Dionysius of Halicarnassus, De Compositione Verborum, chapter 26

(디오니시오스, De Compositione Verborum, chapter 26)

περὶ δὲ τῆσ ἐμμελοῦσ τε καὶ ἐμμέτρου συνθέσεωσ τῆσ ἐχούσησ πολλὴν ὁμοιότητα πρὸσ τὴν πεζὴν λέξιν τοιαῦτά τινα λέγειν ἔχω, ὡσ πρώτη μέν ἐστιν αἰτία κἀνταῦθα τὸν αὐτὸν τρόπον ὅνπερ ἐπὶ τῆσ ἀμέτρου ποιητικῆσ ἡ τῶν ὀνομάτων αὐτῶν ἁρμογή, δευτέρα δὲ ἡ τῶν κώλων σύνθεσισ, τρίτη δὲ ἡ τῶν περιόδων συμμετρία. τὸν δὴ βουλόμενον ἐν τούτῳ τῷ μέρει κατορθοῦν τὰ τῆσ λέξεωσ μόρια δεῖ πολυειδῶσ στρέφειν τε καὶ συναρμόττειν καὶ τὰ κῶλα ἐν διαστήμασι ποιεῖν συμμέτρωσ, μὴ συναπαρτίζοντα τοῖσ στίχοισ ἀλλὰ διατέμνοντα τὸ μέτρον, ἄνισά τε ποιεῖν αὐτὰ καὶ ἀνόμοια, πολλάκισ δὲ καὶ εἰσ κόμματα συνάγειν βραχύτερα κώλων, τάσ τε περιόδουσ μήτε ἰσομεγέθεισ μήτε ὁμοιοσχήμονασ τὰσ γοῦν παρακειμένασ ἀλλήλαισ ἐργάζεσθαι· ἔγγιστα γὰρ φαίνεται λόγοισ τὸ περὶ τοὺσ ῥυθμοὺσ καὶ τὰ μέτρα πεπλανημένον. τοῖσ μὲν οὖν τὰ ἔπη καὶ τοὺσ ἰάμβουσ καὶ τὰ ἄλλα τὰ ὁμοειδῆ μέτρα κατασκευάζουσιν οὐκ ἔξεστι πολλοῖσ διαλαμβάνειν μέτροισ ἢ ῥυθμοῖσ τὰσ ποιήσεισ, ἀλλ’ ἀνάγκη μένειν ἀεὶ ἐπὶ τοῦ αὐτοῦ σχήματοσ· τοῖσ δὲ μελοποιοῖσ ἔξεστι πολλὰ μέτρα καὶ ῥυθμοὺσ εἰσ μίαν ἐμβαλεῖν περίοδον· ὥσθ’ οἱ μὲν τὰ μονόμετρα συντιθέντεσ ὅταν διαλύσωσι τοὺσ στίχουσ τοῖσ κώλοισ διαλαμβάνοντεσ ἄλλοτε ἄλλωσ, διαχέουσι καὶ ἀφανίζουσι τὴν ἀκρίβειαν τοῦ μέτρου, καὶ ὅταν τὰσ περιόδουσ μεγέθει τε καὶ σχήματι ποικίλασ ποιῶσιν, εἰσ λήθην ἐμβάλλουσιν ἡμᾶσ τοῦ μέτρου· οἱ δὲ μελοποιοὶ πολυμέτρουσ τὰσ στροφὰσ ἐργαζόμενοι καὶ τῶν κώλων ἑκάστοτε πάλιν ἀνίσων τε ὄντων καὶ ἀνομοίων ἀλλήλοισ ἀνομοίουσ τε καὶ ἀνίσουσ ποιούμενοι τὰσ διαιρέσεισ, δι’ ἄμφω δὲ ταῦτα οὐκ ἐῶντεσ ἡμᾶσ ὁμοειδοῦσ ἀντίληψιν λαβεῖν ῥυθμοῦ πολλὴν τὴν πρὸσ τοὺσ λόγουσ ὁμοιότητα κατασκευάζουσιν ἐν τοῖσ μέλεσιν, ἔνεστί τε καὶ τροπικῶν καὶ ξένων καὶ γλωττηματικῶν καὶ τῶν ἄλλων ποιητικῶν ὀνομάτων μενόντων ἐν τοῖσ ποιήμασιν μηδὲν ἧττον αὐτὰ φαίνεσθαι λόγῳ παραπλήσια. μηδεὶσ δὲ ὑπολαμβανέτω με ἀγνοεῖν ὅτι κακία ποιήματοσ ἡ καλουμένη λογοείδεια δοκεῖ τισ εἶναι, μηδὲ καταγιγνωσκέτω μου ταύτην τὴν ἀμαθίαν, ὡσ ἄρα ἐγὼ κακίαν τινὰ ἐν ἀρεταῖσ τάττω ποιημάτων ἢ λόγων· ὡσ δὲ ἀξιῶ διαιρεῖν κἀν τούτοισ τὰ σπουδαῖα ἀπὸ τῶν μηδενὸσ ἀξίων, ἀκούσασ μαθέτω. ἐγὼ τοὺσ λόγουσ τὸν μὲν ἰδιώτην ἐπιστάμενοσ ὄντα, τὸν ἀδολέσχην τοῦτον λέγω καὶ φλύαρον, τὸν δὲ πολιτικόν, ἐν ᾧ τὸ πολὺ κατεσκευασμένον ἐστὶ καὶ ἔντεχνον, ὅ τι μὲν ἂν τῶν ποιημάτων ὅμοιον εὑρίσκω τῷ φλυάρῳ καὶ ἀδολέσχῃ, γέλωτοσ ἄξιον τίθεμαι, ὅ τι δ’ ἂν τῷ κατεσκευασμένῳ καὶ ἐντέχνῳ, ζήλου καὶ σπουδῆσ ἐπιτήδειον τυγχάνειν οἰόμαι. εἰ μὲν οὖν διαφόρου προσηγορίασ τῶν λόγων ἑκάτεροσ ἐτύγχανεν, ἀκόλουθον ἦν ἂν καὶ τῶν ποιημάτων ἃ τούτοισ ἐοίκεν διαφόροισ ὀνόμασι καλεῖν ἑκάτερον· ἐπειδὴ δὲ ὅ τε σπουδαῖοσ καὶ ὁ τοῦ μηδενὸσ ἄξιοσ ὁμοίωσ καλεῖται λόγοσ, οὐκ ἂν ἁμαρτάνοι τισ τὰ μὲν ἐοικότα τῷ καλῷ λόγῳ ποιήματα καλὰ ἡγούμενοσ, τὰ δὲ τῷ μοχθηρῷ πονηρὰ οὐδὲν ὑπὸ τῆσ τοῦ λόγου ὁμοειδείασ ταραττόμενοσ. κωλύσει γὰρ οὐδὲν ἡ τῆσ ὀνομασίασ ὁμοιότησ κατὰ διαφόρων ταττομένησ πραγμάτων τὴν ἑκατέρου φύσιν ὁρᾶν. εἰρηκὼσ δὴ καὶ περὶ τούτων παραδείγματά σοι τῶν εἰρημένων ὀλίγα θεὶσ αὐτοῦ κατακλείσω τὸν λόγον. ἐκ μὲν οὖν τῆσ ἐπικῆσ ποιήσεωσ ταῦτα ἀπόχρη· αὐτὰρ ὅ γ’ ἐγ λιμένοσ προσέβη τρηχεῖαν ἀταρπόν· ἓν μὲν δὴ τοῦτο κῶλον. ἕτερον δὲ χῶρον ἀν’ ὑλήεντα ἔλαττόν τε τοῦ προτέρου καὶ δίχα τέμνον τὸν στίχον. τρίτον δὲ τουτί δι’ ἄκριασ ἔλαττον κώλου κομμάτιον. τέταρτον δὲ οἷ οἱ Ἀθήνη πέφραδε δῖον ὑφορβόν ἐξ ἡμιστιχίων δύο συγκείμενον καὶ τοῖσ προτέροισ οὐδὲν ἐοικόσ. ἔπειτα τὸ τελευταῖον ὅ οἱ βιότοιο μάλιστα κήδετο οἰκήων οὓσ κτήσατο δῖοσ Ὀδυσσεύσ ἐντελῆ μὲν τὸν τρίτον ποιοῦν στίχον, τοῦ δὲ τετάρτου τῇ προσθήκῃ τὴν ἀκρίβειαν ἀφῃρημένον. ἔπειτ’ αὖθισ τὸν δ’ ἄρ’ ἐνὶ προδόμῳ εὑρ͂’ ἥμενον οὐ συνεκτρέχον οὐδὲ τοῦτο τῷ στίχῳ. ἔνθά οἱ αὐλὴ ὑψηλὴ δέδμητο ἄνισον καὶ τοῦτο τῷ προτέρῳ. κἄπειτα ὁ ἑξῆσ νοῦσ ἀπερίοδοσ ἐν κώλοισ τε καὶ κόμμασι λεγόμενοσ· ἐπιθεὶσ γὰρ περισκέπτῳ ἐνὶ χώρῳ, πάλιν ἐποίσει καλή τε μεγάλη τε βραχύτερον κώλου κομμάτιον, εἶτα περίδρομοσ ὄνομα καθ’ ἑαυτὸ νοῦν τινα ἔχον. εἶθ’ ἑξῆσ τὰ ἄλλα τὸν αὐτὸν κατασκευάσει τρόπον· τί γὰρ δεῖ μηκύνειν; ἐκ δὲ τῆσ ποιήσεωσ τῆσ ἰαμβικῆσ τὰ παρ’ Εὐριπίδου ταυτί ὦ γαῖα πατρὶσ ἣν Πέλοψ ὁρίζεται, χαῖρε, τὸ πρῶτον