Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 14

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 14)

τῆσ δὲ Νικίου στρατηγίασ μνησθείσ, ὅτε ναῦσ ἑξήκοντα καὶ δισχιλίουσ ὁπλίτασ Ἀθηναίων ἐπαγόμενοσ ἐπὶ Πελοπόννησον ἔπλευσε, κατακλείσασ δὲ Λακεδαιμονίουσ εἰσ τὰ φρούρια, τοὺσ ἐν Κυθήροισ καὶ τοὺσ ἐν Θυρέᾳ κατοικοῦντασ Αἰγινήτασ ἐξεπολιόρκησε καὶ τῆσ ἄλλησ Πελοποννήσου πολλὴν ἐδῄωσεν, ἐξ ἧσ αἰχμαλώτων πλῆθοσ ἐπαγόμενοσ ἀπέπλευσεν εἰσ τὰσ Ἀθήνασ, οὕτωσ εἴρηκεν ἐπιτροχάδην, περὶ μὲν τῶν ἐν Κυθήροισ πραγμάτων· καὶ μάχησ γενομένησ ὀλίγον μέν τινα χρόνον ὑπέστησαν οἱ Κυθήριοι· ἔπειτα τραπόμενοι κατέφυγον εἰσ τὴν ἄνω πόλιν καὶ ὕστερον συνέβησαν πρὸσ Νικίαν καὶ τοὺσ ξυνάρχοντασ, Ἀθηναίοισ ἐπιτρέψαι περὶ σφῶν αὐτῶν πλὴν θανάτου. περὶ δὲ τῆσ Λἰγινητῶν ἁλώσεωσ τῶν ἐν Θυρέᾳ· ἐν τούτῳ δ’ οἱ Ἀθηναῖοι κατασχόντεσ καὶ χωρήσαντεσ εὐθὺσ πάσῃ τῇ στρατιᾷ αἱροῦσι τὴν Θυρέαν, καὶ τήν τε πόλιν κατέκαυσαν καὶ τὰ ἐνόντα ἐξεπόρθησαν, τούσ τε Αἰγινήτασ, ὅσοι μὴ ἐν χερσὶ διεφθάρησαν, ἄγοντεσ ἀφίκοντο εἰσ τὰσ Ἀθήνασ. γενομένων δὲ περὶ τὰσ πόλεισ ἀμφοτέρασ εὐθὺσ ἐν ἀρχῇ τοῦ πολέμου μεγάλων συμφορῶν, δι’ ἃσ ἐπεθύμησαν ἀμφότεραι τῆσ εἰρήνησ, περὶ μὲν τῆσ προτέρασ, ὅτε Ἀθηναῖοι τετμημένησ μὲν αὐτοῖσ τῆσ χώρασ, οἰκοφθορημένησ δὲ τῆσ πόλεωσ ὑπὸ λοιμοῦ, πᾶσαν ἀπογνόντεσ βοήθειαν ἄλλην ἀπέστειλαν πρεσβείαν εἰσ Σπάρτην εἰρήνησ τυχεῖν δεόμενοι, οὔτε τοὺσ ἀποσταλέντασ ἄνδρασ εἴρηκεν οὔτε τοὺσ ῥηθέντασ ἐκεῖ λόγουσ ὑπ’ αὐτῶν οὔτε τοὺσ ἐναντιωθέντασ, ὑφ’ ὧν πεισθέντεσ Λακεδαιμόνιοι τὰσ διαλλαγὰσ ἀπεψηφίσαντο· φαύλωσ δέ πωσ καὶ ῥᾳθύμωσ ὡσ περὶ μικρῶν καὶ ἀδόξων πραγμάτων ταῦτα εἴρηκε·

μετὰ δὲ τὴν δευτέραν εἰσβολὴν τῶν Πελοποννησίων οἱ Ἀθηναῖοι, ὡσ ἥ τε γῆ αὐτῶν ἐτέτμητο τὸ δεύτερον καὶ ἡ νόσοσ ἐπέκειτο ἅμα καὶ ὁ πόλεμοσ, ἠλλοίωντο τὰσ γνώμασ, καὶ τὸν Περικλέα ἐν αἰτίᾳ εἶχον ὡσ πείσαντα σφᾶσ πολεμεῖν καὶ δἰ ἐκεῖνον ταῖσ ξυμφοραῖσ περιπεπτωκότεσ· πρὸσ δὲ τοὺσ Λακεδαιμονίουσ ὡρ́μηντο συγχωρεῖν, καὶ πρέσβεισ τινὰσ πέμψαντεσ πρὸσ αὐτοὺσ ἄπρακτοι ἐγένοντο. περὶ δὲ τῆσ ὑστέρασ, ὅτε Λακεδαιμόνιοι τοὺσ περὶ Πύλον ἁλόντασ τριακοσίουσ κομίσασθαι προθέμενοι πρεσβείαν ἀπέστειλαν εἰσ τὰσ Ἀθήνασ, καὶ τοὺσ λόγουσ εἴρηκε τοὺσ ὑπὸ τοῦ Λακεδαιμονίου ῥηθέντασ τότε καὶ τὰσ αἰτίασ ἐπελήλυθε, δι’ ἃσ οὐκ ἐπετελέσθησαν αἱ σπονδαί.

SEARCH

MENU NAVIGATION