헬라어 문장 검색 - Διονψσ́ΔεΤηυξψ

(디오니시오스, De Thucydidis idiomatibus (epistula ad Ammaeum), chapter 17)

οἱ δὲ μειρακιώδεισ σχηματισμοὶ τῶν ἀντιθέτων τε καὶ παρομοιώσεων καὶ παρισώσεων, ἐν οἷσ οἱ περὶ τὸν Γοργίαν μάλιστα ἐπλεόνασαν, ἥκιστα τῷ χαρακτῆρι τούτῳ προσήκοντεσ, αὐστηρὰν ἔχοντι τὴν ἀγωγὴν καὶ τοῦ κομψοῦ πλεῖστον ἀφεστηκότι, τοιοῦτοί τινέσ εἰσι παρὰ τῷ συγγραφεῖ· φαίνεται γὰρ ἡ νῦν καλουμένη Ἑλλὰσ οὐ πάλαι βεβαίωσ οἰκουμένη. καὶ ἔτι δέ· οἳ μὲν καὶ παρὰ δύναμιν τολμηταί καὶ παρὰ γνώμην κινδυνευταί· τὸ δ’ ὑμέτερον τῆσ τε δυνάμεωσ ἐνδεᾶ πρᾶξαι τῆσ τε γνώμησ μηδὲ τοῖσ βεβαίοισ πιστεῦσαι, τῶν δὲ δεινῶν μηδέποτε οἰέσθαι ἀπολυθήσεσθαι· καὶ ἐν οἷσ τὰσ καταλαβούσασ τὴν Ἑλλάδα συμφορὰσ διὰ τὰσ στάσεισ ἐπεξέρχεται τοιάδε γράφων· τόλμα μὲν γὰρ ἀλόγιστοσ ἀνδρεία φιλέταιροσ ἐνομίσθη· μέλλησισ δὲ προμηθὴσ δειλία εὐπρεπήσ, τὸ δὲ σῶφρον πρόσχημα τοῦ ἀνάνδρου, καὶ τὸ εἰσ ἅπαν ξυνετὸν ἐπὶ πᾶν ἀργόν. πολλὰ τοιαῦτά τισ ἂν εὑρ́οι δι’ ὅλησ αὐτοῦ τῆσ ἱστορίασ λεγόμενα, ἱκανὰ δὲ καὶ ταῦτα δείγματοσ ἕνεκα εἰρῆσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Thucydidis idiomatibus (epistula ad Ammaeum), chapter 17

(디오니시오스, De Thucydidis idiomatibus (epistula ad Ammaeum), chapter 17)

상위

목록

SEARCH

MENU NAVIGATION