호흡부호 보기
강세부호 보기
장단부호 보기
작은 Iota 보기
모든 부호 보기
τὴν δ’ ἐν τῇ δευτέρᾳ βύβλῳ Περικλέουσ ἀπολογίαν, ἣν ὑπὲρ αὑτοῦ διετίθετο τραχυνομένων Ἀθηναίων, ὅτι τὸν πόλεμον ἔπεισεν αὐτοὺσ ἀναλαβεῖν, οὐχ ὅλην ἐπαινῶ· οὐδὲ τὰσ περὶ τῆσ Μυτιληναίων πόλεωσ δημηγορίασ, ἃσ διέθεντο Κλέων καὶ Διόδοτοσ, τὰσ ἐν τῇ τρίτῃ βύβλῳ· οὐδὲ τὴν Ἑρμοκράτουσ τοῦ Συρακοσίου πρὸσ Καμαριναίουσ· οὐδὲ τὴν Εὐφήμου τοῦ πρεσβευτοῦ τῶν Ἀθηναίων τὴν ἐναντίαν ταύτησ, οὐδὲ τὰσ ὁμοίασ ταύταισ· οὐ γὰρ ἀνάγκη πάσασ ἐξαριθμεῖσθαι τὰσ εἰσ τὸν αὐτὸν κατεσκευασμένασ τῆσ διαλέκτου χαρακτῆρα. πολλὰσ παρασχέσθαι πίστεισ δυνάμενοσ δυσὶν ἀρκεσθήσομαι δημηγορίαισ, ἵνα μὴ μακρὸσ ὁ λόγοσ γένηται, τῇ Περικλέουσ ἀπολογίᾳ καὶ τῇ Ἑρμοκράτουσ πρὸσ Καμαριναίουσ κατηγορίᾳ κατὰ τῆσ Ἀθηναίων πόλεωσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기