헬라어 문장 검색 - Διονψσ́ΔεΔεμοσ́07́

(디오니시오스, De Demosthene, chapter 7)

παράδειγμα δὲ ποιοῦμαι τῆσ γε ὑψηλῆσ λέξεωσ ἐξ ἑνὸσ βυβλίου τῶν πάνυ περιβοήτων, ἐν ᾧ τοὺσ ἐρωτικοὺσ διατίθεται λόγουσ ὁ Σωκράτησ πρὸσ ἕνα τῶν γνωρίμων Φαῖδρον, ἀφ’ οὗ τὴν ἐπιγραφὴν εἴληφε τὸ βυβλίον. ἐν γὰρ δὴ τῷ συγγράμματι τούτῳ πολλὴν μὲν ὡρ́αν ἔχει καὶ χαρίτων ἐστὶ μεστὰ τὰ πρῶτα ταυτί· ὦ φίλε Φαῖδρε, ποῖ δὴ καὶ πόθεν; παρὰ Λυσίου, ὦ Σώκρατεσ, τοῦ Κεφάλου. πορεύομαι δὴ πρὸσ περίπατον ἔξω τείχουσ. συχνὸν γὰρ ἐκεῖ διέτριψα χρόνον καθήμενοσ ἐξ ἑωθινοῦ μέχρι τῆσ ἀναγνώσεωσ τοῦ Λυσιακοῦ λόγου καὶ μετὰ τὴν ἀνάγνωσιν ἑώσ τινόσ. εἶθ’, ὥσπερ ἐξ ἀέροσ εὐδίου καὶ σταθεροῦ πολὺσ ἄνεμοσ καταρραγείσ, ταράττει τὸ καθαρὸν τῆσ φράσεωσ ἐσ ποιητικὴν ἐκφέρων ἀπειροκαλίαν, ἐνθένδ’ ἀρξάμενοσ· ἄγετε δή, Μοῦσαι, εἴτε δι’ ᾠδῆσ εἶδοσ λίγειαι εἴτε διὰ γένοσ τὸ Λιγύων μουσικὸν ταύτην ἔσχετε τὴν ἐπωνυμίαν, ξύμ μοι λάβεσθε τοῦ μύθου. ὅτι δὲ ψόφοι ταῦτ’ εἰσὶ καὶ διθύραμβοι, κόμπον ὀνομάτων πολὺν νοῦν δὲ ὀλίγον ἔχοντεσ, αὐτὸσ ἐρεῖ.

διεξιὼν γάρ, ἀφ’ ἧσ αἰτίασ ἔρωσ ἐτέθη τῷ πάθει τοὔνομα, καὶ τῇδε χρησάμενοσ· ἡ γὰρ ἄνευ λόγου δόξησ ἐπὶ τἀγαθὸν ὁρμώσησ κρατήσασα ἐπιθυμία, πρὸσ ἡδονὴν ἄγουσα κάλλουσ καὶ τῶν ἑαυτῆσ συγγενῶν ἐπιθυμιῶν, ἐπὶ σωμάτων κάλλοσ ἐρρωμένωσ ῥωσθεῖσα νικήσασα ἀγωγὴ ἀπ’ αὐτῆσ τῆσ ῥώμησ ἐπωνυμίαν λαβοῦσα ἔρωσ ἐκλήθη καὶ τοσαύτην ἐκμηκύνασ περίφρασιν ὀλίγοισ τοῖσ ὀνόμασι δυναμένου περιληφθῆναι πράγματοσ ἐπιλαμβάνεται τῆσ ἀκαιρίασ τῆσ αὐτὸσ αὐτοῦ καί φησι· σιγῇ τοίνυν μου ἄκουε. τῷ ὄντι γὰρ θεῖοσ εἶναι ἐοίκεν ὁ τόποσ. ὥστ’ ἐὰν ἄρα πολλάκισ νυμφόληπτοσ γένωμαι προἰόντοσ τοῦ λόγου, μὴ θαυμάσῃσ. τὰ νῦν γὰρ οὐκέτι πόρρω διθυράμβων τινῶν φθέγγομαι. τάδ’ οὐχ ὑπ’ ἄλλων, ἀλλὰ τοῖσ αὑτῶν λόγοισ ἁλισκόμεσθα κατὰ τὴν τραγῳδίαν, δαιμονιώτατε Πλάτων, διθυράμβων ψόφουσ καὶ λήρουσ ἠγαπηκότεσ.

