호흡부호 보기
강세부호 보기
장단부호 보기
작은 Iota 보기
모든 부호 보기
τουτὶ μὲν οὖν τὸ μέροσ, ὡσ οὐ πολλοῦ λόγου δεόμενον, λέγω δὴ τὸ περιττὸν εἶναι συνθέτην ὀνομάτων τὸν Δημοσθένην, μαρτυρίαισ τε ἀξιοχρέοισ καὶ τῷ μηδένα τἀναντία ἔχειν εἰπεῖν βεβαιούμενον ἐάσω. τίσ δὲ ὁ τῆσ ἁρμονίασ αὐτοῦ χαρακτὴρ καὶ ἀπὸ ποίασ γέγονεν ἐπιτηδεύσεωσ τοιοῦτοσ καὶ πῶσ ἄν τισ αὐτὸν διαγνοίη παρεξετάζων ἑτέροισ, ταυτὶ πειράσομαι λέγειν, ἐκεῖνα προειπών. πολλή τισ ἐγένετο ἐν τοῖσ ἀρχαίοισ ἐπιθυμία καὶ πρόνοια τοῦ καλῶσ ἁρμόττειν τὰ ὀνόματα ἔν τε μέτροισ καὶ δίχα μέτρων, καὶ πάντεσ, ὅσοι σπουδαίασ ἐβουλήθησαν ἐξενεγκεῖν γραφάσ, οὐ μόνον ἐζήτησαν ὀνομάσαι τὰ νοήματα καλῶσ, ἀλλὰ καὶ αὐτὰ τὰ ὀνόματα εὐκόσμῳ συνθέσει περιλαβεῖν· πλὴν οὐ τὴν αὐτήν γε πάντεσ ἐπετήδευσαν ἁρμονίαν, ὥστ’ οὐδὲ κατὰ τὰσ αὐτὰσ ἦλθον ἅπαντεσ ὁδούσ. τούτου δ’ αἰτίασ οἰόμαι γενέσθαι πολλάσ. πρώτην μὲν τὴν ἑκάστου φύσιν, ᾗ ἄλλοι πρὸσ ἄλλα πεφύκαμεν εὖ, δευτέραν δὲ τὴν ἐκ λόγου καὶ προαιρέσεωσ ἐμφυομένην δόξαν, δι’ ἣν τὰ μὲν ἀσπαζόμεθα, τοῖσ δ’ ἐπαχθόμεθα, τρίτην δὲ τὴν ἐκ συνηθείασ χρονίου κατασκευαζομένην ὑπόληψιν ὡσ σπουδῆσ ἀξίων, ὧν ἂν τοὺσ ἐθισμοὺσ λάβωμεν, τετάρτην ἔτι τὴν πρὸσ οὓσ ἂν φιλοτιμούμενοι τυγχάνωμεν, ὁποῖ̓ ἄττα ἂν ἐκεῖνοι ζηλῶσιν, ἀναφοράν τε καὶ μίμησιν· ἔχοι δ’ ἄν τισ καὶ ἄλλα λέγειν, ἀλλὰ ἐγὼ τὰ φανερώτατα εἰπὼν ἐῶ τὰ λοιπά.
ὅθεν οἳ μὲν τὴν εὐσταθῆ καὶ βαρεῖαν καὶ αὐστηρὰν καὶ φιλάρχαιον καὶ σεμνὴν καὶ φεύγουσαν ἅπαν τὸ κομψὸν ἐπιτηδεύουσιν ἁρμονίαν, οἳ δὲ τὴν γλαφυρὰν καὶ λιγυρὰν καὶ θεατρικὴν καὶ πολὺ τὸ κομψὸν καὶ μαλακὸν ἐπιφαίνουσαν, ᾗ πανηγύρεισ τε κηλοῦνται καὶ ὁ συμφορητὸσ ὄχλοσ, οἳ δὲ συνθέντεσ ἀφ’ ἑκατέρασ τὰ χρησιμώτατα τὴν μικτὴν καὶ μέσην ἐζήλωσαν ἀγωγήν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기