헬라어 문장 검색 - Διονψσ́ΔεΔεμοσ́25́

(디오니시오스, De Demosthene, chapter 26)

ἀκούσωμεν δὲ αὐτοῦ, πῶσ λέγει· ἔργων γὰρ εὖ πραχθέντων λόγῳ καλῶσ ῥηθέντι μνήμη καὶ κόσμοσ τοῖσ πράξασι γίνεται παρὰ τῶν ἀκουσάντων. ἐνταῦθα τοῖσ μὲν ἔργοισ ὁ λόγοσ ἀντίκειται, τῷ δὲ πραχθῆναι τὸ ῥηθῆναι, μετωνόμασται δὲ ἀντὶ τοῦ εὖ τὸ καλῶσ, παρισοῦται δὲ τὰ τρία μόρια τοῦ λόγου τοῖσ τρισί. τοῦ δὲ ἀσφαλῶσ βῆναι τὴν περίοδον ἕνεκα καὶ οὐθενὸσ ἀναγκαίου, τέλοσ ἤδη τῆσ διανοίασ ἐχούσησ, προσείληπται τὸ παρὰ τῶν ἀκουσάντων. ἆρά γε ὁμοίωσ ἡρμήνευται ὁ αὐτὸσ νοῦσ οὑτοσὶ τοῖσ ποιηταῖσ, οὓσ περιφρονεῖ καὶ ἀπελαύνει τῆσ πολιτείασ ὁ φιλόσοφοσ, ἢ κάλλιον καὶ γενναιότερον; πρέπει δ’ ἐσλοῖσιν ὑμνεῖσθαι καλλίσταισ ἀοιδαῖσ. τοῦτο γὰρ ἀθανάτοισ τιμαῖσι ποτιψαύει μόνον· ῥηθὲν θνᾴσκει δὲ σιγαθὲν καλὸν ἔργον. Πίνδαροσ τοῦτο πεποίηκεν εἰσ Ἀλέξανδρον τὸν Μακεδόνα, περὶ τὰ μέλη καὶ τοὺσ ῥυθμοὺσ μᾶλλον ἢ περὶ τὴν λέξιν ἐσπουδακώσ. Πλάτων δέ, ὃσ ἐπαγγέλλεται σοφίαν, τρυφεροῖσ καλλωπίζει καὶ περιέργοισ σχήμασι τὴν φράσιν. καὶ οὔπω τοῦθ’ ἱκανόν, ἀλλὰ καὶ ἐν τῇ μετ’ αὐτὴν περιόδῳ τὰ αὐτὰ ποιῶν φανήσεται. φησὶ γάρ·

δεῖ δὴ τοιούτου τινὸσ λόγου, ὅστισ τοὺσ μὲν τετελευτηκότασ ἱκανῶσ ἐπαινέσει, τοῖσ δὲ ζῶσιν εὐμενῶσ παραινέσει. οὐκοῦν ἐπίρρημα ἐπιρρήματι ἀντιπαράκειται καὶ ῥήματι ῥῆμα, τὸ μὲν ἱκανῶσ τῷ εὐμενῶσ, τῷ δ’ ἐπαινέσει τὸ παραινέσει, καὶ ταῦτα πάρισα· οὐ Λικύμνιοι ταῦτ’ εἰσὶν οὐδ’ Ἀγάθωνεσ οἱ λέγοντεσ ὕβριν ἤ κύπριν μισθῷ ποθὲν ἢ μόχθον πατρίδων, ἀλλ’ ὁ δαιμόνιοσ ἑρμηνεῦσαι Πλάτων. καὶ οὐ τοῖσ σχήμασιν ἐπιτιμῶ· φέρει γάρ ποτε καὶ ταῦτα τοῖσ λόγοισ ὡρ́αν. οὗ χάριν οὐ ψέγω οὐδ’ αὐτὴν τὴν ἐπιτήδευσιν αὐτῶν καὶ τὴν ἀκαιρίαν μόνην μέμφομαι καὶ μάλιστα ὅταν ὑπὸ τοιούτου γίνηται ἀνδρόσ, ᾧ κανόνι ὀρθοεπείασ χρήσασθαι ἀξιοῦμεν. ἐν γὰρ δὴ τῷ αὐτῷ λόγῳ τούτῳ κἀκεῖνά ἐστιν· ὧν δ’ οὔτε ποιητήσ πω δόξαν ἀξίαν ἐπ’ ἀξίοισ λαβὼν ἔχει, καὶ αὖθισ·

τειχισαμένη καὶ ναυπηγησαμένη, ἐκδεξαμένη τὸν πόλεμον, καὶ ἔτι· ὧν ἕνεκα καὶ πρῶτον καὶ ὕστατον καὶ διὰ παντὸσ πᾶσαν πάντωσ προθυμίαν πειρᾶσθε ἔχειν, καὶ πάλιν· φέροντεσ μὲν τὰσ συμφορὰσ ἀνδρείωσ δόξουσι τῷ ὄντι ἀνδρείων παίδων πατέρεσ εἶναι, κἀκεῖνά γε ἔτι· τοὺσ μὲν παιδεύοντεσ κοσμίωσ, τοὺσ δὲ γηροτροφοῦντεσ ἀξίωσ, καὶ πάλιν που· καὶ αὐτὸσ δέομαι ὑπὲρ ἐκείνων, τῶν μὲν μιμεῖσθαι τοὺσ ἑαυτῶν, τῶν δὲ καρτερεῖν ὑπὲρ ἑαυτῶν, καὶ ταυτί· πολιτεία γὰρ ἀνθρώπων τροφή ̓στι καὶ ἡ μὲν ἀγαθὴ ἀγαθῶν, μὴ καλὴ δὲ κακῶν. κἀκεῖνα δ’ ἔτι· νικήσαντεσ μὲν τοὺσ πολεμίουσ, λυσάμενοι δὲ τοὺσ φιλίουσ, ἀναξίου τύχησ τυχόντεσ. πολύσ ἐστι τῶν τοιούτων σχημάτων ὄχλοσ δι’ ὅλου τοῦ ἐπιταφίου.

ἀλλ’ ἐάσασ τὸ περὶ τούτων ἀκριβολογεῖν ἐπ’ ἐκεῖνά τ’ ἐλεύσομαι καί μοι πάνυ μὲν αἰδουμένῳ καὶ ὀκνοῦντι εἰπεῖν, ὅμωσ δ’ εἰρήσεται, ὅτι παχύτητοσ καὶ ἀδυνασίασ ἔδοξεν εἶναι μηνύματ’ αὐτά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, De Demosthene, chapter 26

(디오니시오스, De Demosthene, chapter 26)

상위

목록

SEARCH

MENU NAVIGATION