Dionysius of Halicarnassus, De Compositione Verborum, chapter 10

(디오니시오스, De Compositione Verborum, chapter 10)

διωρισμένων δή μοι τούτων ἀκόλουθον ἂν εἰή λέγειν, τίνα ἐστὶν ὧν δεῖ στοχάζεσθαι τὸν βουλόμενον συντιθέναι τὴν λέξιν εὖ καὶ διὰ τίνων θεωρημάτων τυγχάνοι τισ ἂν ὧν βούλεται. ἡ δὲ Ἡροδότου σύνθεσισ ἀμφότερα ταῦτα ἔχει, καὶ γὰρ ἡδεῖά ἐστι καὶ καλή. δοκεῖ δέ μοι δύο ταῦτ’ εἶναι τὰ γενικώτατα, ὧν ἐφίεσθαι δεῖ τοὺσ συντιθέντασ μέτρα τε καὶ λόγουσ, ἥ τε ἡδονὴ καὶ τὸ καλόν· ἀμφότερα γὰρ ἐπιζητεῖ ταῦτα ἡ ἀκοή, ὅμοιόν τι πάσχουσα τῇ ὁράσει· καὶ γὰρ ἐκείνη πλάσματα καὶ γραφὰσ καὶ γλυφὰσ καὶ ὅσα δημιουργήματα χειρῶν ἐστιν ἀνθρωπίνων ὁρῶσα ὅταν εὑρίσκῃ τό τε ἡδὺ ἐνὸν ἐν αὐτοῖσ καὶ τὸ καλόν, ἀρκεῖται καὶ οὐδὲν ἔτι ποθεῖ. καὶ μὴ παράδοξον ἡγήσηταί τισ, εἰ δύο ποιῶ τέλη καὶ χωρίζω τὸ καλὸν ἀπὸ τῆσ ἡδονῆσ, μηδ’ ἄτοπον εἶναι νομίσῃ, εἴ τινα ἡγοῦμαι λέξιν ἡδέωσ μὲν συγκεῖσθαι, μὴ καλῶσ δέ, ἢ καλῶσ μέν, οὐ μὴν καὶ ἡδέωσ· φέρει γὰρ ἡ ἀλήθεια τὸ τοιοῦτον καὶ οὐδὲν ἀξιῶ καινόν· ἥ γέ τοι Θουκυδίδου λέξισ καὶ Ἀντιφῶντοσ τοῦ Ῥαμνουσίου καλῶσ μὲν σύγκειται νὴ Δία, εἴ πέρ τινεσ καὶ ἄλλαι, καὶ οὐκ ἄν τισ αὐτὰσ ἔχοι μέμψασθαι κατὰ τοῦτο, οὐ μὴν ἡδέωσ γε πάνυ· ἡ δέ γε τοῦ Κνιδίου συγγραφέωσ Κτησίου καὶ ἡ τοῦ Σωκρατικοῦ Ξενοφῶντοσ ἡδέωσ μὲν ὡσ ἔνι μάλιστα, οὐ μὴν καλῶσ γ’ ἐφ’ ὅσον ἔδει· λέγω δὲ κοινότερον, ἀλλ’ οὐχὶ καθάπαξ, ἐπεὶ καὶ παρ’ ἐκείνοισ ἡρ́μοσταί τινα ἡδέωσ καὶ παρὰ τούτοισ καλῶσ.

일치하는 문장이 없습니다.

SEARCH

MENU NAVIGATION