헬라어 문장 검색 - Διονψσ́ΔεΞομπό21́0́0́

(디오니시오스, De Compositione Verborum, chapter 21)

ἐγὼ τῆσ συνθέσεωσ εἰδικὰσ μὲν διαφορὰσ πολλὰσ σφόδρα εἶναι τίθεμαι καὶ οὔτ’ εἰσ σύνοψιν ἐλθεῖν δυναμένασ οὔτ’ εἰσ λογισμὸν ἀκριβῆ, οἰόμαί τε ἴδιον ἡμῶν ἑκάστῳ χαρακτῆρα ὥσπερ ὄψεωσ, οὕτω καὶ συνθέσεωσ ὀνομάτων παρακολουθεῖν, οὐ φαύλῳ παραδείγματι χρώμενοσ ζῳγραφίᾳ· λεκτέον δ’, ὥσπερ ὑπεθέμην, καὶ περὶ τῶν χαρακτήρων οὐχ ἅπανθ’ ὅσ’ ἂν εἰπεῖν ἔχοιμι μακρῶν γὰρ ἄν μοι πάνυ δεήσειε λόγων, ἀλλ’ αὐτὰ τὰ φανερώτατα. ὥσπερ γὰρ ἐν ἐκείνῃ τὰ αὐτὰ φάρμακα λαμβάνοντεσ ἅπαντεσ οἱ τὰ ζῷα γράφοντεσ οὐδὲν ἐοικότα ποιοῦσιν ἀλλήλοισ τὰ μίγματα, τὸν αὐτὸν τρόπον ἐν ποιητικῇ τε διαλέκτῳ καὶ τῇ ἄλλῃ πάσῃ τοῖσ αὐτοῖσ ὀνόμασι χρώμενοι πάντεσ οὐχ ὁμοίωσ αὐτὰ συντίθεμεν. τὰσ μέντοι γενικὰσ αὐτῆσ διαφορὰσ ταύτασ εἶναι πείθομαι μόνασ τὰσ τρεῖσ, αἷσ ὁ βουλόμενοσ ὀνόματα θήσεται τὰ οἰκεῖα, ἐπειδὰν τούσ τε χαρακτῆρασ αὐτῶν καὶ τὰσ διαφορὰσ ἀκούσῃ. ἐγὼ μέντοι κυρίοισ ὀνόμασιν οὐκ ἔχων αὐτὰσ προσαγορεῦσαι ὡσ ἀκατονομάστουσ μεταφορικοῖσ ὀνόμασι καλῶ τὴν μὲν αὐστηράν, τὴν δὲ γλαφυράν , τὴν δὲ τρίτην εὔκρατον· , εἴτε κατὰ στέρησιν τῶν ἄκρων ἑκατέρασ εἴτε κατὰ μῖξιν· οὐ γὰρ ῥᾴδιον εἰκάσαι τὸ σαφέσ. μή ποτ’ οὖν κρεῖττον ᾖ λέγειν, ὅτι κατὰ ἄνεσίν τε καὶ ἐπίτασιν τῶν ἐσχάτων ὁρ́ων οἱ διὰ μέσου γίνονται πολλοὶ πάνυ ὄντεσ· οὐ γὰρ ὥσπερ ἐν μουσικῇ τὸ ἴσον ἀπέχει τῆσ νήτησ καὶ τῆσ ὑπάτησ ἡ μέση, τὸν αὐτὸν τρόπον καὶ ἐν λόγοισ ὁ μέσοσ χαρακτὴρ ἑκατέρου τῶν ἄκρων ἴσον ἀφέστηκεν, ἀλλ’ ἔστι τῶν ἐν πλάτει θεωρουμένων ὡσ ἀγέλη τε καὶ σωρὸσ καὶ ἄλλα πολλά. ἀλλὰ γὰρ οὐχ οὗτοσ ὁ καιρὸσ ἁρμόττων τῇ θεωρίᾳ ταύτῃ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Compositione Verborum, chapter 21

(디오니시오스, De Compositione Verborum, chapter 21)

상위

목록

SEARCH

MENU NAVIGATION