Dionysius of Halicarnassus, De Compositione Verborum, chapter 6

(디오니시오스, De Compositione Verborum, chapter 6)

δοκεῖ μοι τῆσ συνθετικῆσ ἐπιστήμησ τρία ἔργα εἶναι· ἓν μὲν ἰδεῖν, τί μετὰ τίνοσ ἁρμοζόμενον πέφυκε καλὴν καὶ ἡδεῖαν λήψεσθαι συζυγίαν· ἕτερον δὲ γνῶναι τῶν ἁρμόττεσθαι μελλόντων πρὸσ ἄλληλα πῶσ ἂν ἕκαστον σχηματισθὲν κρείττονα ποιήσειε φαίνεσθαι τὴν ἁρμονίαν· τρίτον δ’ εἴ τι δεῖται μετασκευῆσ τῶν λαμβανομένων, ἀφαιρέσεωσ λέγω καὶ προσθήκησ καὶ ἀλλοιώσεωσ, γνῶναί τε καὶ πρὸσ τὴν μέλλουσαν χρείαν οἰκείωσ ἐξεργάσασθαι. ὅ τι δὲ τούτων ἕκαστον δύναται, σαφέστερον ἐρῶ χρησάμενοσ εἰκόσι τῶν δημιουργικῶν τεχνῶν τισιν ἃσ ἅπαντεσ ἴσασιν, οἰκοδομικῇ λέγω καὶ ναυπηγικῇ καὶ ταῖσ παραπλησίαισ· ὅ τε γὰρ οἰκοδόμοσ ὅταν πορίσηται τὴν ὕλην ἐξ ἧσ μέλλει κατασκευάζειν τὴν οἰκίαν, λίθουσ καὶ ξύλα καὶ κέραμον καὶ τἆλλα πάντα, συντίθησιν ἐκ τούτων ἤδη τὸ ἔργον τρία ταῦτα πραγματευόμενοσ, ποίῳ δεῖ λίθῳ τε καὶ ξύλῳ καὶ πλίνθῳ ποῖον ἁρμόσαι λίθον ἢ ξύλον ἢ πλίνθον, ἔπειτα πῶσ τῶν ἁρμοζομένων ἕκαστον καὶ ἐπὶ ποίασ πλευρᾶσ ἑδράσαι, καὶ τρίτον, εἴ τι δύσεδρόν ἐστιν, ἀποκροῦσαι καὶ περικόψαι καὶ αὐτὸ τοῦτο εὐέδρον ποιῆσαι· ὅ τε ναυπηγὸσ τὰ αὐτὰ ταῦτα πραγματεύεται. τὰ δὴ παραπλήσιά φημι δεῖν καὶ τοὺσ μέλλοντασ εὖ συνθήσειν τὰ τοῦ λόγου μόρια, πρῶτον μὲν σκοπεῖν, ποῖον ὄνομα ἢ ῥῆμα ἢ τῶν ἄλλων τι μορίων ποίῳ συνταχθὲν ἐπιτηδείωσ ἔσται κείμενον καὶ πῶσ εὖ ἢ ἄμεινον οὐ γὰρ δὴ πάντα γε μετὰ πάντων τιθέμενα πέφυκεν ὁμοίωσ διατιθέναι τὰσ ἀκοάσ· ἔπειτα διακρίνειν, πῶσ σχηματισθὲν τοὔνομα ἢ τὸ ῥῆμα ἢ τῶν ἄλλων ὅ τι δή ποτε χαριέστερον ἱδρυθήσεται καὶ πρὸσ τὰ ὑποκείμενα πρεπωδέστερον· λέγω δὲ ἐπὶ μὲν τῶν ὀνομάτων, πότερον ἑνικῶσ ἢ πληθυντικῶσ λαμβανόμενα κρείττω λήψεται συζυγίαν, καὶ πότερον κατὰ τὴν ὀρθὴν ἐκφερόμενα πτῶσιν ἢ κατὰ τῶν πλαγίων τινά, καὶ εἴ τινα πέφυκεν ἐξ ἀρρενικῶν γίνεσθαι θηλυκὰ ἢ ἐκ θηλυκῶν ἀρρενικὰ ἢ οὐδέτερα ἐκ τούτων, πῶσ ἂν ἄμεινον σχηματισθείη, καὶ πάντα τὰ τοιαῦτα· ἐπὶ δὲ τῶν ῥημάτων, πότερα κρείττω λαμβανόμενα ἔσται, τὰ ὀρθὰ ἢ τὰ ὕπτια, καὶ κατὰ ποίασ ἐγκλίσεισ ἐκφερόμενα, ἃσ δή τινεσ πτώσεισ ῥηματικὰσ καλοῦσι, κρατίστην ἕδραν λήψεται, καὶ ποίασ παρεμφαίνοντα διαφορὰσ χρόνων καὶ εἴ τινα τοῖσ ῥήμασιν ἄλλα παρακολουθεῖν πέφυκε τὰ δ’ αὐτὰ ταῦτα καὶ ἐπὶ τῶν ἄλλων τοῦ λόγου μερῶν φυλακτέον, ἵνα μὴ καθ’ ἓν ἕκαστον λέγω· ἐπὶ δὲ τούτοισ τὰ ληφθέντα διακρίνειν, εἴ τι δεῖται μετασκευῆσ ὄνομα ἢ ῥῆμα, πῶσ ἂν ἐναρμονιώτερόν τε καὶ εὐεδρότερον γένοιτο· τοῦτο τὸ στοιχεῖον ἐν μὲν ποιητικῇ δαψιλέστερόν ἐστιν, ἐν δὲ λόγοισ πεζοῖσ σπανιώτερον· πλὴν γίνεταί γε καὶ ἐν τούτοισ ἐφ’ ὅσον ἂν ἐγχωρῇ· προστέθηκέ τι τῇ ἀντωνυμίᾳ γράμμα τῆσ συνθέσεωσ στοχαζόμενοσ· εἰπεῖν· τῇ προθέσει παρηύξηκεν τοὔνομα, τὸ γὰρ ἰδὼν ἀπέχρη· ταῖσ συναλοιφαῖσ ἠλάττωκε τὰ μόρια τοῦ λόγου κἀποκέκρουκέ τινα τῶν γραμμάτων· τὸ λυθήσεται καὶ τὰ τοιουτότροπα μετασκευάζει τὰσ λέξεισ, ἵν’ αὐτῷ γένοιντο ἁρμοσθῆναι καλλίουσ καὶ ἐπιτηδειότεραι.

일치하는 문장이 없습니다.

SEARCH

MENU NAVIGATION