호흡부호 보기
강세부호 보기
장단부호 보기
작은 Iota 보기
모든 부호 보기
πέπονθα δεινά· διαπέφευγέ μ’ ὁ ξένοσ, ὃσ ἄρτι δεσμοῖσ ἦν κατηναγκασμένοσ. ἐά ἐά· ὅδ’ ἐστὶν ἁνήρ· τί τάδε; πῶσ προνώπιοσ φαίνῃ πρὸσ οἴκοισ τοῖσ ἐμοῖσ, ἔξω βεβώσ; στῆσον πόδ’, ὀργῇ δ’ ὑπόθεσ ἥσυχον πόδα. πόθεν σὺ δεσμὰ διαφυγὼν ἔξω περᾷσ; οὐκ εἶπον‐‐ἢ οὐκ ἤκουσασ‐‐ὅτι λύσει μέ τισ; τίσ; τοὺσ λόγουσ γὰρ ἐσφέρεισ καινοὺσ ἀεί. ὃσ τὴν πολύβοτρυν ἄμπελον φύει βροτοῖσ. ὠνείδισασ δὴ τοῦτο Διονύσῳ καλόν. κλῄειν κελεύω πάντα πύργον ἐν κύκλῳ. τί δ’; οὐχ ὑπερβαίνουσι καὶ τείχη θεοί; σοφὸσ σοφὸσ σύ, πλὴν ἃ δεῖ σ’ εἶναι σοφόν. ἃ δεῖ μάλιστα, ταῦτ’ ἔγωγ’ ἔφυν σοφόσ. κείνου δ’ ἀκούσασ πρῶτα τοὺσ λόγουσ μάθε, ὃσ ἐξ ὄρουσ πάρεστιν ἀγγελῶν τί σοι· ἡμεῖσ δέ σοι μενοῦμεν, οὐ φευξούμεθα. Πενθεῦ κρατύνων τῆσδε Θηβαίασ χθονόσ, ἥκω Κιθαιρῶν’ ἐκλιπών, ἵν’ οὔποτε λευκῆσ χιόνοσ ἀνεῖσαν εὐαγεῖσ βολαί. ἥκεισ δὲ ποίαν προστιθεὶσ σπουδὴν λόγου; βάκχασ ποτνιάδασ εἰσιδών, αἳ τῆσδε γῆσ οἴστροισι λευκὸν κῶλον ἐξηκόντισαν, ἥκω φράσαι σοὶ καὶ πόλει χρῄζων, ἄναξ, ὡσ δεινὰ δρῶσι θαυμάτων τε κρείσσονα. θέλω δ’ ἀκοῦσαι, πότερά σοι παρρησίᾳ φράσω τὰ κεῖθεν ἢ λόγον στειλώμεθα· τὸ γὰρ τάχοσ σου τῶν φρενῶν δέδοικ’, ἄναξ, καὶ τοὐξύθυμον καὶ τὸ βασιλικὸν λίαν. λέγ’, ὡσ ἀθῷοσ ἐξ ἐμοῦ πάντωσ ἔσῃ. τοῖσ γὰρ δικαίοισ οὐχὶ θυμοῦσθαι χρεών. ὅσῳ δ’ ἂν εἴπῃσ δεινότερα βακχῶν πέρι, τοσῷδε μᾶλλον τὸν ὑποθέντα τὰσ τέχνασ γυναιξὶ τόνδε τῇ δίκῃ προσθήσομεν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기