헬라어 문장 검색 - Διονψσ́ΔεΔεμοσ́14́

(디오니시오스, De Demosthene, chapter 14)

ὥστε περὶ μὲν τοῦ χαρακτῆροσ . . . τοῦ δὲ ῥητορικοῦ γένουσ τοῦ μεταξὺ τῶν ἄκρων ἑκατέρων, ὃ ἀτελὲσ παραλαβὼν ὁ Δημοσθένησ παρ’ Ἰσοκράτουσ τε καὶ ἔτι προτέρου Θρασυμάχου καὶ τελευταίου Πλάτωνοσ ἐτελείωσεν ὅσον ἦν ἀνθρωπίνῃ φύσει δυνατόν, πολλὰ μὲν ἄν τισ ἐκ τῶν κατὰ Φιλίππου δημηγοριῶν πολλὰ δ’ ἐκ τῶν ἄλλων δημοσίων λόγων παραδείγματα λάβοι, πλεῖστα δὲ καὶ κάλλιστα ἐκ τῆσ ὑπὲρ Κτησιφῶντοσ ἀπολογίασ· οὗτοσ γὰρ δή μοι δοκεῖ καλλίστῃ καὶ μετριωτάτῃ κατασκευῇ λέξεωσ κεχρῆσθαι ὁ λόγοσ. εἰ μὲν οὖν χρόνον ἀρκοῦντα εἶχον, καὶ τὰσ λέξεισ αὐτὰσ ἂν παρετίθην. πολλῶν δέ μοι καὶ ἀναγκαίων ἔτι καταλειπομένων, τοῦτο μὲν ἐάσω, δείγμασι δὲ μόνον ἐν τῷ παρόντι χρήσομαι βραχυτάτοισ ὡσ ἐν εἰδόσι λέγων. ἔστι δὴ τὰ τοιαῦτα τοῦ μέσου χαρακτῆροσ παραδείγματα ἐκ μὲν τῆσ Αἰσχίνου κατηγορίασ· ἀεὶ μὲν γάρ, ὦ ἄνδρεσ Ἀθηναῖοι, προσήκει μισεῖν καὶ κολάζειν τοὺσ προδότασ καὶ δωροδόκουσ, μάλιστα δὲ νῦν ἐπὶ τοῦ καιροῦ τούτου γένοιτ’ ἂν καὶ πάντασ ὠφελήσειεν ἀνθρώπουσ κοινῇ. νόσημα γάρ, ὦ ἄνδρεσ Ἀθηναῖοι, δεινὸν ἐμπέπτωκεν εἰσ τὴν Ἑλλάδα καὶ χαλεπόν, ὃ πολλῆσ τινοσ εὐτυχίασ καὶ παρ’ ὑμῶν ἐπιμελείασ δεόμενον καὶ τὰ ἑπόμενα τούτοισ. ἐκ δὲ τῆσ Ἀριστοκράτουσ κατηγορίασ·

πολλὰ μὲν δὴ παρ’ ἡμῖν ἐστι τοιαῦτα, οἱᾶ οὐχ ἑτέρωθι, ἓν δ’ οὖν ἰδιώτατον πάντων καὶ σεμνότατον τὸ ἐν Ἀρείῳ πάγῳ δικαστήριον, περὶ οὗ τοσαῦτά ἐστι καλὰ παραδεδομένα καὶ μυθώδη καὶ ὧν αὐτοὶ μάρτυρεσ ἐσμέν, ὅσα περὶ οὐδενὸσ ἄλλου δικαστηρίου καὶ τὰ ἑξῆσ. ἐκ δὲ τοῦ περὶ τῶν ἀτελειῶν λόγου· πρῶτον μὲν τοίνυν Κόνωνα σκοπεῖτε, εἰ ἄρα ἄξιον καταμεμψαμένουσ ἢ τὸν ἄνδρα ἢ τὰ πεπραγμένα ἄκυρόν τι ποιῆσαι τῶν ἐκείνῳ δοθέντων. οὗτοσ γάρ, ὡσ ὑμῶν τινῶν ἔστιν ἀκοῦσαι τῶν κατὰ τὴν αὐτὴν ἡλικίαν ὄντων, μετὰ τὴν τοῦ δήμου κάθοδον τὴν ἐκ Πειραιέωσ ἀσθενοῦσ ἡμῶν τῆσ πόλεωσ οὔσησ καὶ τὰ ἀκόλουθα. ἐκ δὲ τῆσ ὑπὲρ Κτησιφῶντοσ ἀπολογίασ· ἃ μὲν οὖν πρὸ τοῦ πολιτεύεσθαι καὶ δημηγορεῖν ἐμὲ προὔλαβε καὶ κατέσχε Φίλιπποσ, ἐάσω· οὐδὲν γὰρ ἡγοῦμαι τούτων εἶναι πρὸσ ἐμέ·

ἃ δὲ ἀφ’ ἧσ ἡμέρασ ἐπὶ ταῦτα ἐπέστην ἐγώ, διεκώλυον λαβεῖν, ταῦτα ἀναμνήσω καὶ περὶ τούτων ὑφέξω λόγον, τοσοῦτον ὑπειπών· πλεονέκτημα, ὦ ἄνδρεσ Ἀθηναῖοι, μέγα ὑπῆρξε Φιλίππῳ. παρὰ γὰρ τοῖσ Ἕλλησιν οὐ τισὶν ἀλλὰ πᾶσιν ὁμοίωσ φορὰ προδοτῶν καὶ δωροδόκων καὶ θεοῖσ ἐχθρῶν ἀνθρώπων συνέβη, ὅσην οὐδεὶσ τὸ πρότερον μέμνηται γεγονυῖαν καὶ τὰ συναπτόμενα τούτοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, De Demosthene, chapter 14

(디오니시오스, De Demosthene, chapter 14)

상위

목록

SEARCH

MENU NAVIGATION