헬라어 문장 검색 - Διονψσ́ΔεΤηυξψ́09́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 9)

ἃ δ’ ἐλλιπέστερον κατεσκεύασε καὶ ἐφ’ οἷσ ἐγκαλοῦσιν αὐτῷ τινεσ, περὶ τὸ τεχνικώτερον μέροσ ἐστὶ τοῦ πραγματικοῦ, τὸ λεγόμενον μὲν οἰκονομικόν, ἐν ἁπάσαισ δὲ γραφαῖσ ἐπιζητούμενον, ἐάν τε φιλοσόφουσ προέληταί τισ ὑποθέσεισ ἐάν τε ῥητορικάσ. ταῦτα δὲ ἐστὶ τὰ περὶ τὴν διαίρεσιν καὶ τὰ περὶ τὴν τάξιν καὶ τὰ περὶ τὰσ ἐξεργασίασ. ἄρξομαι δ’ ἀπὸ τῆσ διαιρέσεωσ, προειπὼν ὅτι τῶν πρὸ αὐτοῦ γενομένων συγγραφέων ἢ κατὰ τόπουσ μεριζόντων τὰσ ἀναγραφὰσ ἢ κατὰ χρόνουσ εὐπαρακολουθήτουσ ἐκεῖνοσ οὐδετέραν τούτων τῶν διαιρέσεων ἐδοκίμασεν. οὔτε γὰρ τοῖσ τόποισ, ἐν οἷσ αἱ πράξεισ ἐπετελέσθησαν, ἀκολουθῶν ἐμέρισε τὰσ διηγήσεισ, ὡσ Ἡρόδοτόσ τε καὶ Ἑλλάνικοσ καὶ ἄλλοι τινὲσ τῶν πρὸ αὐτοῦ συγγραφέων ἐποίησαν· οὔτε τοῖσ χρόνοισ, ὡσ οἱ τὴν τοπικὴν ἐκδόντεσ ἱστορίαν προείλοντο, ἤτοι ταῖσ διαδοχαῖσ τῶν βασιλέων μερίζοντεσ τὰσ ἀναγραφὰσ ἢ ταῖσ τῶν ἱερέων ἢ ταῖσ περιόδοισ τῶν ὀλυμπιάδων ἢ τοῖσ ἀποδεικνυμένοισ ἄρχουσιν ἐπὶ τὰσ ἐνιαυσίουσ ἀρχάσ. καινὴν δέ τινα καὶ ἀτριβῆ τοῖσ ἄλλοισ πορευθῆναι βουληθεὶσ ὁδὸν θερείαισ καὶ χειμερίοισ ὡρ́αισ ἀκολουθῶν ἐμέρισε τὴν ἱστορίαν. ἐκ δὲ τούτου συμβέβηκεν αὐτῷ τοὐναντίον ἢ προσεδόκησεν.

οὐ γὰρ σαφεστέρα γέγονεν ἡ διαίρεσισ τῶν χρόνων ἀλλὰ δυσπαρακολουθητοτέρα .

ἐφ’ ᾧ θαυμάζειν ἄξιον, πῶσ αὐτὸν ἔλαθεν, ὅτι πολλῶν ἅμα πραγμάτων κατὰ πολλοὺσ τόπουσ γινομένων εἰσ μικρὰσ κατακερματιζομένη τομὰσ ἡ διήγησισ οὐκ ἀπολήψεται τὸ τηλαυγὲσ φῶσ ἐκεῖνο καὶ καθαρόν, ὡσ ἐξ αὐτῶν γίνεται τῶν πραγμάτων φανερόν. ἐν γοῦν τῇ τρίτῃ βύβλῳ ταύτῃ γὰρ ἀρκεσθήσομαι μόνῃ τὰ περὶ Μυτιληναίουσ ἀρξάμενοσ γράφειν, πρὶν ὅλην ἐκπληρῶσαι τὴν διήγησιν, ἐπὶ τὰ Λακεδαιμονίων ἄπεισιν ἔργα· καὶ οὐδὲ ταῦτα συγκορυφώσασ τῆσ Πλαταιέων μέμνηται πολιορκίασ· ἀφεὶσ δὲ καὶ ταύτην ἀτελῆ τοῦ Μυτιληναϊκοῦ μέμνηται πολέμου· εἶτ’ ἐκεῖθεν ἄγει τὴν διήγησιν ἐπὶ τὰ περὶ Κέρκυραν, ὡσ ἐστασίασαν οἳ μὲν Λακεδαιμονίουσ, οἳ δ’ Ἀθηναίουσ ἐπαγόμενοι· ἀφεὶσ δὲ καὶ ταῦτα ἡμιτελῆ περὶ τῆσ εἰσ Σικελίαν στρατείασ τῆσ προτέρασ Ἀθηναίων ὀλίγα λέγει.

εἶτα Ἀθηναίων ἔκπλουν ἐπὶ Πελοπόννησον ἀρξάμενοσ λέγειν καὶ Λακεδαιμονίων τὴν ἐπὶ Δωριεῖσ στρατείαν τὰ περὶ Λευκάδα πραχθέντα ὑπὸ Δημοσθένουσ τοῦ στρατηγοῦ καὶ τὸν πρὸσ Αἰτωλοὺσ πόλεμον ἐπιπορεύεται· ἐκεῖθεν δὲ ἄπεισιν ἐπὶ Ναύπακτον. ἀτελεῖσ δὲ καὶ τοὺσ ἠπειρωτικοὺσ πολέμουσ καταλιπὼν Σικελίασ ἅπτεται πάλιν, καὶ μετὰ τοῦτο Δῆλον καθαίρει καὶ τὸ Ἀμφιλοχικὸν Ἄργοσ πολεμούμενον ὑπὸ Ἀμπρακιωτῶν καταλείπει. καὶ τί δεῖ πλείω λέγειν; ὅλη γὰρ ἡ βύβλοσ οὕτω συγκέκοπται καὶ τὸ διηνεκὲσ τῆσ ἀπαγγελίασ ἀπολώλεκε. πλανώμεθα δή, καθάπερ εἰκόσ, καὶ δυσκόλωσ τοῖσ δηλουμένοισ παρακολουθοῦμεν, ταραττομένησ ἐν τῷ διασπᾶσθαι τὰ πράγματα τῆσ διανοίασ καὶ τὰσ ἡμιτελεῖσ τῶν ἀκουσθέντων μνήμασ οὐ ῥᾳδίωσ οὐδ’ ἀκριβῶσ ἀναφερούσησ. χρὴ δὲ τὴν ἱστορικὴν πραγματείαν εἰρομένην εἶναι καὶ ἀπερίσπαστον, ἄλλωσ τε ἐπειδὰν περὶ πολλῶν γίνηται πραγμάτων καὶ δυσκαταμαθήτων.

ὅτι δὲ οὐκ ὀρθὸσ ὁ κανὼν οὗτοσ οὐδ’ οἰκεῖοσ ἱστορίᾳ, δῆλον. οὐδεὶσ γὰρ τῶν μεταγενεστέρων συγ‐ γραφέων θερείαισ καὶ χειμῶσι διεῖλε τὴν ἱστορίαν. ἀλλὰ πάντεσ τὰσ τετριμμένασ ὁδοὺσ καὶ δυναμένασ ἄγειν ἐπὶ τὴν σαφήνειαν μετῆλθον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 9

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 9)

상위

목록

SEARCH

MENU NAVIGATION