ἃ δ’ ἐν τῇ παλινῳδίᾳ τὸν ἔρωτα ἀφοσιούμενοσ αὖθισ ὁ Σωκράτησ εἴρηκεν ἐνθένδε ἀρξάμενοσ· ὁ μὲν δὴ μέγασ ἡγεμὼν ἐν οὐρανῷ Ζεὺσ ἐλαύνων πτηνὸν ἁρ́μα, πρῶτοσ πορεύεται διακοσμῶν πάντα καὶ ἐπιμελούμενοσ. τῷ δ’ ἕπεται στρατιὰ θεῶν καὶ δαιμόνων κατὰ ἕνδεκα μέρη κεκοσμημένη. μένει γὰρ Ἑστία ἐν θεῶν οἴκῳ μόνη. τῶν δ’ ἄλλων, ὅσοι ἐν τῷ τῶν δώδεκα θεῶν ἀριθμῷ τεταγμένοι θεοὶ ἄρχοντεσ ἡγοῦνται κατὰ τάξιν, ἣν ἕκαστοσ ἐτάχθη, πολλαὶ μὲν οὖν καὶ μακάριαι θέαι τε καὶ ἔξοδοι ἐντὸσ οὐρανοῦ, ἃσ θεῶν γένοσ εὐδαιμόνων ἐπιστρέφεται, πράττων ἕκαστοσ δι’ αὑτοῦ τὰ αὐτῶν. ἕπεται δ’ αἰεὶ ὁ θέλων τε καὶ δυνάμενοσ· φθόνοσ γὰρ ἔξω θείου χοροῦ ἵσταται.

ταῦτα καὶ τὰ ὅμοια τούτοισ, ἃ πολλά ἐστιν, εἰ λάβοι μέλη καὶ ῥυθμοὺσ ὥσπερ οἱ διθύραμβοι καὶ τὰ ὑπορχήματα, τοῖσ Πινδάρου ποιήμασιν ἐοικέναι δόξειεν ἂν τοῖσ εἰσ τὸν ἥλιον εἰρημένοισ, ὥσ γ’ ἐμοὶ φαίνεται· ἀκτὶσ ἀελίου, τί πολύσκοπ’ ἐμήσω θοῶν μᾶτερ ὀμμάτων; ἄστρον ὑπέρτατον, ἐν ἁμέρᾳ κλεπτόμενον ἔθηκασ ἀμάχανον ἰσχὺν πτανὸν ἀνδράσι καὶ σοφίασ ὁδόν, ἐπίσκοτον ἀτραπὸν ἐσσυμένα.

ἐλαύνεισ τι νεώτερον ἢ πάροσ; ἀλλά σε πρὸσ Διὸσ ἱπποσόα θοάσ, ἱκετεύω, ἀπήμονα ἐσ οἶμον τινὰ τράποιο Θήβαισ, ὦ πότνια, πάγκοινον τέρασ. πολέμου δ’ εἰ σᾶμα φέρεισ τινὸσ ἢ καρποῦ φθίσιν ἢ νιφετοῦ σθένοσ ὑπέρφατον ἢ στάσιν οὐλομέναν ἢ πόντου κενεῶσιν ἀμ πέδον ἢ παγετὸν χθονὸσ ἢ νότιον θέροσ ὕδατι ζακότῳ διερὸν ἢ γαῖαν κατακλύσαισα θήσεισ ἀνδρῶν νέον ἐξ ἀρχᾶσ γένοσ, ὀλοφύρομαι οὐδὲν ὅτι πάντων μέτα πείσομαι. κἀνταῦθα οὐκ ἄκαιροσ ἡ ἀλληγορία, ὡσ παρὰ Πλάτωνι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, De Demosthene, chapter 7

(디오니시오스, De Demosthene, chapter 7)

상위

목록

SEARCH

MENU NAVIGATION