ἄχρι τούτου κῶλον. ὅσ τε πέτραν Ἀρκάδων δυσχείμερον ἐμβατεύεισ τὸ δεύτερον μέχρι τοῦδε. ἔνθεν εὔχομαι γένοσ. τοῦτο τρίτον. τὰ μὲν πρότερα μείζονα στίχου, τοῦτο δὲ ἔλαττον. Αὔγη γὰρ Ἀλέου παῖσ με τῷ Τιρυνθίῳ τίκτει λαθραίωσ Ἡρακλεῖ· μετὰ τοῦτο ξύνοιδε ὄροσ Παρθένιον, οὐθέτερον αὐτῶν στίχῳ συμμετρούμενον. εἶτ’ αὖθισ ἕτερον στίχου τε ἔλαττον καὶ στίχου μεῖζον ἔνθα μητέρ’ ὠδίνων ἐμὴν ἔλυσεν Εἰλείθυια καὶ τὰ ἑξῆσ τούτοισ παραπλήσια. ἐκ δὲ τῆσ μελικῆσ τὰ Σιμωνίδεια ταῦτα· γέγραπται δὲ κατὰ διαστολὰσ οὐχ ὧν Ἀριστοφάνησ ἢ ἄλλόσ τισ κατεσκεύασε κώλων ἀλλ’ ὧν ὁ πεζὸσ λόγοσ ἀπαιτεῖ. πρόσεχε δὴ τῷ μέλει καὶ ἀναγίνωσκε κατὰ διαστολάσ, καὶ εὖ ἴσθ’ ὅτι λήσεταί σε ὁ ῥυθμὸσ τῆσ ᾠδῆσ καὶ οὐχ ἕξεισ συμβαλεῖν οὔτε στροφὴν οὔτε ἀντίστροφον οὔτ’ ἐπῳδόν, ἀλλὰ φανήσεταί σοι λόγοσ εἷσ εἰρόμενοσ. ἔστι δὲ ἡ διὰ πελάγουσ φερομένη Δανάη τὰσ ἑαυτῆσ ἀποδυρομένη τύχασ· ὅτε λάρνακι ἐν δαιδαλέᾳ ἄνεμόσ τε μιν πνέων ἐφόρει κινηθεῖσά τε λίμνα, δείματι φρίττεν οὔτ’ ἀδιάντοισι παρειαῖσ ἀμφί τε Περσέι βάλλε φίλαν χέρα εἶπέν τε· ὦ τέκοσ, οἱο͂ν ἔχω πόνον, οὐ δἀνιᾷ σε· γαλαθηνῷ δ’ ἤθεϊ κνοώσσεισ ἐν ἀτερπέι δούρατι χαλκεογόμφῳ δίχα νυκτὸσ ἀλαμπεῖ κυανέῳ τε δνόφῳ σταλείσ. ἅλμαν δ’ ὕπερθεν τεᾶν κομᾶν βαθεῖαν παριόντοσ κύματοσ οὐκ ἀλέγεισ οὐδ’ ἀνέμου φθόγγον, πορφυρέᾳ κείμενοσ ἐν χλανίδι πρὸσ κόλπῳ καλὸν πρόσωπον. εἰ δέ τοι δεινὸν τό γε δεινὸν ἦν, καί κεν ἐμῶν ῥημάτων λεπτὸν ὑπεῖχεσ οὐᾶσ. κέλομαι· εὗδε βρέφοσ, εὑδέτω δὲ πόντοσ, εὑδέτω ἄμετρον κακόν. μεταβουλία δέ τισ φανείη, Ζεῦ πάτερ, ἐκ σέο· ὅ τι δὴ θαρσαλέον ἔποσ εὔχομαι νόσφι δίκασ, σύγγνωθί μοι. τοιαῦτά ἐστι τὰ ὅμοια τοῖσ καλοῖσ λόγοισ μέτρα καὶ μέλη, διὰ ταύτασ γινόμενα τὰσ αἰτίασ ἃσ προεῖπά σοι. , εἰ βουληθείησ ἐν ταῖσ χερσί τε αὐτὸ συνεχῶσ ὥσπέρ τι καὶ ἄλλο τῶν πάνυ χρησίμων ἔχειν καὶ συνασκεῖν αὑτὸν ταῖσ καθ’ ἡμέραν γυμνασίαισ. οὐ γὰρ αὐτάρκη τὰ παραγγέλματα τῶν τεχνῶν ἐστι δεινοὺσ ἀγωνιστὰσ ποιῆσαι τοὺσ βουλομένουσ γε δίχα μελέτησ τε καὶ γυμνασίασ· ἀλλ’ ἐπὶ τοῖσ πονεῖν καὶ κακοπαθεῖν βουλομένοισ κεῖται σπουδαῖ’ ἂν εἶναι τὰ παραγγέλματα καὶ λόγου ἄξια ἢ φαῦλα καὶ ἄχρηστα.

일치하는 문장이 없습니다.

SEARCH

MENU NAVIGATION