호흡부호 보기
강세부호 보기
장단부호 보기
작은 Iota 보기
모든 부호 보기
φημὶ δὴ πάντων δεξιώτατον εἶναι τὸν ῥήτορα κατὰ τὰσ εἰσβολὰσ τῶν λόγων καὶ χαριέστατον, ἐννοούμενοσ, ὅτι ἄρξασθαι μὲν καλῶσ οὐ ῥᾴδιόν ἐστιν, εἰ δή τισ τῇ προσηκούσῃ χρῆσθαι βούλοιτο ἀρχῇ καὶ μὴ τὸν ἐπιτυχόντα λόγον εἰπεῖν οὐ γὰρ τὸ πρῶτον ῥηθέν, ἀλλ’ ὃ τοῦ προτεθέντοσ λόγου μηδαμοῦ μᾶλλον ἢ ἐπὶ πρώτου ὠφελήσειε, τοῦτο ἀρχή τε καὶ προοίμιον, ὁρῶν δὲ τὸν ῥήτορα πᾶσι κεχρημένον, οἷσ τέχναι τε παραγγέλλουσι καὶ τὰ πράγματα βούλεται. τότε μὲν γὰρ ἀπὸ τοῦ ἰδίου ἐπαίνου λέγων αὐτὸσ ἄρχεται, τότε δὲ ἀπὸ τῆσ διαβολῆσ τοῦ ἀντιδίκου, εἰ δὲ τύχοι αὐτὸσ προδιαβληθείσ, τὰσ αἰτίασ πρῶτον ἀπολύεται τὰσ καθ’ αὑτοῦ·
호흡부호 보기
강세부호 보기
장단부호 보기
작은 Iota 보기
모든 부호 보기