헬라어 문장 검색 - Διονψσ́ΔεΔεμοσ́15́

(디오니시오스, De Demosthene, chapter 15)

τοῦτον ἔγωγε τὸν χαρακτῆρα . . . εἴ τισ μὴ μάλιστα ἀποδέχοιτο τὴν αἰτίαν, δι’ ἣν οὔτε τὰ Θουκυδίδεια ἐκεῖνα περιττὰ καὶ ἐξηλλαγμένα τοῦ συνήθουσ κράτιστα ἡγοῦμαι οὔτ’ ἐν τοῖσ Λυσιακοῖσ τοῖσ ἰσχνοῖσ καὶ συνεσπασμένοισ τὴν τελείαν τῆσ λέξεωσ ἀρετὴν τίθεμαι, τοῦτ’ ἂν εἴποιμι πρὸσ αὐτόν· οἱ συνιόντεσ εἰσ τὰσ ἐκκλησίασ καὶ τὰ δικαστήρια καὶ τοὺσ ἄλλουσ συλλόγουσ, ἔνθα πολιτικῶν δεῖ λόγων, οὔτε δεινοὶ καὶ περιττοὶ πάντεσ εἰσὶ καὶ τὸν Θουκυδίδου νοῦν ἔχοντεσ οὔθ’ ἅπαντεσ ἰδιῶται καὶ κατασκευῆσ λόγων γενναίων ἄπειροι, ἀλλ’ οἳ μὲν ἀπὸ γεωργίασ οἳ δ’ ἀπὸ θαλαττουργίασ οἳ δ’ ἀπὸ τῶν βαναύσων τεχνῶν συνερρυηκότεσ, οἷσ ἁπλούστερον καὶ κοινότερον διαλεγόμενοσ μᾶλλον ἄν τισ ἀρέσαι. τὸ γὰρ ἀκριβὲσ καὶ περιττὸν καὶ ξένον καὶ πᾶν, ὅ τι μὴ σύνηθεσ αὐτοῖσ ἀκούειν τε καὶ λέγειν, ὀχληρῶσ διατίθησιν αὐτούσ, καὶ ὥσπέρ τι τῶν πάνυ ἀνιαρῶν ἐδεσμάτων ἢ ποτῶν ἀποστρέφει τοὺσ στομάχουσ, οὕτωσ ἐκεῖνα ὀχληρῶσ διατίθησι τὰσ ἀκοάσ. οἳ δὲ πολιτικοί τε καὶ ἀπ’ ἀγορᾶσ καὶ διὰ τῆσ ἐγκυκλίου παιδείασ ἐληλυθότεσ, οἷσ οὐκ ἔνι τὸν αὐτὸν ὅνπερ ἐκείνοισ διαλέγεσθαι τρόπον, ἀλλὰ δεῖ τὴν ἐγκατάσκευον καὶ περιττὴν καὶ ξένην διάλεκτον τούτοισ προσφέρειν. εἰσὶ μὲν οὖν ἴσωσ ἐλάττουσ οἱ τοιοῦτοι τῶν ἑτέρων, μᾶλλον δὲ πολλοστὸν ἐκείνων μέροσ, καὶ τοῦτο οὐθεὶσ ἀγνοεῖ· οὐ μὴν καταφρονεῖσθαί γε διὰ ταῦτα ἄξιοι. ὁ μὲν οὖν τῶν ὀλίγων καὶ εὐπαιδεύτων στοχαζόμενοσ λόγοσ οὐκ ἔσται τῷ φαύλῳ καὶ ἀμαθεῖ πλήθει πιθανόσ, ὁ δὲ τοῖσ πολλοῖσ καὶ ἰδιώταισ ἀρέσκειν ἀξιῶν καταφρονηθήσεται πρὸσ τῶν χαριεστέρων, ὁ δ’ ἀμφότερα τἀκροατήρια πείθειν ζητῶν ἧττον ἀποτεύξεται τοῦ τέλουσ. ἔστι δὲ οὗτοσ ὁ μεμιγμένοσ ἐξ ἀμφοτέρων τῶν χαρακτήρων.

διὰ ταῦτα ἐγὼ τὴν οὕτωσ κατεσκευασμένην λέξιν μετριωτάτην εἶναι τῶν ἄλλων νενόμικα καὶ τῶν λόγων τούτουσ μάλιστα ἀποδέχομαι τοὺσ πεφευγότασ ἑκατέρου τῶν χαρακτήρων τὰσ ὑπερβολάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, De Demosthene, chapter 15

(디오니시오스, De Demosthene, chapter 15)

상위

목록

SEARCH

MENU NAVIGATION