헬라어 문장 검색 - Διονψσ́ΔεΔεμοσ́42́

(디오니시오스, De Demosthene, chapter 43)

δεδειγμένησ δή μοι τῆσ αἱρέσεωσ τοῦ ῥήτοροσ ταύτησ ἤδη τισ παρ’ ἑαυτῷ σκοπείτω τὰ λεχθέντα, ὅτι τοιαῦτ’ ἐστίν, ἐνθυμούμενοσ μὲν ὅσα σεμνῶσ κατεσκεύασται τῷ ἀνδρὶ καὶ αὐστηρῶσ καὶ ἀξιωματικῶσ, ἐνθυμούμενοσ δὲ ὅσα τερπνῶσ καὶ ἡδέωσ. εἰ δὲ κἀνταῦθα δόξει τι δεῖν ἀποδείξεωσ, ὅντινα βούλεται τῶν λόγων αὐτοῦ προχειρισάμενοσ καὶ ἀφ οὗ βούλεται μέρουσ ἀρξάμενοσ καταβαινέτω τε καὶ σκοπείτω τῶν λεγομένων ἕκαστον, εἰ τὰ μὲν ἀναβεβλημένασ ἔχει τὰσ ἁρμονίασ καὶ διεστώσασ, τὰ δὲ προσκολλώσασ καὶ συμπεπυκνωμένασ, καὶ τὰ μὲν ἀποτραχύνει τε καὶ πικραίνει τὴν ἀκοήν, τὰ δὲ πραΰνει καὶ λεαίνει, καὶ τὰ μὲν εἰσ πάθοσ ἐκτρέπει τοὺσ ἀκούοντασ, τὰ δ’ εἰσ ἦθοσ ὑπάγεται, τὰ δ’ ἄλλασ τινὰσ ἐργάζεται καὶ πολλὰσ διαφορὰσ παρ’ αὐτὴν τὴν σύνθεσιν. οἱᾶ́ ἐστι ταυτί χρήσομαι δὲ παραδείγμασιν οὐκ ἐξ ἐπιτηδεύσεωσ, ἀλλ’ οἷσ ἐνέτυχον, ἐξ ἑνὸσ τῶν Φιλιππικῶν λαβών· εἰ δέ τισ ὑμῶν, ὦ ἄνδρεσ Ἀθηναῖοι, τὸν Φίλιππον εὐτυχοῦντα ὁρῶν ταύτῃ φοβερὸν προσπολεμῆσαι νομίζει, σώφρονοσ μὲν ἀνθρώπου προνοίᾳ χρῆται· μεγάλη γὰρ ῥοπή, μᾶλλον δὲ ὅλον ἡ τύχη παρὰ πάντ’ ἐστὶ τὰ τῶν ἀνθρώπων πράγματα. οὐ μὴν ἀλλ’ ἔγωγε, εἴ τισ αἱρ́εσίν μοι δοίη, τὴν τῆσ ἡμετέρασ πόλεωσ τύχην ἂν ἑλοίμην ἐθελόντων, ἃ προσήκει, ποιεῖν ὑμῶν καὶ κατὰ μικρόν, ἢ τὴν ἐκείνου. ἐν ταῖσ τρισὶ περιόδοισ ταύταισ τὰ μὲν ἄλλα ὀνόματα πάντα εὐφώνωσ τε σύγκειται καὶ ἡδέωσ τῷ συνεχεῖσ σφόδρα καὶ μαλακὰσ αὐτῶν εἶναι τὰσ ἁρμονίασ.

ὀλίγα δ’ ἐστὶ παντάπασιν, ἃ διἵστησι τὰσ ἁρμονίασ καὶ τραχείασ φαίνεσθαι ποιεῖ αὐτάσ, ἐν μὲν τῇ πρώτῃ περιόδῳ κατὰ δύο τόπουσ τὰ φωνήεντα συγκρουόμενα ἔν τε τῷ ὦ ἄνδρεσ Ἀθηναῖοι καὶ ἐν τῷ εὐτυχοῦντα ὁρῶν, ἃ διἵστησι τὸ συναφέσ. καὶ κατ’ ἄλλουσ δύο τόπουσ ἢ τρεῖσ τὰ ἡμίφωνα καὶ ἄφωνα παραπίπτοντα ἀλλήλοισ τὰ φύσιν οὐκ ἔχοντα συναλείφεσθαι ἔν τε τῷ τὸν Φίλιππον καὶ ἐν τῷ ταύτῃ φοβερὸν προσπολεμῆσαι ταράττει τοὺσ ἤχουσ μετρίωσ καὶ οὐκ ἐᾷ φαίνεσθαι μαλακούσ. ἐν δὲ τῇ δευτέρᾳ περιόδῳ τραχύνεται μὲν ἡ σύνθεσισ ἐν τῷ μεγάλη γὰρ ῥοπή, διὰ τὸ μὴ συναλείφεσθαι τὰ δύο ρ ρ καὶ ἐν τῷ ἀνθρώπων πράγματα διὰ τὸ μὴ συλλεαίνεσθαι τὸ ν τῷ ἑξῆσ. διασπᾶται δ’ ἐν τῷ μᾶλλον δὲ ὅλον ἡ τύχη, βραχέων φωνηέντων πολὺν τὸν μεταξὺ χρόνον περιλαμβανόντων. ἐν δὲ τῇ τρίτῃ περιόδῳ τὰ φωνήεντα μέν, εἴ τισ αὐτὰ βούλοιτο συναλείψασ ἐκθλίβειν ὥσπερ τὸ οἰόμαι καὶ δέον, οὐκ ἂν εὑρ́οι συμπλεκόμενα ἀλλήλοισ.

