Dionysius of Halicarnassus, Antiquitates Romanae, Books X-XX, book 19, chapter 17

(디오니시오스, Antiquitates Romanae, Books X-XX, book 19, chapter 17)

ἐπέμψαμέν σε, ὦ Φαβρίκιε, πρεσβευτὴν σὺν ἑτέροισ δυσὶν ὑπατικοῖσ ἀνδράσι πρὸσ βασιλέα Πύρρον ὑπὲρ αἰχμαλώτων λύσεωσ διαλεξόμενον· ἥκεισ ἀπὸ τῆσ πρεσβείασ τοὺσ μὲν αἰχμαλώτουσ οὐκ ἄγων οὐδὲ ἄλλο τῇ πόλει φέρων ἀγαθὸν οὐθέν, αὐτὸσ δὲ βασιλικὰσ δωρεὰσ εἰληφὼσ μόνοσ τῶν συναποσταλέντων σοι πρέσβεων, καὶ ἣν ὁ δῆμοσ ἀπεψηφίσατο ποιήσασθαι εἰρήνην, ταύτην ποιήσασ μόνοσ, ἐπ’ οὐθενὶ τῆσ πόλεωσ ἀγαθῷ· πόθεν γάρ;

ἀλλ’ ἵνα προδῷσ αὐτὴν τῷ βασιλεῖ, καὶ διὰ σοῦ μὲν ἐκεῖνοσ ἅπασαν Ἰταλίαν ὑφ’ αὑτῷ ποιήσηται, δι’ ἐκείνου δὲ σὺ τῆσ πατρίδοσ ἀφέλῃ τὴν ἐλευθερίαν. τοῦτο γάρ ἐστιν, ὃ διώκουσιν ἅπαντεσ οἱ μὴ τὴν ἀληθινήν, ἀλλὰ τὴν προσποιητὸν ἐπιτηδεύσαντεσ ἀρετήν, ὅταν εἰσ ὄγκον καὶ μέγεθοσ πραγμάτων προέλθωσιν. εἰ δὲ δὴ μὴ τὸ πρεσβύτερον ἔχων ἀξίωμα, μηδὲ παρὰ τῶν πολεμίων τῆσ πατρίδοσ, μηδ’ ἐπὶ προδοσίᾳ καὶ τυραννίδι τῶν σεαυτοῦ πολιτῶν ἐδωροδόκεισ, ἀλλ’ ἰδιώτησ ὢν καὶ παρ’ ἀνδρὸσ συμμάχου καὶ ἐπ’ οὐδενὶ κακῷ τῆσ πόλεωσ, ἆρ’ οὐ δι’ ἐκεῖνα τῆσ μεγάλησ ἄξιοσ εἶ ζημίασ, ὅτι διαφθείρεισ μὲν τοὺσ νέουσ πλούτου καὶ τρυφῆσ καὶ πολυτελείασ βασιλικῆσ ζῆλον εἰσ τοὺσ βίουσ εἰσάγων, οἷσ πολλῆσ δεῖ σωφροσύνησ, εἰ μέλλει σωθήσεσθαι τὰ κοινά·

παραλαβὼν ἐλάττονα ἢ κατὰ σεαυτὸν ἡγήσω·

διαφθείρεισ δὲ τὴν ἐκ τῶν προτέρων ἐπιτηδευμάτων γενομένην σοι δόξαν, ὡσ ἐγκρατὴσ καὶ σώφρων καὶ πάσησ αἰσχρᾶσ ἐπιθυμίασ κρείττων;

ἔπειτα χαιρήσεισ κακὸσ ἐξ ἀγαθοῦ γενόμενοσ, ὅτ’ ἔδει σε, καὶ εἰ πρότερον πονηρὸσ ἦσθα, πεπαῦσθαι; ἢ τῶν καλῶν τινοσ ἔτι μεθέξεισ τῶν ὀφειλομένων τοῖσ ἀγαθοῖσ, ἀλλ’ οὐκ ἄπει μάλιστα μὲν ἐκ τῆσ πόλεωσ, εἰ δὲ μή γ’ ἐκ τῆσ ἀγορᾶσ;

SEARCH

MENU NAVIGATION