Dionysius of Halicarnassus, De Demosthene, chapter 38

(디오니시오스, De Demosthene, chapter 38)

τῆσ μὲν οὖν αὐστηρᾶσ καὶ φιλαρχαίου καὶ μὴ τὸ κομψὸν ἀλλὰ τὸ σεμνὸν ἐπιτηδευούσησ ἁρμονίασ τοιόσδε ὁ χαρακτήρ· ὀνόμασι χρῆσθαι φιλεῖ μεγάλοισ καὶ μακροσυλλάβοισ γαπ́ καὶ ταῖσ ἕδραισ αὐτῶν εἶναι πλουσίωσ πάνυ βεβηκυίαισ, χρόνων τε ἀξιολόγων ἐμπεριλήψει διορίζεσθαι θάτερα ἀπὸ τῶν ἑτέρων. τοῦτο τὸ σχῆμα τῆσ ἁρμονίασ ποιοῦσιν αἱ τῶν φωνηέντων γραμμάτων παραθέσεισ, ὅταν ἥ τε προηγουμένη λέξισ εἰσ ἓν τούτων λήγῃ καὶ ἡ συνάπτουσα ταύτῃ τὴν ἀρχὴν ἀπὸ τούτων τινὸσ λαμβάνῃ. ἀναγκαῖον γὰρ ἦν χρόνον τινὰ μέσον ἀμφοῖν ἀξιόλογον ἀπολαμβάνεσθαι. καὶ μηδεὶσ εἴπῃ· τί δὲ τοῦτό ἐστιν, ἢ πῶσ ἄν τισ γένοιτο χρόνοσ, ὃσ γαπ́ μεταθῇ ὀνόματα ἀπ’ ἀλλήλων διεστάναι κατὰ τὰσ τῶν φωνηέντων συμβολάσ; δείκνυται γὰρ ὑπό τε μουσικῶν καὶ μετρικῶν ὁ διὰ μέσου τῶν φωνηέντων χρόνοσ ἑτέρων παρεμβολῇ γραμμάτων ἡμιφώνων ἀναπληροῦσθαι δυνάμενοσ. τοῦτο δ’ οὐκ ἂν ἐγίγνετο μὴ σιωπῆσ τινοσ ἀξιολόγου διειργούσησ τὰ φωνήεντα ἀπ’ ἀλλήλων.

πρῶτον μὲν δὴ τοῦτο τῆσ ἁρμονίασ ταύτησ ἐστὶν ἰδίωμα ὡσ ἐπὶ τὸ πολύ. ἕτερον δὲ τοιοῦτον· ἀνακοπὰσ καὶ ἀντιστηριγμοὺσ λαμβάνειν καὶ τραχύτητασ ἐν ταῖσ συμπλοκαῖσ τῶν ὀνομάτων ἐπιστυφούσασ τὴν ἀκοὴν ἡσυχῇ βούλεται. ἐνταῦθα πάλιν ἡ τῶν ἀφώνων τε καὶ ἡμιφώνων γραμμάτων δύναμισ αἰτία, ὁπότ’ ἂν τὰ λήγοντα τῶν ἡγουμένων μορίων ᾖ γράμματα τοῖσ ἡγουμένοισ μηδὲν τῶν ἐπιφερομένων μήτε συναλείφεσθαι μήτε συγχεῖσθαι φύσιν ἔχῃ. πολὺ γὰρ δὴ τὸ ἀντίτυπον ἐν ταῖσ τούτων συμβολαῖσ γίνεται, ὥσπερ γε καὶ ἐν αὐτοῖσ τοῖσ ὀνόμασιν, ὅταν ἐκ τῶν τραχυνόντων τὴν φωνὴν γραμμάτων αἱ καλούμεναι συλλαβαὶ συντεθῶσι. πολλῆσ δέ τινοσ ἐνταῦθα δεῖ τῆσ τεχνήσεωσ, ἵνα μὴ κακόφωνοι μηδὲ ἀηδεῖσ μηδὲ ἄλλην τινὰ ὄχλησιν ἐπενεγκάμεναι ταῖσ ἀκοαῖσ λάθωσιν αἱ τοιαῦται συζυγίαι, ἀλλ’ ἐπανθῇ τισ αὐταῖσ χνοῦσ ἀρχαιοπινὴσ καὶ χάρισ ἀβίαστοσ. ἀρκεῖ γάρ, ὡσ ἐν εἰδόσι λέγοντασ, ὅτι φύσιν ἔχει μηδὲν τῶν σπουδαίων ῥημάτων ἄμοιρον ὡρ́ασ εἶναι καὶ χάριτοσ ἰδίασ, τοσοῦτον μόνον εἰπεῖν.

일치하는 문장이 없습니다.

SEARCH

MENU NAVIGATION