσ παρ’ οἶκον οἵδ’ ἐφεστίουσ εὐνὰσ ἔχοντεσ ἐξανίστανται λόχου· φυγῇ σὺ μὲν κατ’ οἶμον, ἐσ δόμουσ δ’ ἐγὼ φῶτασ κακούργουσ ἐξαλύξωμεν ποδί. μέν’, ὦ τάλαινα· μὴ τρέσῃσ ἐμὴν χέρα. ὦ Φοῖβ’ Ἄπολλον· προσπίτνω σε μὴ θανεῖν. ἄλλουσ κτάνοιμι μᾶλλον ἐχθίουσ σέθεν. ἄπελθε, μὴ ψαῦ’ ὧν σε μὴ ψαύειν χρεών. οὐκ ἔσθ’ ὅτου θίγοιμ’ ἂν ἐνδικώτερον. καὶ πῶσ ξιφήρησ πρὸσ δόμοισ λοχᾷσ ἐμοῖσ; μείνασ’ ἄκουσον, καὶ τάχ’ οὐκ ἄλλωσ ἐρεῖσ. ἕστηκα· πάντωσ δ’ εἰμὶ σή· κρείσσων γὰρ εἶ. ἥκω φέρων σοι σοῦ κασιγνήτου λόγουσ. ὦ φίλτατ’, ἆρα ζῶντοσ ἢ τεθνηκότοσ; ζῇ· πρῶτα γάρ σοι τἀγάθ’ ἀγγέλλειν θέλω. εὐδαιμονοίησ, μισθὸν ἡδίστων λόγων. κοινῇ δίδωμι τοῦτο νῷν ἀμφοῖν ἔχειν. ποῦ γῆσ ὁ τλήμων τλήμονασ φυγὰσ ἔχων; οὐχ ἕνα νομίζων φθείρεται πόλεωσ νόμον. οὔ που σπανίζων τοῦ καθ’ ἡμέραν βίου; ἔχει μέν, ἀσθενὴσ δὲ δὴ φεύγων ἀνήρ. λόγον δὲ δὴ τίν’ ἦλθεσ ἐκ κείνου φέρων; εἰ ζῇσ, ὅπωσ τε ζῶσα συμφορᾶσ ἔχεισ. οὐκοῦν ὁρᾷσ μου πρῶτον ὡσ ξηρὸν δέμασ. λύπαισ γε συντετηκόσ, ὥστε με στένειν. καὶ κρᾶτα πλόκαμόν τ’ ἐσκυθισμένον ξυρῷ. δάκνει σ’ ἀδελφὸσ ὅ τε θανὼν ἴσωσ πατήρ. οἴμοι, τί γάρ μοι τῶνδέ γ’ ἐστὶ φίλτερον; φεῦ φεῦ· τί δαὶ σὺ σῷ κασιγνήτῳ, δοκεῖσ; ἀπὼν ἐκεῖνοσ, οὐ παρὼν ἡμῖν φίλοσ. ἐκ τοῦ δὲ ναίεισ ἐνθάδ’ ἄστεωσ ἑκάσ; ἐγημάμεσθ’, ὦ ξεῖνε, θανάσιμον γάμον. ᾤμωξ’ ἀδελφὸν σόν. Μυκηναίων τίνι; οὐχ ᾧ πατήρ μ’ ἤλπιζεν ἐκδώσειν ποτέ. εἴφ’, ὡσ ἀκούσασ σῷ κασιγνήτῳ λέγω. ἐν τοῖσδ’ ἐκείνου τηλορὸσ ναίω δόμοισ. σκαφεύσ τισ ἢ βουφορβὸσ ἄξιοσ δόμων. πένησ ἀνὴρ γενναῖοσ ἔσ τ’ ἔμ’ εὐσεβήσ. ἡ δ’ εὐσέβεια τίσ πρόσεστι σῷ πόσει; οὐπώποτ’ εὐνῆσ τῆσ ἐμῆσ ἔτλη θιγεῖν. ἅγνευμ’ ἔχων τι θεῖον ἤ σ’ ἀπαξιῶν; γονέασ ὑβρίζειν τοὺσ ἐμοὺσ οὐκ ἠξίου. καὶ πῶσ γάμον τοιοῦτον οὐχ ἥσθη λαβών; οὐ κύριον τὸν δόντα μ’ ἡγεῖται, ξένε. ξυνῆκ’· Ὀρέστῃ μή ποτ’ ἐκτείσῃ δίκην. τοῦτ’ αὐτὸ ταρβῶν, πρὸσ δὲ καὶ σώφρων ἔφυ.

일치하는 문장이 없습니다.

SEARCH

MENU NAVIGATION