Dionysius of Halicarnassus, De Demosthene, chapter 42

(디오니시오스, De Demosthene, chapter 42)

ἐβουλόμην ἔτι πλείω παρασχέσθαι παραδείγματα τῆσ τοῦ συγγραφέωσ ἀγωγῆσ· ἰσχυροτέρα γὰρ ἡ πίστισ οὕτωσ ἂν ἐγένετο. νῦν δ’ ἐξείργομαι, σπεύδων ἐπὶ τὰ προκείμενα καὶ ἅμα δόξαν ὑφορώμενοσ ἀκαιρίασ. συγγνώσεται δή μοι καὶ Πλάτων ὁ θαυμάσιοσ, εἰ μὴ παραθήσομαι κἀκείνου λέξεισ. ἡ γὰρ ὑπόμνησισ ὡσ ἐν εἰδόσιν ἱκανή. ταῦτα δὲ δὴ βουλόμενοσ τάσ τε διαφορὰσ τῶν ἁρμονιῶν καὶ τοὺσ χαρακτῆρασ αὐτῶν καὶ τοὺσ πρωτεύσαντασ ἐν αὐτοῖσ διῆλθον, ἵν’, ἐπειδὰν ἀποφαίνωμαι γνώμην ὅτι τὴν μέσην τε καὶ μικτὴν ἁρμονίαν ἐπετήδευσεν ὁ Δημοσθένησ, μηδεὶσ ὑποτυγχάνῃ χάνῃ μοι ταῦτα λέγων· αἱ γὰρ ἄκραι τίνεσ εἰσὶν ἁρμονίαι; καὶ τίσ αὐτῶν ἑκατέρασ ἡ φύσισ καὶ τίσ ἡ μῖξισ ἢ ἡ κρᾶσισ αὕτη; οὐδὲν γὰρ δὴ τῶν ἄκρων. τούτου μὲν δὴ πρώτου χάριν, ὥσπερ ἔφην, ἐκεῖνα ἠναγκάσθην προειπεῖν, ἔπειτα, ἵνα μοι μὴ μονόκωλοσ ᾖ μηδὲ αὐστηρὸσ ὁ λόγοσ, ἀλλ’ ἔχῃ τινὰσ εὐπαιδεύτουσ διαγωγάσ. οὔτε γὰρ πιστοῦν τὰσ τοιαύτασ προσθήκασ οὔτε ἀπαιτοῦντοσ τοῦ λόγου παραλιπεῖν καλῶσ ἂν ἔχοι.

일치하는 문장이 없습니다.

SEARCH

MENU NAVIGATION