τῶν δὲ συμφωνουμένων δυσὶν ἢ τρισὶν χωρίοισ τὴν λειότητα μὴ φυλάττουσαι σὺν τοῖσ παρακειμένοισ εὑρεθήσονται ἐν τῷ αἱρ́εσίν μοι δοίη καὶ ἐν τῷ τὴν τῆσ ἡμετέρασ πόλεωσ. μέχρι μὲν δὴ τῶνδε ἡ δευτέρα τὰ πρωτεῖα ἁρμονία φέρει, ἐν δὲ τοῖσ ἑξῆσ ἡ προτέρα διέσπασται γὰρ μᾶλλον τῆσ ἑτέρασ’· πολὺ γὰρ πλείουσ ἀφορμὰσ εἰσ τὸ τὴν παρὰ τῶν θεῶν εὔνοιαν ἔχειν ὁρῶ ὑμῖν ἐνούσασ ἢ ἐκείνῳ. ἀλλ, οἰόμαι, καθήμεθα οὐδὲν ποιοῦντεσ· οὐκ ἔνι δ’ αὐτὸν ἀργοῦντα οὐδὲ φίλοισ ἐπιτάττειν, μή τί γε θεοῖσ.

ἐν τούτοισ γὰρ δὴ τά τε φωνήεντα πολλαχῇ συγκρουόμενα δῆλά ἐστι καὶ τὰ ἡμίφωνα καὶ ἄφωνα, ἐξ ὧν στηριγμούσ τε καὶ ἐγκαθισμοὺσ αἱ ἁρμονίαι λαμβάνουσι καὶ τραχύτητασ αἱ φωναὶ συχνάσ. ἔπειθ’ αἱ ταύταισ ἐπιβάλλουσαι περίοδοι διαστάσεισ μὲν οὐ λαμβάνουσι φωνηέντων, καὶ παρὰ τοῦτο ἐπιτρόχαλοσ αὐτῶν ἐστιν ἡ σύνθεσισ, ἀφώνων δὲ καὶ ἡμιφώνων συμβολαῖσ διαχαραττόμεναι τραχύνουσι τὴν φωνὴν συμμέτρωσ. καὶ τἆλλα δὲ τὸν αὐτὸν ἅπαντα κατεσκεύασται τρόπον. τί γὰρ δεῖ τὰ πλείω λέγοντα μηκύνειν; οὐ μόνον δὲ αἱ τῶν ὀνομάτων συζυγίαι τὴν μικτὴν ἁρμονίαν λαμβάνουσι παρ’ αὐτῷ καὶ μέσην, ἀλλὰ καὶ αἱ τῶν κώλων κατασκευαί τε καὶ συνθέσεισ καὶ τὰ τῶν περιόδων μήκη τε καὶ σχήματα καὶ οἱ περιλαμβάνοντεσ αὐτάσ τε καὶ τὰ κῶλα ῥυθμοί. καὶ γὰρ καὶ κατὰ κόμματα πολλὰ εἴρηται τῷ ἀνδρὶ, καὶ τὰ πλεῖστά γε οὕτωσ κατεσκεύασται, καὶ ἐν περιόδοισ οὐκ ὀλίγα. τῶν δὲ περιόδων αἳ μέν εἰσιν εὐκόρυφοι καὶ στρογγύλαι ὥσπερ ἀπὸ τόρνου, αἳ δὲ ὕπτιαί τε καὶ κεχυμέναι καὶ οὐκ ἔχουσαι τὰσ βάσεισ περιττάσ.

μήκει τε αἳ μὲν ἐλάττουσ, ὥστε συμμετρηθῆναι πρὸσ ἀνδρὸσ πνεῦμα, αἳ δὲ πολλῷ μείζουσ, οἱαῖ καὶ μέχρι τῆσ τετάρτησ ἀναπαύσεωσ προελθοῦσαι τότε λήγειν εἰσ πέρασ. τῶν τε σχημάτων ἔνθα μὲν ἄν τισ εὑρ́οι τὰ σεμνὰ καὶ αὐστηρὰ καὶ ἀρχαῖα πλεονάζοντα, ἔνθα δὲ τὰ λιγυρὰ καὶ γλαφυρὰ καὶ θεατρικά. καὶ τῶν ῥυθμῶν πολλαχῇ μὲν τοὺσ ἀνδρώδεισ καὶ ἀξιωματικοὺσ καὶ εὐγενεῖσ, σπανίωσ δέ που τοὺσ ὑπορχηματικούσ τε καὶ Ιὠνικῶσ διακλωμένουσ. ὑπὲρ ὧν ὀλίγον ὕστερον ἐροῦμεν· ἕτεροσ γὰρ ἐπιτηδειότεροσ αὐτοῖσ ἔσται τόποσ. νυνὶ δέ, ὃ προσαπαιτεῖν ἐοίκεν ὁ λόγοσ, ἔτι προσθείσ, ἐπὶ τὰ λοιπὰ τῶν προκειμένων μεταβήσομαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, De Demosthene, chapter 43

(디오니시오스, De Demosthene, chapter 43)

상위

목록

SEARCH

MENU NAVIGATION