헬라어 문장 검색 - ΕπιξτέΩορκσ́05́12́

(에픽테토스, Works, book 3, Περὶ ἀσκήσεωσ.)

Τὰσ ἀσκήσεισ οὐ δεῖ διὰ τῶν παρὰ φύσιν καὶ παραδόξων ποιεῖσθαι, ἐπεί τοι τῶν θαυματοποιῶν οὐδὲν διοίσομεν οἱ λέγοντεσ φιλοσοφεῖν. δύσκολον γάρ ἐστι καὶ τὸ ἐπὶ σχοινίου περιπατεῖν καὶ οὐ μόνον δύσκολον, ἀλλὰ καὶ ἐπικίνδυνον.

τούτου ἕνεκα δεῖ καὶ ἡμᾶσ μελετᾶν ἐπὶ σχοινίου περιπατεῖν ἢ φοίνικα ἱστάνειν ἢ ἀνδριάντασ περιλαμβάνειν; οὐδαμῶσ.

οὐκ ἔστι τὸ δύσκολον πᾶν καὶ ἐπικίνδυνον ἐπιτήδειον πρὸσ ἄσκησιν, ἀλλὰ τὸ πρόσφορον τῷ προκειμένῳ ἐκπονηθῆναι. τί δ’ ἐστὶ τὸ προκείμενον ἐκπονηθῆναι;

ὀρέξει καὶ ἐκκλίσει ἀκωλύτωσ ἀναστρέφεσθαι. τοῦτο δὲ τί ἐστιν, μήτε ὀρεγόμενον ἀποτυγχάνειν μήτ’ ἐκκλίνοντα περιπίπτειν. πρὸσ τοῦτο οὖν καὶ τὴν ἄσκησιν ῥέπειν δεῖ. ἐπεὶ γὰρ οὐκ ἔστιν ἀναπότευκτον σχεῖν τὴν ὄρεξιν καὶ τὴν ἔκκλισιν ἀπερίπτωτον ἄνευ μεγάλησ καὶ συνεχοῦσ ἀσκήσεωσ, ἴσθι ὅτι, ἐὰν ἔξω ἐάσῃσ ἀποστρέφεσθαι αὐτὴν ἐπὶ τὰ ἀπροαίρετα, οὔτε τὴν ὄρεξιν ἐπιτευκτικὴν ἕξεισ οὔτε τὴν ἔκκλισιν ἀπερίπτωτον.

καὶ ἐπεὶ τὸ ἔθοσ ἰσχυρὸν προηγῆται πρὸσ μόνα ταῦτα εἰθισμένων ἡμῶν χρῆσθαι ὀρέξει καὶ ἐκκλίσει, δεῖ τῷ ἔθει τούτῳ ἐναντίον ἔθοσ ἀντιθεῖναι καὶ ὅπου ὁ πολὺσ ὄλισθοσ τῶν φαντασιῶν, ἐκεῖ ἀντιτιθέναι τὸ ἀσκητικόν.

Ἑτεροκλινῶσ ἔχω πρὸσ ἡδονήν· ἀνατοιχήσω ἐπὶ τὸ ἐναντίον ὑπὲρ τὸ μέτρον τῆσ ἀσκήσεωσ ἕνεκα.

ἐκκλιτικῶσ ἔχω πόνου· τρίψω μου καὶ γυμνάσω πρὸσ τοῦτο τὰσ φαντασίασ ὑπὲρ τοῦ ἀποστῆναι τὴν ἔκκλισιν ἀπὸ παντὸσ τοῦ τοιούτου. τίσ γάρ ἐστιν ἀσκητήσ;

ὁ μελετῶν ὀρέξει μὲν μὴ χρῆσθαι, ἐκκλίσει δὲ πρὸσ μόνα τὰ προαιρετικὰ χρῆσθαι καὶ μελετῶν μᾶλλον ἐν τοῖσ δυσκαταπονήτοισ. καθ’ ὃ καὶ ἄλλῳ πρὸσ ἄλλα μᾶλλον ἀσκητέον. τί οὖν ὧδε ποιεῖ τὸ φοίνικα στῆσαι ἢ τὸ στέγην δερματίνην καὶ ὅλμον καὶ ὕπερον περιφέρειν;

ἄνθρωπε, ἄσκησον, εἰ γοργὸσ εἶ, λοιδορούμενοσ ἀνέχεσθαι, ἀτιμασθεὶσ μὴ ἀχθεσθῆναι.

