호흡부호 보기
강세부호 보기
장단부호 보기
작은 Iota 보기
모든 부호 보기
Λέγοντοσ αὐτοῦ ὅτι Ὁ ἄνθρωποσ πρὸσ πίστιν γέγονεν καὶ τοῦτο ὁ ἀνατρέπων ἀνατρέπει τὸ ἴδιον τοῦ ἀνθρώπου ἐπεισῆλθέν τισ τῶν δοκούντων φιλολόγων, ὃσ κατείληπτό ποτε μοιχὸσ ἐν τῇ πόλει. ὁ δ’ Ἀλλ’ ἄν, φησίν, ἀφέντεσ τοῦτο τὸ πιστόν, πρὸσ ὃ πεφύκαμεν, ἐπιβουλεύωμεν τῇ γυναικὶ τοῦ γείτονοσ, τί ποιοῦμεν;
τί γὰρ ἄλλο ἢ ἀπόλλυμεν καὶ ἀναιροῦμεν; τίνα; τὸν πιστόν, τὸν αἰδήμονα, τὸν ὅσιον. ταῦτα μόνα;
γειτνίασιν δ’ οὐκ ἀναιροῦμεν, φιλίαν δ’ οὔ, πόλιν δ’ οὔ; εἰσ τίνα δὲ χώραν αὑτοὺσ κατατάσσομεν; ὡσ τίνι σοι χρῶμαι, ἄνθρωπε; ὡσ γείτονι, ὡσ φίλῳ; ποίῳ τινί; ὡσ πολίτῃ; τί σοι πιστεύσω; εἶτα σκευάριον μὲν εἰ ἦσ οὕτωσ σαπρόν, ὥστε σοι πρὸσ μηδὲν δύνασθαι χρῆσθαι, ἔξω ἂν ἐπὶ τὰσ κοπρίασ ἐρρίπτου καὶ οὐδ’ ἐκεῖθεν ἄν τίσ σε ἀνῃρεῖτο·
εἰ δ’ ἄνθρωποσ ὢν οὐδεμίαν χώραν δύνασαι ἀποπληρῶσαι ἀνθρωπικήν, τί σε ποιήσομεν;
ἔστω γάρ, φίλου οὐ δύνασαι τόπον ἔχειν· δούλου δύνασαι; καὶ τίσ σοι πιστεύσει; οὐ θέλεισ οὖν ῥιφῆναί που καὶ αὐτὸσ ἐπὶ κοπρίαν ὡσ σκεῦοσ ἄχρηστον, ὡσ κόπριον; εἶτα ἐρεῖσ "οὐδείσ μου ἐπιστρέφεται, ἀνθρώπου φιλολόγου";
κακὸσ γὰρ εἶ καὶ ἄχρηστοσ. οἱο͂ν εἰ οἱ σφῆκεσ ἠγανάκτουν, ὅτι οὐδεὶσ αὐτῶν ἐπιστρέφεται, ἀλλὰ φεύγουσι πάντεσ κἄν τισ δύνηται, πλήξασ κατέβαλεν. σὺ κέντρον ἔχεισ τοιοῦτον, ὥστε ὃν ἂν πλήξῃσ εἰσ πράγματα καὶ ὀδύνασ ἐμβάλλειν.
τί σε θέλεισ ποιήσωμεν; οὐκ ἔχεισ ποῦ τεθῇσ. Τί οὖν; οὐκ εἰσὶν αἱ γυναῖκεσ κοιναὶ φύσει;
κἀγὼ λέγω. καὶ γὰρ τὸ χοιρίδιον κοινὸν τῶν κεκλημένων· ἀλλ’ ὅταν μέρη γένηται, ἄν σοι φανῇ, ἀνάρπασον ἀπελθὼν τὸ τοῦ παρακατακειμένου μέροσ, λάθρᾳ κλέψον ἢ παρακαθεὶσ τὴν χεῖρα λίχνευε, κἂν μὴ δύνῃ τοῦ κρέωσ ἀποσπάσαι, λίπαινε τοὺσ δακτύλουσ καὶ περίλειχε. καλὸσ συμπότησ καὶ σύνδειπνοσ Σωκρατικόσ. ἄγε, τὸ δὲ θέατρον οὐκ ἔστι κοινὸν τῶν πολιτῶν;
ὅταν οὖν καθίσωσιν, ἐλθών, ἄν σοι φανῇ, ἔκβαλέ τινα αὐτῶν. οὕτωσ καὶ αἱ γυναῖκεσ φύσει κοιναί.
ὅταν δ’ ὁ νομοθέτησ ὡσ ἑστιάτωρ διέλῃ αὐτάσ, οὐ θέλεισ καὶ αὐτὸσ ἴδιον μέροσ ζητεῖν, ἀλλὰ τὸ ἀλλότριον ὑφαρπάζεισ καὶ λιχνεύεισ; 3ἀλλὰ φιλόλογόσ εἰμι καὶ Ἀρχέδημον νοῶ.
" Ἀρχέδημον τοίνυν νοῶν μοιχὸσ ἴσθι καὶ ἄπιστοσ καὶ ἀντὶ ἀνθρώπου λύκοσ ἢ πίθηκοσ. τί γὰρ κωλύει;
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기