헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 19, chapter 15)

παυσαμένου δ’ αὐτοῦ μικρὸν ἐπισχὼν ὁ Φαβρίκιοσ εἶπε· περὶ μὲν τῆσ ἀρετῆσ, ἥτισ ἐστὶ περὶ ἡμᾶσ ἢ κατὰ τὰσ κοινὰσ πράξεισ ἢ κατὰ τὸν ἴδιον βίον, οὐδὲν ἐμὲ δεῖ ἐπ’ ἐμαυτοῦ λέγειν, ἐπειδὴ πέπυσαι παρ’ ἑτέρων· οὐδέ γε περὶ τῆσ πενίασ, ὅτι μοι γήδιον μικρόν ἐστι κομιδῆ καὶ φαῦλον οἰκίδιον καὶ οὔτ’ ἀπὸ δανεισμάτων οὔτ’ ἀπ’ ἀνδραπόδων ὁ βίοσ·

ἑτέρων.

περὶ δὲ τοῦ κάκιόν με Ῥωμαίων τινὸσ πράττειν δι’ ἀπορίαν καὶ μηδὲν εἶναί μοι πλέον ἀσκοῦντι καλοκαγαθίαν, ὅτι τῶν πλουσίων οὐκ εἰμί, κακῶσ ὑπείληφασ, εἴτ’ ἀκούσασ τινὸσ εἴτ’ αὐτὸσ εἰκάζων.

ἐμοὶ γὰρ οὐδεμία πώποτε κακοδαιμονίασ αἴσθησισ παρὰ τὸ μὴ πολλὰ κεκτῆσθαι γέγονεν οὐδ’ ἔστιν, οὐδ’ ὠδυράμην τὴν ἐμαυτοῦ τύχην οὔτ’ ἐν τοῖσ κοινοῖσ πράγμασιν οὔτ’ ἐν τοῖσ ἰδίοισ. τί γὰρ καὶ παθὼν ἐγκαλοίην ἂν αὐτῇ;

πότερον, ὅτι μοι τῶν καλῶν καὶ περιμαχήτων, ἐφ’ οἷσ ἅπασα φύσισ ἐσπούδακεν εὐγενήσ, οὐδενὸσ ἐξεγένετο παρὰ τῆσ πατρίδοσ μεταλαβεῖν διὰ πενίαν; ὥσπερ οὐδὲ τῶν ἄλλων οὐδείσ.

οὐ γὰρ ἐνοχλεῖ τοῖσ ἑκάστου βίοισ ἡ πόλισ ἡ Ῥωμαίων ὥσπερ τινὲσ ἕτεραι, ἐν αἷσ ὁ κοινὸσ μὲν πλοῦτοσ ὀλίγοσ ἐστίν, ὁ δὲ τῶν ἰδιωτῶν πολύσ, ἀλλ’ αὐτὴ παρέχει τοῖσ πρὸσ τὰ κοινὰ προσιοῦσιν ἅπαντα, ὅσων δέονται, λαμπρὰσ καὶ μεγαλοπρεπεῖσ ὑποτιθεῖσα χορηγίασ·

ὥστε μηδὲν ἀτιμότερον εἶναι τὸν πενέστατον τοῦ πλουσιωτάτου κατὰ τὴν ἐπαξίωσιν τῶν καλῶν, ἀλλὰ πάντασ εἶναι Ῥωμαίουσ, ὅσοι ἂν ὦσι διὰ καλοκαγαθίαν τούτων ἄξιοι τῶν τιμῶν, ἀλλήλοισ ἴσουσ.

ὁπότε δὲ πενόμενοσ οὐδὲν παρὰ τοῦτ’ ἔλαττον ἔχω τῶν πολλὰ κεκτημένων, τί παθὼν ἂν κατηγόρησα τῆσ τύχησ, ὅτι οὐχ ὑμῖν ὅμοιον ἐμὲ ἐποίησε τοῖσ βασιλεῦσιν, οἷσ ὁ πολὺσ θησαυρίζεται χρυσόσ;

ἅπαν γλυκύ, ὅταν ἡ δίψα πορίσῃ, καὶ ὕπνοσ μαλθακόσ, ὅταν ἡγήσηται κόποσ, ἐσθήσ τε ἡ παρέχουσα μὴ ῥιγοῦν αὐταρκεστάτη, καὶ σκεῦοσ ὅ τι ἂν εὐτελέστατον τῶν δυναμένων τὰσ αὐτὰσ παρέχειν χρείασ οἰκειότατον.

ὥστ’ οὐδὲ κατὰ τοῦτο δίκαιοσ εἰήν ἂν τῆσ τύχησ κατηγορεῖν, ἥ μοι τοσαύτην παρέσχεν οὐσίαν, ὅσην ἡ φύσισ ἐβούλετο ἔχειν·

τῶν δ’ ὑπερβαλλόντων οὔτε πόθον ἐνέφυσεν οὔτ’ εὐπορίαν ἔδωκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 19, chapter 15

(디오니시오스, Antiquitates Romanae, Books X-XX, book 19, chapter 15)

상위

목록

SEARCH

MENU NAVIGATION