εἶθ’ οὕτωσ προ[σ]βήσῃ, ἵνα, κἂν πλήξῃ σέ τισ, εἴπῃσ αὐτὸσ πρὸσ αὑτὸν ὅτι "δόξον ἀνδριάντα περιειληφέναι" 3. εἶτα καὶ οἰναρίῳ κομψῶσ χρῆσθαι, μὴ εἰσ τὸ πολὺ πίνειν καὶ γὰρ περὶ τοῦτο ἐπαρίστεροι ἀσκηταί εἰσιν, ἀλλὰ πρῶτον εἰσ τὸ ἀποσχέσθαι, καὶ κορασιδίου ἀπέχεσθαι καὶ πλακουνταρίου. εἶτά ποτε ὑπὲρ δοκιμασίασ, εἰ ἄρα, καθήσεισ εὐκαίρωσ αὐτὸσ σαυτὸν ὑπὲρ τοῦ γνῶναι, εἰ ὁμοίωσ ἡττῶσίν σε αἱ φαντασίαι.

τὰ πρῶτα δὲ φεῦγε μακρὰν ἀπὸ τῶν ἰσχυροτέρων.

ἄνισοσ ἡ μάχη κορασιδίῳ κομψῷ πρὸσ νέον ἀρχόμενον φιλοσοφεῖν· χύτρα, φασί, καὶ πέτρα οὐ συμφωνεῖ. Μετὰ τὴν ὄρεξιν καὶ τὴν ἔκκλισιν δεύτεροσ τ[ρ]όποσ ὁ περὶ τὴν ὁρμὴν καὶ ἀφορμήν·

ἵν’ εὐπειθὴσ τῷ λόγῳ, ἵνα μὴ παρὰ καιρόν, μὴ παρὰ τόπον, μὴ παρὰ ἄλλην τινὰ τοιαύτην [ἀ]συμμετρίαν. τρίτοσ ὁ περὶ τὰσ συγκαταθέσεισ, ὁ πρὸσ τὰ πιθανὰ καὶ ἑλκυστικά.

ὡσ γὰρ ὁ Σωκράτησ ἔλεγεν ἀνεξέταστον βίον μὴ ζῆν, οὕτωσ ἀνεξέταστον φαντασίαν μὴ παραδέχεσθαι, ἀλλὰ λέγειν "ἔκδεξαι, ἄφεσ ἴδω, τίσ εἶ καὶ πόθεν ἔρχῃ", ὡσ οἱ νυκτοφύλακεσ "δεῖξόν μοι τὰ συνθήματα".

"ἔχεισ τὸ παρὰ τῆσ φύσεωσ σύμβολον, ὃ δεῖ τὴν παραδεχθησομένην ἔχειν φαντασίαν; " καὶ λοιπὸν ὅσα τῷ σώματι προσάγεται ὑπὸ τῶν γυμναζόντων αὐτό, ἂν μὲν ὧδέ που ῥέπῃ πρὸσ ὄρεξιν καὶ ἔκκλισιν, εἰή ἂν καὶ αὐτὰ ἀσκητικά·

διὰ τοῦτο καλῶσ ὁ Ἀπολλώνιοσ ἔλεγεν ὅτι "ὅταν θέλῃσ σαυτῷ ἀσκῆσαι, διψῶν ποτε καύματοσ ἐφέλκυσαι βρόγχον ψυχροῦ καὶ ἔκπτυσον καὶ μηδενὶ εἴπῃσ".

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Epictetus, Works, book 3, Περὶ ἀσκήσεωσ.

(에픽테토스, Works, book 3, Περὶ ἀσκήσεωσ.)

상위

목록

SEARCH

MENU NAVIGATION