Dionysius of Halicarnassus, Antiquitates Romanae, Books X-XX, book 19, chapter 8

(디오니시오스, Antiquitates Romanae, Books X-XX, book 19, chapter 8)

τῶν Ταραντίνων βουλομένων ἐκ τῆσ Ἠπείρου Πύρρον μετακαλεῖν ἐπὶ τὸν κατὰ Ῥωμαίων πόλεμον καὶ τοὺσ κωλύοντασ ἐξελαυνόντων Μέτων τισ καὶ αὐτὸσ Ταραντῖνοσ, ἵνα τύχοι προσοχῆσ καὶ διδάξειεν αὐτούσ, ὅσα μετὰ τῆσ βασιλικῆσ ἐξουσίασ εἰσ πόλιν ἐλευθέραν καὶ τρυφῶσαν εἰσελεύσεται, συγκαθημένου τοῦ πλήθουσ παρῆν εἰσ τὸ θέατρον ἐστεφανωμένοσ ὥσπερ ἐκ συμποσίου, παιδίσκην περιειληφὼσ αὐλητρίδα κωμαστικὰ μέλη προσαυλοῦσαν. διαλυθείσησ δὲ τῆσ ἁπάντων σπουδῆσ εἰσ γέλωτα, καὶ τῶν μὲν ᾅδειν αὐτὸν κελευόντων, τῶν δὲ ὀρχεῖσθαι περιβλέψασ κύκλῳ καὶ τῇ χειρὶ διασημήνασ ἡσυχίαν αὐτῷ παρασχεῖν, ἐπειδὴ κατέστειλε τὸν θόρυβον·

ἄνδρεσ, ἔφη, πολῖται, τούτων, ὧν ἐμὲ ποιοῦντα ὁρᾶτε νῦν, οὐδὲν ὑμῖν ἐξέσται ποιεῖν, ἐὰν βασιλέα καὶ φρουρὰν εἰσ τὴν πόλιν εἰσελθεῖν ἐάσητε. ὡσ δὲ κινουμένουσ καὶ προσέχοντασ εἶδε πολλοὺσ καὶ κελεύοντασ λέγειν, σώζων ἔτι τὸ προσποίημα τῆσ κραιπάλησ τὰ συμβησόμενα αὐτοῖσ ἠριθμεῖτο κακά·

ἔτι δὲ αὐτοῦ λέγοντοσ οἱ τῶν κακῶν αἴτιοι συλλαβόντεσ αὐτὸν κατὰ κεφαλῆσ ἐξωθοῦσιν ἐκ τοῦ θεάτρου.

SEARCH

MENU NAVIGATION