Dionysius of Halicarnassus, De Compositione Verborum, chapter 2

(디오니시오스, De Compositione Verborum, chapter 2)

ἡ σύνθεσισ ἔστι μέν, ὥσπερ καὶ αὐτὸ δηλοῖ τοὔνομα, ποιά τισ θέσισ παρ’ ἄλληλα τῶν τοῦ λόγου μορίων, ἃ δὴ καὶ στοιχεῖά τινεσ τῆσ λέξεωσ καλοῦσιν. ταῦτα δὲ Θεοδέκτησ μὲν καὶ Ἀριστοτέλησ καὶ οἱ κατ’ ἐκείνουσ φιλοσοφήσαντεσ τοὺσ χρόνουσ ἄχρι τριῶν προήγαγον, ὀνόματα καὶ ῥήματα καὶ συνδέσμουσ πρῶτα μέρη τῆσ λέξεωσ ποιοῦντεσ. οἱ δὲ μετὰ τούτουσ γενόμενοι, καὶ μάλιστα οἱ τῆσ Στωικῆσ αἱρέσεωσ ἡγεμόνεσ, ἑώσ τεττάρων προὐβίβασαν, χωρίσαντεσ ἀπὸ τῶν συνδέσμων τὰ ἄρθρα. εἶθ’ οἱ μεταγενέστεροι τὰ προσηγορικὰ διελόντεσ ἀπὸ τῶν ὀνοματικῶν πέντε ἀπεφήναντο τὰ πρῶτα μέρη. ἕτεροι δὲ καὶ τὰσ ἀντονομασίασ ἀποζεύξαντεσ ἀπὸ τῶν ὀνομάτων ἕκτον στοιχεῖον τοῦτ’ ἐποίησαν. οἳ δὲ καὶ τὰ ἐπιρρήματα διελόντεσ ἀπὸ τῶν ῥημάτων καὶ τὰσ προθέσεισ ἀπὸ τῶν συνδέσμων καὶ τὰσ μετοχὰσ ἀπὸ τῶν προσηγορικῶν, οἳ δὲ καὶ ἄλλασ τινὰσ προσαγαγόντεσ τομὰσ πολλὰ τὰ πρῶτα μόρια τῆσ λέξεωσ ἐποίησαν· ὑπὲρ ὧν οὐ μικρὸσ ἂν εἰή λόγοσ. πλὴν ἥ γε τῶν πρώτων εἴτε τριῶν ἢ τεττάρων εἴθ’ ὅσων δή ποτε ὄντων μερῶν πλοκὴ καὶ παράθεσισ τὰ λεγόμενα ποιεῖ κῶλα, ἔπειθ’ ἡ τούτων ἁρμονία τὰσ καλουμένασ συμπληροῖ περιόδουσ, αὗται δὲ τὸν σύμπαντα τελειοῦσι λόγον. ἔστι δὴ τῆσ συνθέσεωσ ἔργα τά τε ὀνόματα οἰκείωσ θεῖναι παρ’ ἄλληλα καὶ τοῖσ κώλοισ ἀποδοῦναι τὴν προσήκουσαν ἁρμονίαν καὶ ταῖσ περιόδοισ διαλαβεῖν εὖ τὸν λόγον. δευτέρα δ’ οὖσα μοῖρα τῶν περὶ τὸν λεκτικὸν τόπον θεωρημάτων κατὰ γοῦν τὴν τάξιν ἡγεῖται γὰρ ἡ τῶν ὀνομάτων ἐκλογὴ καὶ προὑφίσταται ταύτησ κατὰ φύσιν ἡδονὴν καὶ πειθὼ καὶ κράτοσ ἐν τοῖσ λόγοισ οὐκ ὀλίγῳ κρείττον’ ἐκείνησ ἔχει. καὶ μηδεὶσ ἡγήσηται παράδοξον, εἰ πολλῶν καὶ μεγάλων ὄντων θεωρημάτων περὶ τὴν ἐκλογήν, ὑπὲρ ὧν πολὺσ ἐγένετο φιλοσόφοισ τε καὶ πολιτικοῖσ ἀνδράσι λόγοσ, ἡ σύνθεσισ δευτέραν ἔχουσα χώραν τῇ τάξει καὶ λόγων οὐδὲ πολλοῦ δεῖ τῶν ἴσων ἐκείνῃ τυχοῦσα τοσαύτην ἰσχὺν ἔχει καὶ δύναμιν ὥστε περιεῖναι πάντων τῶν ἐκείνησ ἔργων καὶ κρατεῖν, ἐνθυμούμενοσ ὅτι καὶ ἐπὶ τῶν ἄλλων τεχνῶν, ὅσαι διαφόρουσ ὕλασ λαμβάνουσαι συμφορητὸν ἐκ τούτων ποιοῦσι τὸ τέλοσ, ὡσ οἰκοδομική τε καὶ τεκτονικὴ καὶ ποικιλτικὴ καὶ ὅσαι ταύταισ εἰσὶν ὁμοιογενεῖσ, αἱ συνθετικαὶ δυνάμεισ τῇ μὲν τάξει δεύτεραι τῶν ἐκλεκτικῶν εἰσι, τῇ δὲ δυνάμει πρότεραι· ὥστ’ εἰ καὶ τῷ λόγῳ τὸ αὐτὸ συμβέβηκεν, οὐκ ἄτοπον ἡγητέον. οὐδὲν δὲ κωλύει καὶ πίστεισ παρασχεῖν τοῦ προκειμένου, μή τι δόξωμεν ἐξ ἑτοίμου λαμβάνειν τῶν ἀμφισβήτησιν ἐχόντων λόγων.

일치하는 문장이 없습니다.

SEARCH

MENU NAVIGATION