헬라어 문장 검색 - Διονψσ́ΔεΤηυξψ́19́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 19)

καὶ μεγάλα πράγματα παραλιπὼν τὸ προοίμιον τῆσ ἱστορίασ μέχρι πεντακοσίων ἐκμηκύνει στίχων, τὰ πρὸ τοῦδε τοῦ πολέμου πραχθέντα τοῖσ Ἕλλησι μικρὰ βουλόμενοσ ἀποδεῖξαι καὶ οὐκ ἄξια τῷδε παραβάλλεσθαι. οὔτε γὰρ τἀληθὲσ οὕτωσ εἶχεν, ὡσ ἐκ πολλῶν ἔστι παραδεῖξαι πραγμάτων, οὔτε ὁ τῆσ τέχνησ ὑπαγορεύει λόγοσ οὕτω μεθοδεύειν τὰσ αὐξήσεισ οὐ γὰρ εἴ τι τῶν μικρῶν μεῖζόν ἐστι, διὰ τοῦτ’ ἐστὶν ἤδη μέγα, ἀλλ’ εἴ τι τῶν μεγάλων ὑπερέχει·

γέγονέ τε αὐτῷ τὸ προοίμιον, τοσαύτασ εἰληφὸσ ἀποδεικτικὰσ τῆσ προθέσεωσ ἐξεργασίασ, ἱστορία τισ αὐτὴ καθ’ αὑτήν. οἱ δὲ τὰσ ῥητορικὰσ συνταξάμενοι τέχνασ παραγγέλλουσι δείγματα τῶν λόγων τὰ προοίμια ποιεῖν αὐτὰ τὰ κεφάλαια τῶν μελλόντων δηλοῦσθαι προλαμβάνοντασ. ὃ δὴ καὶ πεποίηκεν ὁ ἀνὴρ ἐπὶ τῷ τέλει τοῦ προοιμίου, μέλλων ἄρχεσθαι τῆσ διηγήσεωσ, ἐν ἐλάττοσιν ἢ πεντήκοντα στίχοισ· ὥστε τὰ πολλὰ ἐκεῖνα καὶ καταβλητικὰ τοῦ μεγέθουσ τῆσ Ἑλλάδοσ οὐκ ἀναγκαίωσ αὐτῷ παρέλκεσθαι, ὅτι κατὰ τὸν Τρωικὸν πόλεμον οὔπω σύμπασα ἐκαλεῖτο ἑνὶ ὀνόματι ἡ Ἑλλάσ, καὶ ὅτι περαιοῦσθαι ναυσὶν ἐπ’ ἀλλήλουσ οἱ τροφῆσ ἀπορούμενοι ἤρξαντο καὶ προσπίπτοντεσ πόλεσιν ἀτειχίστοισ καὶ κατὰ κώμασ οἰκουμέναισ ἡρ́παζον καὶ τὸ πλεῖστον τοῦ βίου ἐντεῦθεν ἐποιοῦντο.

τί δ’ ἦν ἀναγκαῖον περὶ τῆσ Ἀθηναίων τρυφῆσ, ᾗ τὸ παλαιὸν ἐχρῶντο, λέγειν, ὅτι κρωβύλουσ τε ἀνεπλέκοντο καὶ χρυσοῦσ τέττιγασ εἶχον ἐπὶ ταῖσ κεφαλαῖσ; καὶ ὅτι Λακεδαιμόνιοι ἐγυμνώθησάν τε πρῶτοι καὶ εἰσ τὸ φανερὸν ἀποδύντεσ λίπα μετὰ τοῦ γυμνάζεσθαι ἠλείψαντο; ὁ δὲ δὴ ναυπηγὸσ ὁ Κορίνθιοσ Ἀμεινοκλῆσ ὁ κατασκευάσασ Σαμίοισ πρῶτοσ τέτταρασ τριήρεισ, καὶ ὁ Σάμου τύραννοσ Πολυκράτησ ὁ Ῥήνειαν ἑλὼν καὶ ἀναθεὶσ τῷ Ἀπόλλωνι τῷ Δηλίῳ, καὶ οἱ Φωκαεῖσ οἱ Μασσαλίαν οἰκίσαντεσ ὅτι ναυμαχίᾳ Καρχηδονίουσ ἐνίκων, καὶ τὰ ἄλλα ὅσα τούτοισ ἐστὶν ὅμοια, τίνα καιρὸν εἶχε πρὸ τῆσ διηγήσεωσ λέγεσθαι; εἰ δ’ ἔστιν ὅσιόν μοι καὶ θεμιτὸν εἰπεῖν ἃ φρονῶ, δοκεῖ μοι κράτιστον ἂν γενέσθαι τὸ προοίμιον, εἰ τὸ τελευταῖον αὐτοῦ μέροσ τῇ προθέσει προσήρμοσε πάντα τὰ ἐν μέσῳ παραλιπὼν καὶ τοῦτον τὸν τρόπον αὐτὸ κατεσκεύασε·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 19

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 19)

상위

목록

SEARCH

MENU NAVIGATION