Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 30

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 30)

εἰ μέχρι τούτων προελθὼν ἐπαύσατο τὰ μὲν καλλωπίζων, τὰ δὲ σκληραγωγῶν τὴν λέξιν, ἧττον ἂν ὀχληρὸσ ἦν. νῦν δ’ ἐπιτίθησιν· ἀσφάλεια δὲ τὸ ἐπιβουλεύσασθαι, ἀποτροπῆσ πρόφασισ εὔλογοσ. καὶ ὁ μὲν χαλεπαίνων πιστὸσ ἀεί, ὁ δ’ ἀντιλέγων αὐτῷ ὕποπτοσ. καὶ γὰρ ἐν τούτοισ πάλιν ἄδηλον μέν ἐστι, τίνα βούλεται δηλοῦν τὸν χαλεπαίνοντα καὶ περὶ τίνοσ, τίνα δὲ τὸν ἀντιλέγοντα καὶ ἐφ’ ὅτῳ. ἐπιβουλεύσασ δέ τισ φησί τυχών τε ξυνετόσ, καὶ ὑπονοήσασ ἔτι δεινότεροσ· προβουλεύσασ δὲ ὅπωσ μηδὲν αὑτῷ δεήσει, τῆσ ἑταιρίασ διαλυτὴσ καὶ τοὺσ ἐναντίουσ ἐκπεπληγμένοσ. οὔτε γὰρ ὁ τυχών ἐμφαίνει μᾶλλον, ὃ βούλεται δηλοῦν, οὔτε ὁ αὐτὸσ τυχών τε καὶ ὑπονοήσασ ἅμα νοεῖσθαι δύναται, εἴ γε ὁ μὲν τυχὼν ἐπὶ τοῦ κατορθώσαντοσ καὶ ἐπιτυχόντοσ ὃ ἤλπισε λέγεται, ὁ δὲ ὑπονοήσασ ἐπὶ τοῦ προαισθομένου τὸ μήπω πραχθὲν ἀλλ’ ἔτι μέλλον κακόν. καθαρὸσ δὲ καὶ τηλαυγὴσ ὁ νοῦσ οὕτωσ ἂν ἦν· οἵ τ’ ἐπιβουλεύοντεσ ἑτέροισ εἰ κατορθώσειαν, δεινοί· καὶ οἱ τὰσ ἐπιβουλὰσ προὑπονοοῦντεσ εἰ φυλάξαιντο, ἔτι δεινότεροι· ὁ δὲ προἰδόμενοσ, ὅπωσ μηδὲν αὑτῷ δεήσει μήτ’ ἐπιβουλῆσ μήτε φυλακῆσ, τάσ τε ἑταιρίασ διαλύειν ἐδόκει καὶ τοὺσ ἐναντίουσ ἐκπεπλῆχθαι.

SEARCH

MENU NAVIGATION