헬라어 문장 검색 - Διονψσ́ΔεΔεμοσ́56́

(디오니시오스, De Demosthene, chapter 57)

τὸ δὲ φάσκειν φορτικοῖσ καὶ ἀηδέσι τοῖσ ὀνόμασιν αὐτὸν κεχρῆσθαι πόθεν ἐπῆλθεν αὐτῷ , ὑπὲρ πάντα ἔγωγε τεθαύμακα. οὐδὲν γὰρ εὑρίσκω τούτων παρὰ Δημοσθένει κείμενον, ὧν εἰρηκέναι φησὶν αὐτὸν Αἰσχίνησ, οἱο͂ν ὅτι οὐ δεῖ τῆσ φιλίασ ἀπορρῆξαι τὴν συμμαχίαν καὶ ὅτι ἀμπελουργοῦσί τινεσ τὴν πόλιν καὶ ὑποτέτμηται τὰ νεῦρα τοῦ δήμου καὶ φορμορραφούμεθα καὶ ἐπὶ τὰ στενά τινεσ ὥσπερ τὰσ βελόνασ διείρουσιν, οἷσ αὐτὸσ ἐπιτίθησι διακωμῳδῶν· ταῦτα δέ, ὦ κίναδοσ, τί ἐστι; ῥήματα ἢ θαύματα; οὐδέ γε ἄλλα τινὰ φορτικὰ καὶ ἀηδῆ ὀνόματα ἐν οὐδενὶ τῶν Δημοσθένουσ λόγων εὑρεῖν δεδύνημαι καὶ ταῦτα πέντε ἢ ἓξ μυριάδασ στίχων ἐκείνου τοῦ ἀνδρὸσ καταλελοιπότοσ. εἰ μέντοι τινὲσ ἐν τοῖσ ψευδεπιγράφοισ εἰσὶ λόγοισ ἀηδεῖσ καὶ φορτικαὶ καὶ ἄγροικοι κατασκευαί, ὡσ ἐν τοῖσ κατ’ Ἀριστογείτονοσ β καὶ ἐν τῇ ἀπολογίᾳ τῶν δώρων καὶ ἐν τῷ περὶ τοῦ μὴ ἐκδοῦναι Ἅρπαλον καὶ ἐν τῷ κατὰ Νεαίρασ καὶ ἐν τῷ περὶ τῶν πρὸσ Ἀλέξανδρον συνθηκῶν ἐν ἄλλοισ τε συχνοῖσ, οὕσ ὁ Δημοσθένησ οὐκ ἔγραψεν, ἐν ἑτέρᾳ δηλοῦταί μοι πραγματείᾳ τὰ περὶ Δημοσθένη. καὶ περὶ μὲν ὧν Αἰσχίνησ ἐπιτετίμηκεν αὐτῷ, ταῦτα ἱκανά.

ἤδη δέ που κἀκεῖνό τινεσ οἳ μὲν ὡσ χαρακτηρικὸν οἳ δ’ ὡσ ἁμάρτημα τοῦ ῥήτοροσ ἐσημειώσαντο, λέγω δὲ τὸ πολλοῖσ ὀνόμασι τὸ αὐτὸ πρᾶγμα δηλοῦν ἐνίοτε δή, οἱᾶ́ ἐστι ταυτί·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, De Demosthene, chapter 57

(디오니시오스, De Demosthene, chapter 57)

상위

목록

SEARCH

MENU NAVIGATION